യുവസമൂഹത്തിന് ദിശാബോധം നല്കാനും അവരെ ഭാവി നേതാക്കന്മാരായി വളര്ത്തിയെടുക്കുന്നതിനും ലക്ഷ്യം വച്ച് യൂത്ത് ലീഡര്ഷിപ്പ് അക്കാദമി സ്ഥാപിക്കുമെന്നു പിണറായി വിജയൻ
യുവസമൂഹത്തിന് ദിശാബോധം നല്കാനും അവരെ ഭാവി നേതാക്കന്മാരായി വളര്ത്തിയെടുക്കുന്നതിനും ലക്ഷ്യം വച്ച് യൂത്ത് ലീഡര്ഷിപ്പ് അക്കാദമി സ്ഥാപിക്കാന് മന്ത്രിസഭായോഗം തീരുമാനിച്ചിട്ടുണ്ടെന്ന് മുഖ്യമന്ത്രി പിണറായി വിജയന്. തന്റെ ഫേസ്ബുക് പോസ്റ്റിലാണ് അദ്ദേഹം ഇക്കാര്യം അറിയിച്ചത്.
ഫേസ്ബുക് പോസ്റ്റ് ഇങ്ങനെ
യുവസമൂഹത്തിന് ദിശാബോധം നല്കാനും അവരെ ഭാവി നേതാക്കന്മാരായി വളര്ത്തിയെടുക്കുന്നതിനും ലക്ഷ്യം വെച്ച് യൂത്ത് ലീഡര്ഷിപ്പ് അക്കാദമി സ്ഥാപിക്കാന് മന്ത്രിസഭായോഗം തീരുമാനിച്ചിട്ടുണ്ട്.
തദ്ദേശസ്വയംഭരണ സ്ഥാപനങ്ങളിലേക്ക് വരുന്ന ചെറുപ്പക്കാര്ക്ക് ഭരണരംഗത്തും നിയമകാര്യങ്ങളിലും പരിശീലനം നല്കുക, വിദ്യാര്ത്ഥികള്ക്കും യുവാക്കള്ക്കും ഭരണഘടനയെപ്പറ്റിയും പ്രധാന നിയമങ്ങളെപ്പറ്റിയും അറിവ് നല്കുക, ദുരന്തപ്രതികരണത്തിലും വിവിധ തൊഴിലുകളിലും യുവാക്കള്ക്ക് പരിശീലനം നല്കുക തുടങ്ങിയ ലക്ഷ്യങ്ങളും യൂത്ത് ലീഡര്ഷിപ്പ് അക്കാദമിക്ക് ഉണ്ട്.
ഈ പദ്ധതി പ്രാവര്ത്തികമാക്കുന്നതിനുള്ള വിശദമായ നിര്ദേങ്ങള് തയ്യാറാക്കുന്നതിന് സാമൂഹിക സന്നദ്ധ സേനാ ഡയറക്ടര് അമിത് മീണയെ സ്പെഷ്യല് ഓഫീസറായി നിയമിക്കാനും തീരുമാനിച്ചു. വിദഗ്ധര് ഉള്പ്പെടുന്ന ഗവേണിങ് ബോര്ഡ് ഇതിനു വേണ്ടി രൂപീകരിക്കുന്നതാണ്.
https://www.facebook.com/Malayalivartha
