സംസ്ഥാനത്ത് ഇന്ന് രോഗമുക്തി നേടിയവരുടെ എണ്ണത്തില്‍ വര്‍ദ്ധന. 90 പേർക്ക് കൊവിഡ് പരിശോധനാഫലം നെഗറ്റീവ് ആയി. രോഗമുക്തി നേടിയവരുടെ എണ്ണത്തിലുള്ള വര്‍ദ്ധന സംസ്ഥാനത്തെ സംബന്ധിച്ച് ആശ്വാസമാണ്. അതേസമയം 75 പേര്‍ക്കാണ് ഇന്ന് കൊവിഡ് സ്ഥിരീകരിച്ചത്. സംസ്ഥാനത്ത് ഇതുവരെ കൊവിഡ് ബാധിച്ച്‌ 20 പേരാണ് മരിച്ചത്.

ഇന്ന് രോഗം സ്ഥിരീകരിച്ചവരില്‍ 53 പേര്‍ വിദേശത്ത് നിന്ന് വന്നവരാണ്. മറ്റ് സംസ്ഥാനങ്ങളില്‍ നിന്ന് വന്നവര്‍ 19 പേരാണ്. സമ്ബര്‍ക്കം മൂലം 3 പേര്‍ക്കാണ് രോഗം ബാധിച്ചത്.

വിദേശരാജ്യങ്ങളില്‍ ഇന്നലെ വരെ 277 മലയാളികള്‍ രോഗം ബാധിച്ച്‌ മരിച്ചു. രാജ്യത്തിനകത്ത് വിവിധ നഗരങ്ങളിലായി കേരളീയര്‍ കൊവിഡ് ബാധിച്ച്‌ മരണമടയുന്ന വാര്‍ത്ത കേള്‍ക്കുന്നു. ഇന്നും ഡല്‍ഹിയില്‍ കൊവിഡ് ബാധിച്ച്‌ ഒരു മലയാളി മരിച്ചു. ഇതെല്ലാം നല്‍കുന്ന സൂചന നാം നേരിടുന്ന അവസ്ഥ ഗുരുതരമാണെന്നാണ്. അതുപോലെ ഈ രോഗം കൂടുതല്‍ പേരിലേക്ക് പകരുന്നത് ഒഴിവാക്കാന്‍ സാധ്യമായ എല്ലാ നടപടികളും സ്വീകരിക്കണമെന്ന് മുഖ്യമന്ത്രി ചൂണ്ടിക്കാട്ടി.

ചൈനീസ് അതിര്‍ത്തിയില്‍ നടന്ന സംഘര്‍ഷത്തില്‍ വീരമൃത്യു മരിച്ച സൈനികര്‍ക്ക് ആദരമര്‍പ്പിച്ചായിരുന്നു മുഖ്യമന്ത്രി വാര്‍ത്താസമ്മേളനം തുടങ്ങിയത്. സൈനികരുടെ കുടുംബാംഗങ്ങളുടെ ദുഃഖത്തില്‍ പങ്കുചേരുന്നതായും മുഖ്യമന്ത്രി പറഞ്ഞു.

അതേസമയം വിദേശരാജ്യങ്ങളില്‍ നിന്ന്​ എത്തുന്നവര്‍ക്ക്​ കോവിഡ്​ പരിശോധന നിര്‍ബന്ധമാണെന്ന്​ മുഖ്യമന്ത്രി വ്യക്തമാക്കി. നേരത്തെ മുതല്‍ കേന്ദ്രസര്‍ക്കാറിനോട്​ സംസ്ഥാനം ഇക്കാര്യം ഉന്നയിച്ചിട്ടുണ്ട്​. വന്ദേഭാരത്​ മിഷന്‍ വഴി വരുന്ന യാത്രക്കാരും ഇത്​ പിന്തുടരണമെന്നാണ്​ സംസ്ഥാന സര്‍ക്കാര്‍ ആവശ്യപ്പെടുന്നതെന്നും മുഖ്യമന്ത്രി പിണറായി വിജയന്‍ വ്യക്​തമാക്കി. സ്വകാര്യ വിമാന കമ്ബനിയായ സ്​പൈസ്​ജെറ്റിന്‍െറ​ 300 ചാര്‍​ട്ടേര്‍ഡ്​ വിമാനങ്ങള്‍ക്ക്​ സംസ്ഥാനം അനുമതി നല്‍കിയിരുന്നു. സ്​പൈസ്​ ജെറ്റിന്‍െറ വിമാനത്തിലെത്തുന്നവര്‍ക്ക്​ കോവിഡ്​ പരിശോധന നിര്‍ബന്ധമാക്കുമെന്ന്​ കമ്ബനി തന്നെ അറിയിച്ചിരുന്നു.