മുന്‍രഞ്ജി താരം കെ. ജയമോഹന് തമ്പിയുടെ മരണം നെറ്റിയിലേയും തലയിലേയും ആഴത്തിലുള്ള മുറിവാണെന്ന് കണ്ടെത്തിയതിനെ തുടര്‍ന്ന്. സംഭവം കൊലപാതകമാണെന്നു തെളിയിയുകയാണ്. കൊലപാതകമാണ് എന്ന് തെളിയിക്കുന്ന കൂടുതല്‍ വിവരങ്ങള്‍ പുറത്തുവരികയാണ്. കേസില്‍ അറസ്റ്റിലായ മകന്‍ അശ്വിന്‍ ജയമോഹന്‍ തമ്പിയെ ആശുപത്രിയിലെത്തിക്കാതെ മരണത്തിന് വഴിയൊരുക്കിയെന്നും തെളിഞ്ഞു. കൂര്‍ത്തഭാഗം തലയുടെ പിന്നിലിടിച്ചുണ്ടായ ആഘാതമാണ് മരണകാരണമെന്നാണ് പോസ്റ്റുമോര്‍ട്ടം റിപ്പോര്‍ട്ട്. ബോധം പോയെങ്കിലും ഉടനെ മരിക്കാന്‍ സാധ്യതയില്ലെന്നും പോസ്റ്റുമോര്‍ട്ടം റിപ്പോര്‍ട്ടില്‍ പറയുന്നു. മകനുമായി വാക്കേറ്റമുണ്ടായത് പണത്തെച്ചൊല്ലിയാണെന്ന് പൊലീസ്. മകനൊപ്പമുണ്ടായിരുന്ന അയല്‍വാസിയുടെ മൊഴിയില്‍ വൈരുധ്യങ്ങള്‍ കണ്ടെത്തിയതിനെ തുടര്‍ന്ന് മകനെയും അയല്‍വാസിയെയും അറസ്റ്റ് ചെ്തു.

കഴിഞ്ഞ ദിവസമാണ് മണക്കാട്ടെ വീടിനുള്ളില്‍ മരണപ്പെട്ട നിലയില്‍ ജയമോഹന്റെ മൃതദേഹം കണ്ടെത്തിയത്. തലയ്‌ക്കേറ്റ പരിക്കാണ് മരണകാരണമെന്ന പ്രാഥമിക പോസ്റ്റ്‌മോര്‍ട്ടം റിപ്പോര്‍ട്ടിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് കൊലപാതകമാണെന്ന് കണ്ടെത്തിയത്.

മദ്യപാനത്തിനിടെ ഉണ്ടായ തര്‍ക്കത്തിനിടെ അശ്വിന്‍ അച്ഛനെ തള്ളിയിടുകയായിരുന്നുവെന്നാണ് പോലീസ് പറയുന്നത്. ജയമോഹന്റെ എ.ടി.എം. കാര്‍ഡിനെച്ചൊല്ലിയുള്ള തര്‍ക്കമാണ് കൈയേറ്റത്തിലെത്തിയത്. വീണ് പരിക്കേറ്റ ജയമോഹനെ അശ്വിനാണ് എടുത്ത് വീടിനുള്ളിലെ ഹാളില്‍ കിടത്തിയത്. ഈ സമയം അശ്വിന്റെ സുഹൃത്തായ അയല്‍വാസിയും കൂടെയുണ്ടായിരുന്നു.

അതേസമയം, ജയമോഹന്‍ തമ്പിയുടെ മൃതദേഹം കണ്ടെത്തുമ്പോള്‍ മകന്‍ വീട്ടിലുണ്ടായിരുന്നു. വീട് വൃത്തിയാക്കാനെത്തുന്ന കുടുംബശ്രീ പ്രവര്‍ത്തക വെളിപ്പെടുത്തി. ജയമോഹന്‍ തമ്പിയെ അവസാനമായി കണ്ടത് ശനിയാഴ്ച രാവിലെയാണ്. രണ്ടാം നിലയില്‍ വാടകയ്ക്ക് താമസിക്കുന്നവരാണ് മൃതദേഹം കണ്ടത്. ജയമോഹന്‍ തമ്പിയുടെ മൃതദേഹം കണ്ടെത്തിയത് തിങ്കളാഴ്ച.

നെറ്റിയിലേയും തലയിലേയും ആഴത്തിലുള്ള മുറിവാണ് ജയമോഹന്‍ തമ്പിയുടെ മരണകാരണമെന്ന പോസ്റ്റ്മോര്‍ട്ടം റിപ്പോര്‍ട്ടാണ് കൊലപാതകത്തിന്റെ ചുരുളഴിച്ചത്. സംശയം തോന്നിയ പൊലീസ് ഒപ്പം താമസിച്ചിരുന്ന മൂത്തമകന്‍ അശ്വിനെ കസ്റ്റഡിയിലെടുത്തു ചോദ്യം ചെയ്തു. ആദ്യം പരസ്പര വിരുദ്ധമായ മറുപടികള്‍ പറഞ്ഞെങ്കിലും പിന്നീട് നടന്ന സംഭവം പൊലീസിനോട് പറയുകയായിരുന്നു. മദ്യലഹരിലായിരുന്ന മകന്‍ അഛനെ തള്ളിയിടുകയായിരുന്നു.

തറയില്‍ വീണാണ് തലയിലും നെറ്റിലും മുറിവുണ്ടായത്. ഇതാണ് മരണകാരണം. സംഭവ സമയത്ത് വീട്ടിലുണ്ടെന്നു കരുതുന്ന അയല്‍വാസിയേയും കസ്റ്റഡിയിലെടുത്തിട്ടുണ്ട്. നേരത്തെ മരണത്തില്‍ അസ്വാഭികതയില്ലെന്നുള്ള നിഗമനത്തിലാണ് പോസ്റ്റുമാര്‍ട്ടത്തിനുശേഷം തൈക്കാട് ശാന്തികവാടത്തില്‍ മൃതദേഹം സംസ്‌കരിച്ചത്.

രണ്ടു വര്‍ഷം മുന്‍പ് ഭാര്യ മരിച്ചതിനാല്‍ മകന്‍ അശ്വിന്‍ മാത്രമായിരുന്നു മണക്കാട്ടെ മുക്കോലയ്ക്കലുള്ള വസതിയില്‍ ഇയാള്‍ക്കൊപ്പം താമസിച്ചത്. ആലപ്പുഴ സ്വദേശിയായ ജയമോഹന്‍ തമ്പി 1982 മുതല്‍ 84 വരെ കേരള ടീമിനായി കളിച്ചിരുന്നു. 6 രഞ്ജി ട്രോഫി മല്‍സരങ്ങളില്‍ നിന്നായി 114 റണ്‍സ് നേടിയിട്ടുണ്ട്. എസ്.ബി.ടിക്കു വേണ്ടിയും 15 വര്‍ഷത്തോളം കളിച്ചിരുന്നു.