എല്ലാവരും ന്യൂജനറേഷനെ സഹിക്കുകയാണ് ചെയ്യുന്നത്; നീരജ് മാധവിന്റെ അഭിപ്രായത്തിന് മറുപടി
വളര്‍ന്നുവരുന്ന നടന്മാരെ മുളയിലേ നുള്ളാന്‍ കൂടിയാലോചിക്കുന്ന സംഘത്തെ മലയാള സിനിമയിലും കാണാമെന്ന നീരജ് മാധവിന്റെ അഭിപ്രായത്തിന് മറുപടിയുമായി നിര്‍മ്മാതാവും പ്രോഡക്ഷന്‍ കണ്‍ട്രോളറുമായ ഷിബു ജി സുശീലന്‍ രംഗത്ത്. ഫേസ്ബുക്ക് കുറിപ്പിലൂടെയാണ് അദ്ദേഹത്തിന്റെ പ്രതികരണം
ഫേസ്ബുക്‌പോസ്റ്റ് ഇങ്ങനെ;
വളര്‍ന്നുവരുന്ന കലാകാരന്മാരെ മുളയിലേ നുള്ളുന്ന രീതി നിലവില്‍ മലയാള സിനിമയിലില്ല.അതിന് തെളിവാണ് ഇപ്പോള്‍ കഴിവുള്ള കുറേപ്പേരുടെ സാന്നിധ്യം. പുതിയ ആര്‍ട്ടിസ്റ്റയാലും ടെക്നീഷ്യനായാലും വരുമ്ബോള്‍ തന്നെ അവര്‍ക്ക് മുന്‍നിരയിലുള്ളവര്‍ത്ത് ലഭിക്കുന്ന സൗകര്യങ്ങള്‍ ലഭിക്കണമെന്നില്ല.അങ്ങനെ വേണം എന്ന് വിചാരിക്കുന്നതും ശരിയല്ല.വേറെ എത് മേഖലയിലാണ് മുന്തിയ പരിഗണന ലഭിക്കുന്നത്.അവര്‍ അവരുടെ കഴിവ് തെളിയിച്ച്‌ വരുമ്ബോള്‍ എല്ലാം തനിയെ വന്നു ചേരുകയും ചെയ്യും.അങ്ങനെ തന്നെയാണ് ഇന്ന് നിലവിലുള്ള എല്ലാവരുംതന്നെ വന്നത്.
പുതുതായി വരുന്നവരോട് സാധാരണ പ്രൊഡക്ഷന്‍ കണ്‍ട്രോളര്‍ പറയും അവിടുത്തെ കാര്യങ്ങള്‍ അതില്‍ അത്ഭുതം ഇല്ല.ഇപ്പോള്‍ ചിലരുടെ ആഗ്രഹം വരുമ്ബോള്‍ തന്നെ കാരവാന്‍ വേണം, കൂടെ അസിസ്റ്റന്‍റ് വേണം ,മേക്ക് അപ് ടീം അങ്ങനെ പലതും.വളരെ തിരക്കുള്ള പലരും ഇതോന്നും ഇല്ലാതേയും ഇപ്പോഴും അഭിനയിക്കുന്നുണ്ട്. സെറ്റില്‍ നിന്ന് സെറ്റിലേക്ക് ഓടികൊണ്ടിരുന്ന ജഗതി ചേട്ടന് ബാഗ് പിടിക്കാന്‍ ഞാന്‍ ആരേയും കണ്ടിട്ടില്ല.പക്ഷേ ചില താരങ്ങള്‍ അങ്ങനെയല്ല. ഇതൊന്നും ഇല്ലേല്‍ എന്തോ കുറവായിട്ടണ് കരുതുന്നത്.
കുറേ ചെറുപ്പക്കാര്‍ സമയത്ത് സെറ്റില്‍ എത്താറില്ലെന്നത് സത്യം തന്നെയാണ്. ഇവര്‍ കാരണം എന്തെല്ലാം ബുദ്ധിമുട്ട് സെറ്റില്‍ ഉണ്ടാക്കുന്നു എന്ന് ചിന്തിക്കുക. എല്ലാവരും ന്യൂജനറേഷനെ സഹിക്കുകയാണ് ചെയ്യുന്നത്.നല്ല രീതിയിലുള്ള പെരുമാറ്റവും സ്വഭാവവുമുള്ളവര്‍ എല്ലാ മേഖലയിലും ശോഭിക്കും.സിനിമയില്‍ മാത്രമല്ല എവിടെയാണേലും.. എങ്ങനേലും ഒരു സിനിമയില്‍ വന്നാല്‍ മതി എന്നുപറഞ്ഞു വരുന്നവരുണ്ട്. തുടക്കം തന്നെ മുന്തിയ പരിഗണനന വേണം എന്ന് പറയുന്നവര്‍ സ്വന്തമായി സിനിമ നിര്‍മ്മിച്ച്‌ വന്നാല്‍ പോരെ. ഷിബു സുശീലന്‍ കുറിച്ചു..
https://www.facebook.com/Malayalivartha
