സിവില്‍ സപ്ലൈസ് വകുപ്പ് പണി തുടങ്ങി... അനര്‍ഹമായ റേഷന്‍ കാര്‍ഡുകള്‍ കണ്ടെത്തി പിടിച്ചെടുത്തു തുടങ്ങി; അനര്‍ഹമായി കൈപ്പറ്റിയ റേഷന്‍ സാധനങ്ങളുടെ വിപണി വിലയും പിഴയും ഈടാക്കും
അനര്‍ഹമായി കൈവശംവെച്ച റേഷന്‍ കാര്‍ഡുകള്‍ കണ്ടെത്താന്‍ സിവില്‍ സപ്ലൈസ് വകുപ്പ് നടപടി തുടങ്ങി. പിടിച്ചെടുക്കുന്ന കാര്‍ഡുകള്‍ പൊതുവിഭാഗത്തിലേക്ക് മാറ്റുകയും അനര്‍ഹമായി കൈപ്പറ്റിയ റേഷന്‍ സാധനങ്ങളുടെ വിപണി വിലയും പിഴയും ഈടാക്കുന്നതിനുള്ള നടപടികളും ഭക്ഷ്യഭദ്രതാ നിയമപ്രകാരം നിയമനടപടികളും സ്വീകരിക്കുകയും ചെയ്യും. സാമ്ബത്തികമായി മുന്നോക്കം നില്‍ക്കുന്ന പല കുടുംബങ്ങളും ബി പി എല്‍/ഏ ഏ വൈ കാര്‍ഡുകള്‍ കൈവശം വെച്ച് ആനുകൂല്യങ്ങള്‍ കൈപ്പറ്റുന്നതായി ധാരാളം പരാതികള്‍ കിട്ടിക്കൊണ്ടിരിക്കുന്നതിനാല്‍ പരിശോധന വരും ദിവസങ്ങളില്‍ കൂടുല്‍ കര്‍ശനമാക്കും. കോഴിക്കോട് താലൂക്കിലെ രാമനാട്ടുകര, പെരുമുഖം, ഫറോക്ക് തുടങ്ങിയ സ്ഥലങ്ങളിലെ വീടുകള്‍ റെയ്ഡ് ചെയ്ത് അനര്‍ഹമായി കൈവശം വെച്ച മുന്‍ഗണന, സബ്‌സിഡി വിഭാഗം റേഷന്‍ കാര്‍ഡുകള്‍ കോഴിക്കോട് താലൂക്ക് സപ്ലൈ ഓഫീസറുടെ നേതൃത്വത്തിലുള്ള പരിശോധനാ സ്‌ക്വാഡ് പിടിച്ചെടുത്തു. ഇരുനില വീട്, വാഹനങ്ങള്‍, ഉദ്യോഗസ്ഥര്‍, സാമ്ബത്തികമായി മുന്നോക്കം നില്‍ക്കുന്നവര്‍ തുടങ്ങിയവര്‍ ഉള്‍പ്പെട്ട കാര്‍ഡുകളാണ് പിടിച്ചെടുത്തത്. സര്‍ക്കാര്‍ മാനദണ്ഡപ്രകാരം 1,000 ച. അടിയില്‍ കൂടുതല്‍ വിസ്തൃതിയുള്ള വീടുള്ളവര്‍, നാലു ചക്രവാഹനം സ്വന്തമായുള്ളവര്‍, വിദേശത്ത് ഉയര്‍ന്ന വരുമാനം കൈപ്പറ്റുന്നവര്‍, ഉദ്യോഗസ്ഥര്‍ തുടങ്ങിയവര്‍ അംഗങ്ങളായ കാര്‍ഡുടമകള്‍ക്ക് മുന്‍ഗണന വിഭാഗത്തിലുള്ള റേഷന്‍ കാര്‍ഡുകള്‍ കൈവശം വെക്കാന്‍ അര്‍ഹതയില്ല.
റെയ്ഡില്‍ താലൂക്ക് സപ്ലൈ ഓഫീസര്‍ ശ്രീജ എന്‍ കെ, റേഷനിംഗ് ഇന്‍സ്‌പെക്ടര്‍മാരായ മോഹന്‍കുമാര്‍. ആര്‍, ബാലകൃഷ്ണന്‍. കെ.ജീവനക്കാരനായ പി.കെ.മൊയ്തീന്‍ കോയ എന്നിവര്‍ പങ്കെടുത്തു. പൊതുജനങ്ങള്‍ക്ക് പരാതികള്‍ 0495 2374885 ല്‍ വിളിച്ചറിയിക്കാം. താലൂക്ക് സപ്ലൈ ഓഫീസര്‍മാരുടേയും റേഷനിംഗ് ഇന്‍സ്‌പെക്ടര്‍മാരുടേയും നമ്ബരുകളിലും വിവരങ്ങള്‍ കൈമാറാമെന്ന് കോഴിക്കോട് താലൂക്ക് സപ്ലൈ ഓഫീസര്‍ അറിയിച്ചു. താലൂക്ക് സപ്ലൈ ഓഫീസര്‍ 9188527400, റേഷനിംഗ് ഇന്‍സ്‌പെക്ടര്‍മാര്‍ 9188527828, 9188527829, 9188527830, 9188527831, 9188527832, 9188527833.
https://www.facebook.com/Malayalivartha
