കഴിഞ്ഞദിവസം കോവിഡ്​ സ്​ഥിരീകരിച്ച കു​ള​ത്തു​മ്മ​ലിലെ ആശാവർക്കർ ​സമ്പർക്കം പുലർത്തിയത്​ 500ഓളം പേരുമായി. ഇവർ ജോലിക്കെത്തിയ ആമച്ചൽ പി.എച്ച്​.സി താൽകാലികമായി അടച്ചു. ഇതിനെത്തുടർന്ന് ഇവിടെയുള്ള രണ്ട്​ ഡോക്​ടർമാർ ഉൾപ്പെടെ 28 പേർ വീട്ടുനിരീക്ഷണത്തിലാണ്​.

കോവിഡ് സ്ഥിരീകരിച്ച കാട്ടാക്കട കുളത്തുമ്മൽ സ്വദേശിനിയായ ആശാ വർക്കർക്ക് രോഗബാധയുണ്ടായത് എവിടെ നിന്നെന്നു കണ്ടെത്താൻ കഴിഞ്ഞിട്ടില്ല. ഇത് സംസ്ഥാനത്ത് ആശങ്ക പരത്തുന്നുണ്ട് . കഴിഞ്ഞ 11 ന് ആരോഗ്യപ്രവർത്തകർക്ക് നടത്തുന്ന പരിശോധനകളുടെ ഭാഗമായി ഇവരുടെ സ്രവം എടുത്തു. ഇന്നലെ ഫലം വന്നതോടെ രോഗം സ്ഥിരീകരിക്കുകയായിരുന്നു .

കാട്ടാക്കട പഞ്ചായത്തിലെ കോവിഡ് പ്രതിരോധ ദ്രുതകർമസേനയിൽ ഇവർ പ്രവർത്തിച്ചിരുന്നു.. സംസ്ഥാനത്തിന് പുറത്ത് നിന്നു എത്തി വീടുകളിൽ നിരീക്ഷണത്തിൽ കഴിയുന്നവരെ നിരന്തരം ഗൃഹസന്ദർശനം നടത്തി റിപ്പോർട്ട് ചെയ്യുന്ന ജോലിയും ഇവർ നടത്തിയിരുന്നു. ഇവർ ഗൃഹസന്ദർശനം നടത്തിയ സ്ഥലങ്ങളിൽ ഇതുവരെ ആർക്കും രോഗം സ്ഥിരീകരിച്ചിട്ടില്ലെന്നു അധികൃതർ അറിയിച്ചു. ആമച്ചലിലെ പ്രാഥമികാരോഗ്യകേന്ദ്രത്തിലും സന്ദർശനം നടത്തി. ഇവരുടെ സമ്പർക്കപ്പട്ടിക തയാറാക്കാനും , സമ്പർക്കത്തിൽപ്പെട്ടവരെ കണ്ടെത്താനും ശ്രമം ആരംഭിച്ചു

തിരുവനന്തപുരം ജി​ല്ല​യി​ൽ ഞാ​യ​റാ​ഴ്​​ച നാ​ലു​പേ​ർ​ക്കാണ്​ ഇന്നലെ കോ​വി​ഡ് സ്​ഥിരീകരിച്ചത്​. ക​ർ​ണാ​ട​ക​യി​ൽ​നി​ന്ന് ട്രെ​യി​ൻ മാ​ർ​ഗ​മെ​ത്തി​യ മു​ല്ലൂ​ർ സ്വ​ദേ​ശി പു​രു​ഷ​ൻ (39), കു​വൈ​ത്തി​ൽ​നി​ന്ന്‌ വ​ന്ന വെ​ഞ്ഞാ​റ​മൂ​ട് സ്വ​ദേ​ശി പു​രു​ഷ​ൻ (37), ദു​ൈ​ബ​യി​ൽ നി​ന്നെ​ത്തി​യ വ​ർ​ക്ക​ല പാ​ള​യം​കു​ന്ന് സ്വ​ദേ​ശി സ്ത്രീ (51) എന്നിവർക്കാണ്​ ആശാവർക്കർ കൂടാതെ രോഗം സ്​ഥിരീകരിച്ചത്​.

ഞാ​യ​റാ​ഴ്​​ച ജി​ല്ല​യി​ൽ പു​തു​താ​യി 800 പേ​ർ രോ​ഗ​നി​രീ​ക്ഷ​ണ​ത്തി​ലാ​യി. 242 പേ​ർ നി​രീ​ക്ഷ​ണ കാ​ല​യ​ള​വ് രോ​ഗ​ല​ക്ഷ​ണ​ങ്ങ​ളൊ​ന്നു​മി​ല്ലാ​തെ പൂ​ർ​ത്തി​യാ​ക്കി. ജി​ല്ല​യി​ൽ 14,871 പേ​ർ വീ​ടു​ക​ളി​ലും 799 പേ​ർ സ്ഥാ​പ​ന​ങ്ങ​ളി​ലും ക​രു​ത​ൽ നി​രീ​ക്ഷ​ണ​ത്തി​ലു​ണ്ട്

ജില്ല​യി​ലെ ആ​ശു​പ​ത്രി​ക​ളി​ൽ ഞാ​യ​റാ​ഴ്​​ച രോ​ഗ​ല​ക്ഷ​ണ​ങ്ങ​ളു​മാ​യി 21 പേ​രെ പ്ര​വേ​ശി​പ്പി​ച്ചു. 40 പേ​രെ ഡി​സ്ചാ​ർ​ജ് ചെ​യ്തു. ജി​ല്ല​യി​ൽ ആ​ശു​പ​ത്രി​ക​ളി​ൽ 167 പേ​ർ നി​രീ​ക്ഷ​ണ​ത്തി​ലു​ണ്ട്.

231 സാ​മ്പി​ളു​ക​ൾ പ​രി​ശോ​ധ​ന​ക്കാ​യി അ​യ​ച്ചു. ഞാ​യ​റാ​ഴ്​​ച 169 പ​രി​ശോ​ധ​ന ഫ​ല​ങ്ങ​ൾ ല​ഭി​ച്ചു. ജി​ല്ല​യി​ൽ 43 സ്ഥാ​പ​ന​ങ്ങ​ളി​ലാ​യി 799 പേ​ർ നി​രീ​ക്ഷ​ണ​ത്തി​ൽ ക​ഴി​യു​ന്നു​ണ്ട്

അതേസമയം രാജ്യത്ത് കോവിഡ്‍വ്യാപനം പരമാവധിയിലെത്തുക നവംബർ പകുതിയോടെയെന്ന് ഐസിഎംആർ നിയോഗിച്ച ഗവേഷണ സംഘത്തിന്റെ പഠനം. 5 മാസം കൂടി കോവിഡ്‍വ്യാപനം ഇതേപടി തുടരും. പരാമാവധിയിലെത്തുന്നതോടെ, ഐസലേഷൻ വാർഡുകൾ, തീവ്രപരിചരണ കിടക്കകൾ, വെന്റിലേറ്ററുകൾ തുടങ്ങിയവയുടെ ദൗർലഭ്യമുണ്ടാകുമെന്നും മുന്നറിയിപ്പുണ്ട്.ഐസിഎംആർ നിയോഗിച്ച ഓപ്പറേഷൻസ് റിസർച് ഗ്രൂപ്പിന്റേതാണു പഠനം.