പ്ലാസ്റ്റിക്ക് കവറില്‍ പൊതിഞ്ഞ നിലയില്‍ സ്ത്രീയുടെ അജ്ഞാത മൃതദേഹം . ഹൈദരാബാദില്‍ തടാകത്തില്‍ ഒഴുകി നടക്കുന്ന നിലയിലാണ് മൃതദേഹം കണ്ടെത്തിയത്. കൈയ്യും കാലും തുണി ഉപയോഗിച്ച്‌ കെട്ടിയ നിലയിലായിരുന്നു. 'കൊലപാതകമാണെന്നാണ് പ്രാഥമിക നിഗമനം. പൊലീസ് കൊലപാത കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.

ശനിയാഴ്ച സുന്നം ചെറുവ തടാകത്തിലാണ് സംഭവം. 30നും 40നും ഇടയില്‍ പ്രായം തോന്നിക്കുന്ന യുവതിയുടെ മൃതദേഹമാണ് നാട്ടുകാരുടെ ശ്രദ്ധയില്‍പ്പെട്ടത്. എസ് എന്ന് എഴുതിയിരിക്കുന്ന ടാറ്റൂ വലതു കയ്യില്‍ പതിപ്പിച്ചിട്ടുണ്ട്. ടാറ്റു ഉപയോഗിച്ച്‌ അന്വേഷണത്തില്‍ പുരോഗതി ഉണ്ടാക്കാനുളള ശ്രമത്തിലാണ് പൊലീസ്. മൃതദേഹം ഇതുവരെ തിരിച്ചറിഞ്ഞിട്ടില്ല.