ചാരായം വാറ്റി വില്‍ക്കുന്ന 54കാരനെ വേഷം മാറി എത്തി എക്‌സൈസ് സംഘം പിടികൂടി. ചാരായത്തിന് സ്വര്‍ണം എന്ന് പേരിട്ടാണ് പീച്ചി മഞ്ഞക്കുന്ന പ്ലാപ്പുള്ള് പത്രോസ് വിറ്റിരുന്നത്..

ഇയാളുടെ പക്കല്‍ നിന്നും വാറ്റ് ഉപകരണങ്ങളും പിടികൂടിയിരുന്നു,. വേഷം മാറി എത്തിയ എക്‌സൈസ് സംഘം തങ്ങള്‍ക്ക് 20 പവന്‍ വേണമെന്ന് പറയുകയായിരുന്നു.

പവന്‍ എന്ന കോഡ് ഭാഷ ഉപയോഗിച്ചാണ് പത്രോസ് ചാരായം വിറ്റിരുന്നത്. ഒരു പവന്‍ ഒപു ലിറ്ററാണ്. ഇതോടെയാണ് എക്‌സൈസ് സംഘവും ഈ മാര്‍ഗം സ്വീകരിച്ചത്.

പലര്‍ക്കും പത്രോസ് വന്‍തോതില്‍ ചാരായം എത്തിച്ചു നല്‍കുന്നുണ്ടെന്ന വിവരത്തിന്റെ അടിസ്ഥാനത്തിലാണ് എക്‌സൈസ് സംഘം ഇയാളുടെ വീട്ടിലെത്തിയത്.

സ്വര്‍ണനിറമുള്ള ശര്‍ക്കര ഉപയോഗിച്ചു മുന്തിയ നിലവാരത്തില്‍ കോട തയാറാക്കുന്നതിനാല്‍ ഇയാള്‍ വാറ്റുന്ന ചാരായത്തിനും ആ നിറമാണ്.

കുറഞ്ഞത് 20 പവന്‍ ഉണ്ടെങ്കിലേ ഇയാള്‍ ഓര്‍ഡര്‍ സ്വീകരിക്കൂ. മദ്യശാലകള്‍ തുറക്കുന്നതിനു മുന്‍പു വരെ ലിറ്ററിന് 3000 രൂപ വരെ ഇയാള്‍ ഈടാക്കിയിരുന്നു.

ഇപ്പോള്‍ 1500 രൂപയ്ക്കാണ് വില്‍പനയെന്ന് എക്‌സൈസ് സംഘം പറയുന്നു.