പിപിഇ കിറ്റ് ഉള്‍പ്പെടെ ധരിച്ച കോവിഡ് വാര്‍ഡിലെ നഴ്സ് ലിഫ്റ്റിൽ കുടുങ്ങിക്കിടന്നത് ഒരുമണിക്കൂറിലധികം... മുക്കാല്‍ മണിക്കൂറോളം അലാറം അടിച്ചിട്ടും ആരും എത്തിയില്ല..പിപിഇ കിറ്റ് ഇട്ടിരുന്നതിനാല്‍ വിയര്‍പ്പുവീണ് ഒന്നും കാണാന്‍ പറ്റാത്ത അവസ്ഥയിലായിരുന്നു... കയ്യും കാലുമൊക്കെ തളര്‍ന്നുപോകുന്നതു പോലെ തോന്നി...മറ്റൊന്നും ഓര്‍മയില്ല... പിന്നെ ബോധം നഷ്ടപ്പെട്ടു... .നഴ്‌സിന്റെ ദാരുണ അനുഭവം ഇങ്ങനെ
ബുധനാഴ്ച വൈകിട്ട് മൂന്നു മണിയോടെ മെഡിക്കല്‍ കോളേജിലെ ഒരു ഫ്‌ളോറില്‍ നിന്ന് മറ്റൊരു ഫ്‌ളോറിലേക്ക് എക്കോ മെഷീന്‍ ഉള്‍പ്പെടെയുള്ള ഉപകരണങ്ങളുമായി പോകുമ്പോള്‍ ആണ് അവിചാരിതമായി വൈദ്യുതി നിലച്ചത് .പാതിവഴിയിൽ ലിഫ്റ്റ് പണിമുടക്കി. മുക്കാല്‍ മണിക്കൂറോളം ലിഫ്റ്റിലെ അലാറം അടിച്ചിട്ടും ഫലമുണ്ടായില്ലെന്ന് നഴ്സ് പറയുന്നു.......ഒന്നേകാല്‍ മണിക്കൂറിനു ശേഷം ബോധരഹിതയായ നിലയിലാണ് നഴ്‌സിനെ കണ്ടെത്തിയത്
ലിഫ്റ്റില്‍ നല്ല ഇരുട്ടായിരുന്നു. എക്കോ മെഷീനൊക്കെ ഉള്ളതിനാല്‍ തീരെ സ്‌പേസും ഉണ്ടായിരുന്നില്ല. എങ്കിലും മുക്കാല്‍ മണിക്കൂറോളം അലാറം അടിച്ചു. കോവിഡ് വാര്‍ഡിലെ നഴ്‌സായതുകൊണ്ട് പിപിഇ കിറ്റ് ഇട്ടിരുന്നതിനാല്‍ വിയര്‍പ്പുവീണ് ഒന്നും കാണാന്‍ പറ്റാത്ത അവസ്ഥയിലായിരുന്നു.
പിന്നെ കയ്യും കാലുമൊക്കെ തളര്‍ന്നുപോകുന്നതു പോലെ തോന്നി. മറ്റൊന്നും ഓര്‍മയില്ല. ബാക്കിയുള്ള കാര്യങ്ങള്‍ മറ്റുള്ളവര്‍ പറഞ്ഞാണ് അറിയുന്നത്. 4.20ന് അടുത്ത ഡ്യൂട്ടിയിലുള്ളവര്‍ എത്തിയപ്പോഴാണ് എന്നെ കണ്ടെത്തിയത്. 3.05നാണ് ലിഫ്റ്റില്‍ കയറിയത്' -അവര്‍ വ്യക്തമാക്കി.......
ലിഫ്റ്റില്‍ വീണതിനാല്‍ ദേഹത്തൊക്കെ നല്ല വേദനയുണ്ടെന്നും നഴ്സ് പറഞ്ഞു . പനിയുള്ളതിനാല്‍ ഇവരെ കോവിഡ് ടെസ്റ്റിന് വിധേയയാക്കി . അതേസമയം ഇത്തരമൊരു സംഭവത്തെ കുറിച്ച് അറിവില്ലെന്നാണ് മെഡിക്കല്‍ കോളേജ് അധികൃതര്‍ പറയുന്നത്.......
https://www.facebook.com/Malayalivartha
