സംസ്ഥാനത്ത് മൂന്ന് പുതിയ ഹോട്ട് സ്പോട്ടുകള് കൂടി.. ആകെ 123 ഹോട്ട് സ്പോട്ടുകള്..ഇന്ന് ഏറ്റവുമധികം പേര് രോഗ മുക്തരായ ദിനം
കൊവിഡ് വ്യാപനം കേരളത്തിൽ തുടരുന്നു. സംസ്ഥാനത്ത് മൂന്ന് പുതിയ ഹോട്ട് സ്പോട്ടുകള് കൂടി പ്രഖ്യാപിച്ചു. കണ്ണൂര് ജില്ലയിലെ പാനൂര് (കണ്ടെയ്ന്മെന്റ് സോണ് വാര്ഡുകള്: 3, 26, 31), കോഴിക്കോട് ജില്ലയിലെ കോഴിക്കോട് കോര്പ്പറേഷന് (56, 62, 66), ഒളവണ്ണ (9) എന്നിവയാണ് പുതിയ ഹോട്ട് സ്പോട്ടുകള്.
അതേസമയം ഇന്ന് മൂന്ന് പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുമുണ്ട്. കണ്ണൂര് ജില്ലയിലെ പടിയൂര് (എല്ലാ വാര്ഡുകളും), കീഴല്ലൂര് (4 സബ് വാര്ഡ്), പാലക്കാട് ജില്ലയിലെ ആനക്കര (13) എന്നിവയെയാണ് കണ്ടെയ്മെന്റ് സോണില് നിന്നും ഒഴിവാക്കിയത്. സംസ്ഥാനത്ത് നിലവില് 123 ഹോട്ട് സ്പോട്ടുകളാണ് ഉള്ളത്.
അതേസമയം, ഇന്ന് 160 പേര്ക്ക് കൊവിഡ് സ്ഥിരീകരിച്ചതായി ആരോഗ്യ വകുപ്പ് മന്ത്രി കെ കെ ശൈലജ വാര്ത്താക്കുറിപ്പില് അറിയിച്ചു.
പത്തനംതിട്ട ജില്ലയില് നിന്നും 27 പേര്ക്കും, മലപ്പുറം ജില്ലയില് നിന്നുള്ള 24 പേര്ക്കും, പാലക്കാട് ജില്ലയില് നിന്നുള്ള 18 പേര്ക്കും, ആലപ്പുഴ ജില്ലയില് നിന്നുള്ള 16 പേര്ക്കും, തിരുവനന്തപുരം, കൊല്ലം, കോട്ടയം, എറണാകുളം, തൃശൂര്, കണ്ണൂര് ജില്ലകളില് നിന്നുള്ള 9 പേര്ക്ക് വീതവും ഇടുക്കി ജില്ലയില് നിന്നുള്ള 8 പേര്ക്കും, കോഴിക്കോട് ജില്ലയില് നിന്നുള്ള 7 പേര്ക്കും, കാസര്കോട് ജില്ലയില് നിന്നുള്ള 5 പേര്ക്കും, വയനാട് ജില്ലയില് നിന്നുള്ള ഒരാള്ക്കുമാണ് ഇന്ന് രോഗ ബാധ സ്ഥിരീകരിച്ചത്.
രോഗം സ്ഥിരീകരിച്ചവരില് 106 പേര് വിദേശ രാജ്യങ്ങളില് നിന്നും 40 പേര് മറ്റ് സംസ്ഥാനങ്ങളില് നിന്നും വന്നതാണ്. ഇതോടെ 2088 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 2638 പേര് ഇതുവരെ കോവിഡില് നിന്നും മുക്തി നേടി.
അതേസമയം ഏറ്റവുമധികം പേര് രോഗ മുക്തരായ ദിനം കൂടിയാണിന്ന് എന്ന സന്തോഷവുമുണ്ട്. . ചികിത്സയിലിരുന്ന 202 പേരുടെ പരിശോധനാഫലം ഇന്ന് നെഗറ്റീവ് ആയി.
https://www.facebook.com/Malayalivartha