മീനച്ചിലാറ്റില്‍ മരിച്ച നിലയില്‍ കണ്ടെത്തിയ ബികോം വിദ്യാർത്ഥിനി അഞ്ജു ഷാജിയുടെ മൃതദേഹത്തിന് രണ്ട് ദിവസം പഴക്കമുണ്ടെന്ന് പോസ്റ്റ്മോര്‍ട്ടം റിപ്പോര്‍ട്ട്. ശരീരത്തില്‍ മറ്റ് മുറിവുകളില്ല. വെള്ളം ഉള്ളില്‍ ചെന്നുള്ള മുങ്ങിമരണമെന്നാണ് പോസ്റ്റ്മോര്‍ട്ടത്തിലെ പ്രാഥമിക നിഗമനം. ആന്തരികാവയവങ്ങളുടെ രാസപരിശോധനാഫലം കൂടി വന്നശേഷമേ മരണം സംബന്ധിച്ച കൂടുതല്‍ കാര്യങ്ങള്‍ വ്യക്തമാകൂ.

ആന്തരികാവയവങ്ങള്‍ കോട്ടയം മെഡിക്കല്‍ കോളേജ് ഫോറന്‍സിക് മെഡിസിന്‍ വിഭാഗത്തിന് പരിശോധനയ്ക്കായി അയച്ചിരിക്കുകയാണ്. പോസ്റ്റുമോര്‍ട്ടം നടപടികള്‍ പൂര്‍ത്തിയാക്കി മൃതദേഹം വീട്ടുവളപ്പില്‍ സംസ്കരിച്ചു. അഞ്ജു പരീക്ഷ എഴുതിയ കോളേജ് അധികൃതരാണ് മരണത്തിന് കാരണമെന്നും അവ‌ര്‍ക്കെതിരെ നടപടി വേണമെന്നും ആവശ്യപ്പെട്ട് ബന്ധുക്കളും നാട്ടുകാരും മൃതദേഹം വീട്ടിലെത്തിച്ചപ്പോള്‍ പ്രതിഷേധിച്ചിരുന്നു.

പി.സി ജോര്‍ജ് എം.എല്‍.എ മുഖ്യമന്ത്രിയുമായി സംസാരിച്ച്‌ അഞ്ജുവിന്റെ മരണത്തില്‍ സമഗ്ര അന്വേഷണം നടത്താമെന്ന ഉറപ്പിലാണ് പ്രതിഷേധം അവസാനിപ്പിച്ച്‌ മൃതദേഹം സംസ്കരിക്കാന്‍ വീട്ടുകാരും ബന്ധുക്കളും തയ്യാറായത്.

പരീക്ഷയെഴുതാന്‍ പോയി കാണാതായി മീനച്ചിലാറ്റില്‍നിന്നു മരിച്ചനിലയില്‍ കണ്ടെത്തിയ അഞ്ജു പി.ഷാജി കോപ്പിയടിക്കാന്‍ ശ്രമിച്ചെന്നു കോളജ് അധികൃതരുടെ വിശദീകരണം. ഹാള്‍ ടിക്കറ്റില്‍ പിന്നില്‍ പാഠഭാഗങ്ങള്‍ എഴുതിക്കൊണ്ടു വന്നുവെന്നാണ് കോളജ് അധികൃതര്‍ വ്യക്തമാക്കുന്നത് എന്നാല്‍ അവളെ പോലെ ഒരു കുട്ടി അങ്ങനെ ചെയ്യ്‌യില്ല എന്നുള്ള ശതമായ നിലപാടിലാണ് നാട്ടുകാരും ബന്ധുക്കളും