കേരളത്തിൽ കൊവിഡ് ബാധിതരുടെ എണ്ണത്തിൽ ഇപ്പോഴും കുറവ് വന്നിട്ടില്ല. സംസ്ഥാനത്ത് ഇന്ന് . 75 പേർക്കാണ് കൊവിഡ് സ്ഥിരീകരിച്ചത്. ആശുപത്രികളിലും വീടുകളിലും ചികിത്സയിലും നിരീക്ഷണത്തിലും കഴിയുന്നവരുടെ എണ്ണത്തിലും വർദ്ധനവ് ഉണ്ടാകുന്നത് ആശങ്ക വർധിപ്പിക്കുന്നു

സമ്പർക്കത്തിലൂടെ കൊവിഡ് പകരുന്നു എന്നതും ആരോഗ്യ പ്രവർത്തകരിലെ രോഗബാധയുമാണ് ആശങ്ക ശക്തമാക്കുന്നത്. പ്രവാസികളും മറ്റ് സംസ്ഥാനങ്ങളിലുള്ളവരും കേരളത്തിലേക്ക് മടങ്ങിയെത്തുന്ന സാഹചര്യത്തിൽ കേരളം ഭയക്കേണ്ട അവസ്ഥയാണ് ഇപ്പോൾ ഉള്ളത് . സംസ്ഥാനത്തെ കൊവിഡ് സാഹചര്യം ഗുരുതരമാണെന്ന് മുഖ്യമന്ത്രി വാർത്താ സമ്മേളനത്തിൽ വ്യക്തമാക്കി.

കേരളത്തിൽ വിവിധ ജില്ലകളിലായി 1,25,307 പേർ നിരീക്ഷണത്തിലുണ്ട്. ഇത് കാര്യത്തിന്റെ ഗുരുതരാവസ്ഥ ഓർമിപ്പിക്കുന്നതാണ്. സംസ്ഥാനത്ത് ഹോട്ട് സ്‌പോട്ടുകളുടെ എണ്ണം 110 ആയിട്ടുണ്ട്

ഇതുവരെ 1,22,466 സാംപിൾ പരിശോധനയ്ക്ക് അയച്ചു. 3019 സാംപിളുകളുടെ പരിശോധനാഫലം വരാനുണ്ട്. ഇതുവരെ രോഗം ബാധിച്ചവരുടെ എണ്ണം 2697 ആയി. 1351 പേര്‍ ചികിത്സയിലുണ്ട്. 5876 സാമ്പിളുകളാണ് ഇന്ന് പരിശോധിച്ചത്. ഇതുവരെ 2697 പേർക്കാണ് രോഗം സ്ഥിരീകരിച്ചത്. സെന്‍റിനൽ സർവൈലൻസിന്‍റെ ഭാഗമായി 33,559 സാമ്പിളുകൾ ശേഖരിച്ചു. ഇതിൽ 32,300 നെഗറ്റീവായി