കൊവിഡ് പശ്ചാത്തലത്തില്‍ ജോലിക്കിടെ ഉപയോഗിക്കാന്‍ മാസ്‌കും സാനിറ്റൈസറും ഇല്ലാത്തതിനെ തുടര്‍ന്ന് പ്രതിഷേധവുമായി കെ.എസ്.ആര്‍.ടി ജീവനക്കാര്‍
കൊവിഡ് പശ്ചാത്തലത്തില്‍ ജോലിക്കിടെ ഉപയോഗിക്കാന്‍ മാസ്‌കും സാനിറ്റൈസറും ഇല്ലാത്തതിനെ തുടര്‍ന്ന് പ്രതിഷേധവുമായി കെ.എസ്.ആര്‍.ടി ജീവനക്കാര്‍. പ്രതിഷേധത്തിന്റെ ഭാഗമായി പാപ്പനം കോട് ഡിപ്പോയിലെ ജീവനക്കാര്‍ ബുധനാഴ്ച ജോലിക്ക് കയറിയില്ല. കെ.എസ്.ആര്‍.ടി.സി.യിലെ ഒരു ജീവനക്കാരന് കൊവിഡ് സ്ഥിരീകരിച്ച പശ്ചാത്തലത്തില്‍ ഇയാള്‍ താമസിച്ച മുറിയും ബസും അണുവിമുക്തമാക്കണമെന്നും ജോലിക്കിടെ ഉപയോഗിക്കാനായി മാസ്‌കും സാനിറ്റൈസറും ലഭ്യമാക്കണമെന്നും ജീവനക്കാര്‍ ആവശ്യപ്പെട്ടു. ഈ വിഷയങ്ങളില്‍ അടിയന്തര നടപടി ആവശ്യപ്പെട്ടാണ് ജീവനക്കാര്‍ ജോലിക്ക് കയറാതെ പ്രതിഷേധിച്ചത്.
വിഷയത്തില്‍ അടിയന്തിര ഇടപെടല്‍ ഉണ്ടാകുമെന്ന് മന്ത്രിയും കെ.എസ്.ആര്‍.ടി.സി. മാനേജ്മെന്റും വ്യക്തമാക്കിയിട്ടുണ്ട്. ജീവനക്കാരുടെ പ്രതിഷേധത്തെ തുടര്‍ന്ന് പാപ്പനംകോട് ഡിപ്പോയില്‍നിന്നുള്ള സര്‍വ്വീസുകള്‍ മുടങ്ങിയിരിക്കുകയാണ്.
"
https://www.facebook.com/Malayalivartha
