കടകംപ്പള്ളി പിണറായിയെ ചതിച്ചു; വിശ്വാസികള്‍ കട്ടയ്ക്കിറങ്ങി
കടകംപ്പള്ളി ചതിച്ചാശാനെ. എന്ന് പറയുന്നതാകും ഇനി പിണറായിക്ക് നല്ലത്. അതായത് മോദിയെ മലര്‍ത്തിയടിക്കാനുള്ള പിണറായിയുയടെ പുതിയ നീക്കമെന്നോ കേന്ദ്രത്തിന് മേല്‍ പഴിചാരാനുള്ള സംസ്ഥാന സര്‍ക്കാരിന്റെ നീക്കമെന്നോ ഒക്കെ ഇതിനെ വിശേഷിപ്പിക്കാം. ഏതായാലും പുതിയ നീക്കം പൊളിഞ്ഞു. എന്തായാലും അമ്പമ്പോ അപാര ബുദ്ധി തന്നെ എന്ന് പറഞ്ഞുകൊണ്ട് ബി.ജെ.പിക്കാരും വിശ്വാസികളും ഇറങ്ങിക്കഴിഞ്ഞു.
ഏതായാലും ആ നീക്കത്തെ പൊളിച്ചടുക്കി പലരും തുടങ്ങി. കൈവിട്ടുപോകുമെന്നായപ്പോള്‍ ക്ഷേത്രങ്ങള്‍ തുറന്ന് തടിതപ്പാനോ നീക്കമെന്നുള്ള കേന്ദ്രമന്ത്രി വി.മുരളീധരന്‍ പിണറായിക്കെതിരെ നടത്തിയ ആ ഒരൊറ്റ പ്രസ്താവന മതി കാര്യങ്ങള്‍ മനസിലാക്കാന്‍. ക്ഷേത്രങ്ങള്‍ തുറക്കാനുള്ള സംസ്ഥാന സര്‍ക്കാര്‍ തീരുമാനത്തിനെതിരെ രൂക്ഷ വിമര്‍ശനവുമായി ബി.ജെ.പി കളം നിറയുകയാണ്. കേരളത്തിന്റെ കോവിഡ് പ്രതിരോധ മോഡലെന്ന് എല്ലാ ദിവസവും വീമ്പിളക്കി, ഒടുവില്‍ കൈവിട്ടുപോകുമെന്നായപ്പോള്‍ ക്ഷേത്രങ്ങള്‍ തുറന്ന് തടിതപ്പാനാണോ നീക്കമെന്നും മുഖ്യമന്ത്രി പിണറായി വിജയന് തുറന്ന കത്തായും പ്രതികരണങ്ങളായുമൊക്കെ തൊടുത്തുവിടുകയാണ് കേന്ദ്ര സംസ്ഥാന ബി.ജെ.പി നേതാക്കള്‍.
എന്തായാലും അങ്ങനെയൊരു നീക്കമുണ്ടായി എന്ന് സംശയിക്കത്ത രീതിയില്‍ കാര്യങ്ങള്‍ ഉണ്ട് എന്ന് തന്നെ ബി.ജെ.പി ആവര്‍ത്തിക്കുന്നു. അതിന്റെ ആദ്യ സൂചന ദേവസ്വം മന്ത്രിയുടെ നാവിന്‍ തുമ്പത്തുനിന്നുതന്നെ പുറത്തുവന്നു എന്നാണ് അവര്‍ അതിനായി ചൂണ്ടികാണിക്കുന്നതും. ക്ഷേത്രങ്ങള്‍ തുറക്കാന്‍ ഉത്തരവിട്ടത് കേന്ദ്ര സര്‍ക്കാരാണ്, താങ്കളുടെ സര്‍ക്കാരിന് പങ്കില്ല എന്നാണ് ദേവസ്വം മന്ത്രി പറഞ്ഞതെന്ന് വിദേശകാര്യ സഹമന്ത്രി ആവര്‍ത്തിക്കുമ്പോള്‍ കാര്യങ്ങള്‍ വ്യക്തം. ഒരു പക്ഷെ കടംകംപ്പള്ളി അങ്ങനെ പറഞ്ഞില്ലായിരുന്നുവെങ്കില്‍ ബി.ജെ.