ബില്ലടച്ചില്ലെങ്കിലും വൈദ്യുതി വിച്ഛേദിക്കില്ല... ബില്ലിംഗ് നിലപാടില്‍ മാറ്റമില്ല... ഉപഭോക്താക്കള്‍ വൈദ്യുതി ബില്ല് അഞ്ചു തവണയായി തിരിച്ചടച്ചാല്‍ മതിയെന്ന് കെ.എസ്.ഇ.ബി ചെയര്‍മാന്‍, പ്രതിഷേധങ്ങള്‍ക്കൊടുവില്‍ ആശ്വാസ നടപടിയുമായി കെ.എസ്.ഇ.ബി
സുപ്രീംകോടതി വരെ എത്തിയ ബില്ല് വിഷയത്തില്‍ ആശ്വാസ നടപടിയുമായി കെ.എസ്.ഇ.ബി. ലോക്ഡൗണ്‍ കാലത്തെ വൈദ്യുതി ബില്ലടക്കാന്‍ അഞ്ചു തവണ വരെ അനുവദിക്കുമെന്ന് കെ.എസ്.ഇ.ബി ചെയര്‍മാന്‍ എന്‍.എസ് പിള്ള അറിയിച്ചു. ആവശ്യപ്പെടുന്ന ഉപഭോക്താക്കള്‍ക്ക് തവണകള്‍ അനുവദിക്കാന്‍ സെക്ഷന്‍ ഓഫീസര്‍മാര്‍ക്ക് കെ.എസ്.ഇ.ബി നിര്‍ദേശം നല്‍കി.
അമിത ചര്‍ജിനെതിരെ വ്യപകമായി പരാതി ഉയര്‍ന്ന സാഹചര്യത്തിലാണ് പുതിയ ആശ്വാസ നടപടിയുമായി കെ.എസ്.ഇ.ബി ചെയര്‍മാന്‍ തന്നെ രംഗത്ത് എത്തിയത്. ബില്ലിലെ അഞ്ചിലൊന്ന് തുക ആദ്യം അടയ്ക്കണം. ശേഷിക്കുന്ന തുക നാലു തവണയായി അടയ്ക്കാം. ഗാര്‍ഹിക ഉപഭോക്താകള്‍ക്ക് നേരത്തെ മൂന്നുതവണയായി ബില്ലടയ്ക്കാന്‍ അനുവദിച്ചിരുന്നു. പകുതിതുക അടച്ചാല്‍ ശേഷിക്കുന്ന തുക രണ്ടു തവണകളായി അടക്കാനായിരുന്നു നേരത്തെ നിര്‍ദേശിച്ചത്. ഇക്കാര്യം കെ.എസ്.ഇ.ബി സുപ്രീംകോടതിയിലും അറിയിച്ചിരുന്നു. ഇതാണ് ഇപ്പോള്‍ അഞ്ചു തവണകളാക്കിയത്.
അടഞ്ഞു കിടന്ന വീടുകളിലും സ്ഥാപനങ്ങളിലും മീറ്റര്‍ റീഡിംഗ് ഇല്ലാതെ ശരാശരി കണക്കാക്കി നല്‍കിയ ബില്‍ ഇപ്പോള്‍ അടച്ചില്ലെങ്കിലും വൈദ്യുതി കണക്ഷന്‍ വിച്ഛേദിക്കില്ല. ഇവര്‍ മീറ്റര്‍ റീഡിംഗ് നടത്താന്‍ സെക്ഷന്‍ ഓഫീസുകളെ സമീപിക്കാമെന്നും കെ.എസ്.ഇ.ബി നിര്‍ദേശിച്ചു.
ലോക്ഡൗണ്‍ കാലമായ എപ്രില്‍, മെയ്, ജൂണ്‍ മാസങ്ങളിലേക്കാണ് ഈ അനുകൂല്യം നല്‍കുന്നത്. കൂടാതെ വ്യപാര സ്ഥാപനങ്ങള്‍ക്കും സ്വകാര്യ ആശുപത്രികള്‍ക്കും ഫിക്സഡ് ചാര്‍ജില്‍ ഈ കാലളവില്‍ 25 ശതമാനം ഇളവ് നല്‍കാനും ബോര്‍ഡ് നേരത്തെ തീരുമാനിച്ചിരുന്നു.
എന്നാല്‍ ബില്ലിംഗില്‍ അപകതയില്ലെന്ന വാദത്തില്‍ ഉറച്ചു നില്‍ക്കുകയാണ് കെ.എസ്.ഇ.ബി. ഉപഭോക്തകള്‍ക്ക് നല്‍കിയത് അവര്‍ ഉപയോഗിച്ച വൈദ്യുതി ഉപഭോഗത്തിന്റെ ബില്ലുമാത്രമാണ്. എന്നാല്‍ ബില്ലംഗില്‍ അപകതയുണ്ടെന്ന വാദമാണ് പ്രതിപക്ഷ പാര്‍ട്ടികളും ഉപഭോക്തക്കളും പ്രധാനമായി ഉന്നയിക്കുന്നത്. വൈദ്യുതി റെഗുലേറ്ററി ബോര്‍ഡിന്റെ ബില്ലിംഗ് മാനദണ്ഡങ്ങള്‍ പാലിച്ചുമാത്രമേ ബില്ലുകള്‍ തയാറാക്കാന്‍ സാധിക്കുകയുള്ളു. ഇതു തുടരാന്‍ തന്നെയാണ് ബോര്‍ഡിന്റെ തീരുമാനം.
"
https://www.facebook.com/Malayalivartha
