സി.പി.എം നേതാവ് സക്കീര്‍ ഹുസൈനെ കളമശേരി ഏരിയാ സെക്രട്ടറി സ്ഥാനത്ത് നിന്ന് നീക്കി. ജില്ലാ കമ്മിറ്റിയില്‍ നിന്ന് മാറ്റാനും തീരുമാനം. വ്യവസായിയെ തട്ടിക്കൊണ്ടുപോയതടക്കമുള്ള ആരോപണങ്ങള്‍ അന്വേഷിച്ച അന്വേഷണകമ്മീഷന്റെ റിപ്പോര്‍ട്ടിന്റെ അടിസ്ഥാനത്തിലാണ് പാര്‍ട്ടി നടപടി. സി.പി.എം നേതാവിന്റെ ആത്മഹത്യ അടക്കമുള്ളവയുമായി ബന്ധപ്പെട്ട് സക്കീര്‍ ഹുസൈനെതിരെ നിരവധി ആരോപണങ്ങള്‍ ഉയര്‍ന്നിരുന്നു.

അനധികൃത സ്വത്ത് സമ്ബാദനം, വിദേശയാത്ര നടത്തിയതുമായി ബന്ധപ്പെട്ട ആരോപണങ്ങളെ തുടർന്നാണ് നടപടി. സക്കീറിനെതിരായ ആരോപണങ്ങള്‍ അന്വേഷിക്കാന്‍ രണ്ടംഗ കമ്മീഷനെ സി.പി.എം ചുമതലപ്പെടുത്തിയിരുന്നു. സി.എം. ദിനേശ് മണി, വി.ആര്‍. മുരളീധരന്‍ എന്നിവരായിരുന്നു അംഗങ്ങള്‍.
ഇന്ന് ചേര്‍ന്ന ജില്ലാ കമ്മിറ്റി യോഗമാണ് സക്കീറിനെ ഏരിയാ സെക്രട്ടറി സ്ഥാനത്ത് നിന്ന് മാറ്റിയത്.