പി പറഞ്ഞത് സംഭവിച്ചേനെ. ഏതായാലും മുരളീധരന്റെ ചോദ്യങ്ങള്‍ പ്രസക്തമാണ്. ആരു പറഞ്ഞിട്ടാണ് ദേവസ്വം ബോര്‍ഡിനുകീഴിലുളള ഹിന്ദു ക്ഷേത്രങ്ങള്‍ തുറക്കാന്‍ താങ്കളുടെ സര്‍ക്കാര്‍ തീരുമാനിച്ചത്? ഇക്കാര്യം വിശ്വാസികള്‍ ആവശ്യപ്പെട്ടിരുന്നോ? ഏതെങ്കിലും ക്ഷേത്രഭരണസമിതികള്‍ ആവശ്യപ്പെട്ടോ? ഇതൊന്നുമില്ലാതെ ക്ഷേത്രങ്ങള്‍ തുറക്കാനുളള താങ്കളുടെ നിലപാട് ദുരുദ്ദേശപരമാണ്. അത് വിശ്വാസികളായ കേരളത്തിലെ ഹിന്ദു സമൂഹം തിരിച്ചറിയുന്നുണ്ട്. കേരളത്തിലെ ഇടതുസര്‍ക്കാര്‍ വിശ്വാസികള്‍ക്കെന്ന പേരില്‍ കാട്ടിക്കൂട്ടുന്നതിന്റെ ചേതോവികാരം എന്താണെന്ന് താങ്കള്‍ മനസില്‍ വിചാരിക്കും മുമ്പു തന്നെ മാനത്തുകാണുന്നവരാണ് കേരളത്തിലെ ഹിന്ദു സമൂഹമെന്ന് താങ്കള്‍ ഇനിയെങ്കിലും തിരിച്ചറിയണമെന്ന് ബി.ജെ.പി ഉറപ്പിച്ചു കഴിഞ്ഞു. രാജ്യമാകമാനമുളള പൊതുമാനദണ്ഡമാണ് കേന്ദ്ര സര്‍ക്കാരിറക്കുന്നത്. ഇക്കാര്യത്തില്‍ പ്രാദേശിക സാഹചര്യം മനസിലാക്കി ഉത്തരവിറക്കേണ്ടത് സംസ്ഥാന സര്‍ക്കാരാണ്. താങ്കളുടെ ഭരണകൂടത്തിന്റെ ചുമതലയാണത്. കേന്ദ്ര സര്‍ക്കാര്‍ മാനദണ്ഡമനുസരിച്ചാണ് ഉത്തരവിറക്കിയതെങ്കില്‍ ക്വാറന്റീന്‍ കാര്യത്തിലടക്കം കേരളം എന്തുകൊണ്ട് കേന്ദ്ര മാനദണ്ഡം അതേപടി നടപ്പാക്കിയില്ല? 14 ദിവസം ഇന്‍സ്റ്റിറ്റിയൂഷണല്‍ ക്വാറന്റീന്‍ വേണമെന്ന മാനദണ്ഡത്തില്‍ സംസ്ഥാന സര്‍ക്കാര്‍ വെളളം ചേര്‍ത്തത് ആരും തിരിച്ചറിയില്ല എന്ന് കരുതരുത്. കേരളത്തിലെ വിശ്വാസികളായ ഹിന്ദു സമൂഹത്തെ മന:പൂര്‍വം വ്രണപ്പെടുത്താനുളള നീക്കമാണ് സംസ്ഥാന സര്‍ക്കാരിന്റേത്. നിലവിലെ സാഹചര്യം മനസിലാക്കി ക്ഷേത്രങ്ങള്‍ തുറക്കേണ്ടന്ന് ദേവസ്വം ബോര്‍ഡിന്റെ പരിധിയില്‍ വരാത്ത നൂറുകണക്കിന് ക്ഷേത്ര കമ്മിറ്റികള്‍ തീരുമാനിച്ചു കഴിഞ്ഞു. എന്നിട്ടും താങ്കള്‍ മുന്നോട്ടുപോകുന്നത് വിശ്വാസികളെ ലക്ഷ്യം വെച്ചല്ല, ഇവിടെവീഴുന്ന കാണിക്കയില്‍ കണ്ണുടക്കിയാണെന്ന് കേരളത്തിലെ ഹിന്ദു സമൂഹം തിരിച്ചറിയുന്നുണ്ട്. അതുകൊണ്ടൊന്നേ പറയാനുള്ളൂ... ദേവസ്വം ബോര്‍ഡിനു കീഴിലുളള ക്ഷേത്രങ്ങള്‍ തുറക്കാനുളള തീരുമാനം കേരളത്തിലെ ഇടതുസര്‍ക്കാര്‍ ഉടന്‍ പിന്‍വലിക്കണം. മുഖ്യമന്ത്രിയെന്ന നിലയിലുളള അന്തസും മാന്യതയും താങ്കള്‍ കാണിക്കണം. ഈശ്വര വിരോധികളായ സിപിഎമ്മിന്റെ പാര്‍ട്ടി സെക്രട്ടറിയല്ല, കേരള സംസ്ഥാനത്തിന്റെ മുഖ്യമന്ത്രിയാണെന്ന് ഇനിയെങ്കിലും താങ്കള്‍ സ്വയം തിരിച്ചറിയണം. ഇതൊക്കെയാണ് ബി.ജെ.പിക്കാര്‍ ആവര്‍ത്തിക്കുന്നത്.
https://www.facebook.com/Malayalivartha
