കോവിഡ് സാഹചര്യങ്ങളുടെ പശ്ചാത്തലത്തിൽ കൊച്ചിയില് ഇന്നുമുതല് കര്ശന നിയന്ത്രണങ്ങള്;ലംഘിച്ചാൽ നടപടി; മുന്നറിയുപ്പുമായി മന്ത്രി വി.എസ്.സുനില് കുമാര്
കോവിഡ് സാഹചര്യങ്ങളുടെ പശ്ചാത്തലത്തിൽ കൊച്ചിയില് ഇന്നുമുതല് കര്ശന നിയന്ത്രണങ്ങള് ഏർപ്പടുത്തി . അത്യാവശ്യത്തിനല്ലാതെ പുറത്തിറങ്ങരുത് എന്ന കർശനമായി നിർദേശിച്ചിരിക്കുകയാണ് . കോവിഡ് നിയന്ത്രണങ്ങള് ലംഘിച്ചാല് കര്ശന നടപടിയെടുക്കുമെന്നും മന്ത്രി വി.എസ്.സുനില് കുമാര് അറിയിച്ചു . എന്തെങ്കിലും രോഗ ലക്ഷണമുള്ളവര് ഉടൻ തന്നെ വിവരം അറിയിക്കണമെന്നും അദ്ദേഹം പറഞ്ഞു . എല്ലായിടത്തും സാമൂഹിക അകലം നിര്ബന്ധമാക്കിയിരിക്കുകയാണ് . കൂടുതൽ ശ്രദ്ധ എറണാകുളം മാര്ക്കറ്റില് ഉണ്ടാകും. അവിടെ കൂടുതൽ പരിശോധന നടത്തുമെന്നും മന്ത്രി വ്യക്തമാക്കി . എറണാകുളം ജില്ലയില് പന്ത്രണ്ട് പേര്ക്ക് കൂടി കോവിഡ് സ്ഥിരീകരിച്ചിരുന്നു. മാര്ക്കറ്റിലെ ആറു പേര്ക്കാണ് കോവിഡ് സ്ഥിരീകരിച്ചത്. ഈയൊരു സാഹചര്യത്തിലാണ് ഇത്തരത്തിൽ ഒരു കർശനമായ നടപടികളിലേക്ക് നീക്കയിരിക്കുന്നത് .
കൊച്ചിയിലെ കൊവിഡ് സാഹചര്യത്തില് കൂടുതൽ ജാഗ്രത വേണമെന്ന് മന്ത്രി വി എസ് സുനിൽകുമാർ അറിയിച്ചിരിക്കുകയാണ് . മെട്രോ നഗരത്തിൽ രോഗവ്യാപനമുണ്ടായാൽ സ്ഥിതി രൂക്ഷമാകുമെന്ന് മന്ത്രി പറഞ്ഞു. രോഗലക്ഷണങ്ങള് മറച്ചുവെക്കുന്നവര്ക്കെതിരെ നടപടിയെടുക്കും എന്ന കാര്യം ഓർക്കുക . നിലവില് എറണാകുളം ജില്ലയിൽ സമൂഹവ്യാപനം സംഭവിച്ചിട്ടില്ലെന്നും അദ്ദേഹം കൂട്ടിച്ചേര്ത്തു.
എറണാകുളം മാർക്കറ്റിലുണ്ടായ വ്യാപനം ഒരു താക്കീത് മാത്രമാണെന്ന് വി എസ് സുനില്കുമാര് പറഞ്ഞു. എല്ലാവരും കൊവിഡ് പ്രോട്ടോക്കോൾ പാലിക്കുമെന്ന് ഉറപ്പാക്കും. നിര്ദ്ദേശങ്ങള് ലംഘിക്കുന്നവർക്കെതിരെ പൊലീസ് കർശന നടപടിയെടുക്കുമെന്നും മന്ത്രി മുന്നറിയിപ്പ് നല്കി. രോഗലക്ഷണമുള്ളവർ അടിയന്തരമായി ആരോഗ്യപ്രവർത്തകരെ സമീപിക്കണമെന്നും ഇത് മറച്ച് വയ്ക്കുന്നത് കാര്യങ്ങൾ ഗുരുതരമാക്കുമെന്നും മന്ത്രി കൂട്ടിച്ചേര്ത്തു.
കൊവിഡ് നിയമ ലംഘനങ്ങൾ കണ്ടെത്താൻ എറണാകുളം ജില്ലയിൽ പരിശോധന കർശമനാക്കുമെന്നും മന്ത്രി വി എസ് സുനിൽ കുമാർ അറിയിച്ചു. മാസ്ക്ക് ധരിക്കാത്തവർക്ക് എതിരെയും വ്യാപാര സ്ഥാപനങ്ങളിൽ കൂട്ടം കൂടി നിൽക്കുന്നവർക്കെ എതിരെയും കർശന നടപടി സ്വീകരിക്കുമെന്ന് അദ്ദേഹം പറഞ്ഞു. അതേസമയം, ഫയർ ഫോഴ്സിന്റെ സഹായത്തോടെ എറണാകുളം ബ്രോഡ് വേ മാർക്കറ്റ് അണുവിമുക്തമാക്കുമെന്നും അനാവശ്യമായി ആളുകൾ മാർക്കറ്റുകളിലേക്ക് എത്തുന്നത് ഒഴിവാക്കണമെന്നും മന്ത്രി പറഞ്ഞു.
https://www.facebook.com/Malayalivartha