കൊച്ചിയില് ചുറ്റിക്കറങ്ങിയാൽ പിടിച്ച് അകത്തിടും ... കര്ശന നിയന്ത്രണങ്ങള്
ഇന്നുമുതല് കൊച്ചിയില് കര്ശന നിയന്ത്രണങ്ങള്.സമ്പര്ക്കത്തിലൂടെയുള്ള കൊവിഡ് രോഗികളുടെ എണ്ണം വര്ധിക്കുന്ന സാഹചര്യത്തില് കൊച്ചിയില് കര്ശന നിയന്ത്രണങ്ങള് ഏര്പ്പെടുത്താന് കൊവിഡ് അവലേകന യോഗത്തില് തീരുമാനം.
അത്യാവശത്തിനല്ലാതെ ആരും പുറത്തിറങ്ങരുതെന്ന് യോഗ തീരുമാനങ്ങള് വിശദീകരിച്ചുകൊണ്ട് മന്ത്രി വിഎസ് സുനില് കുമാര് പറഞ്ഞു. പൊലീസും ആരോഗ്യവകുപ്പും സംയുക്തമായി പരിശോധനകള് നടത്തും. നിര്ദേശങ്ങള് ലംഘിക്കുന്നവര്ക്കെതിരെ കര്ശന നടപടിയെടുക്കും. അത്യാവശ്യ കാര്യങ്ങള്ക്കല്ലാതെ ആരും പുറത്തിറങ്ങരുതെന്ന് മന്ത്രി പറഞ്ഞു.
രോഗലക്ഷണമുള്ളവര് ഉടനെ വിവരം അറിയിക്കണം. രോഗ ലക്ഷണങ്ങള് മറച്ചുവയ്ക്കുന്നത് കുറ്റകരമാണ്. എല്ലായിടത്തും സാമൂഹിക അകലം നിര്ബന്ധമാണ്. മെട്രോ നഗരത്തില് വ്യാപനമുണ്ടായാല് സ്ഥിതി രൂമാവും.
എന്നാല് ജില്ലയില് ഇതുവരെ സാമൂഹിക വ്യാപനം ഉണ്ടായിട്ടില്ലെന്നാണ് വിലയിരുത്തലെന്നും മന്ത്രി വ്യക്തമാക്കി. എറണാകുളം മാര്ക്കറ്റില് കൂടുതല് പരിശോധന നടത്തുമെന്നും മന്ത്രി പറഞ്ഞു. എറണാകുളം ജില്ലയില് പന്ത്രണ്ട് പേര്ക്ക് കൂടി കോവിഡ് സ്ഥിരീകരിച്ചിരുന്നു. മാര്ക്കറ്റിലെ ആറു പേര്ക്കാണ് കോവിഡ് സ്ഥിരീകരിച്ചത്.
https://www.facebook.com/Malayalivartha
