യോഗ്യതകള്‍ കാറ്റില്‍ പറത്തി മറ്റൊരു നിയമനത്തിനൊരുങ്ങി സര്‍ക്കാര്‍; സി-ഡിറ്റ് മേധാവിയുടെ യോഗ്യതകളില്‍ മാറ്റം വരുത്തി സര്‍ക്കാര്‍; സര്‍ക്കാരിന് നിയമനങ്ങള്‍ തീര്‍ത്തും സ്വകാര്യം; ആരും ചോദ്യം ചെയ്യരുത്
നിയമന വ്യവസ്ഥകളും യോഗ്യതകളും കാറ്റു പറത്തി മറ്റൊരു നിയമനത്തിനൊരുങ്ങുകയാണ് എല്‍.ഡി.എഫ് സര്‍ക്കാര്‍. ഇത്തവണ സെന്റര്‍ ഫോര്‍ ഡെവലപ്‌മെന്റ് ഓഫ് ഇമേജിങ് ടെക്‌നോളജിയിലെ ( സി-ഡിറ്റ്) ഉന്നത തസ്തികളിലേക്കുള്ള നിയമനത്തിനായി യോഗ്യതകളിലാണ് സര്‍ക്കാര്‍ മാറ്റം വരുത്തയിരിക്കുന്നത്. യോഗ്യത എന്തായിരിക്കണമെന്നതു സംബന്ധിച്ച് സര്‍ക്കാരിന് സ്വയം തീരുമാനിക്കാമെന്ന തരത്തിലേക്ക് മാറ്റിയത്. ഡയറക്ടര്‍ക്കും രജിസ്ട്രാറുടെയും നിശ്ചയിചിരുന്ന യോഗ്യതകള്‍ സര്‍ക്കാരിനു തീരുമാനിക്കാം എന്നാണു സ്‌പെഷ്യല്‍ റൂളില്‍ സര്‍ക്കാര്‍ ഭേദഗതി വരുത്തിയത്. ഇതു നടപ്പായാല്‍ സര്‍ക്കാരിനു താല്‍പര്യമുള്ള ആരെയും നിയമിക്കാം. ഇതിലൂടെ മുന്‍ ഡയറക്ടര്‍ ജി. ജയരാജനെ വീണ്ടും നിയമിക്കാനുള്ള തയ്യാറെടുപ്പലാണ് സര്‍ക്കാര്‍. അദ്ദേഹത്തിന്റെ നേത്വത്വത്തിലാണ് റൂളിന് മാറ്റം വരുത്തിയതെന്നാണ് ജീവനക്കാര്‍ ആരോപിക്കുന്നത്.
സി-ഡിറ്റ് ഡയറക്ടര്‍ തസ്തികയിലേക്കുള്ള ഏറ്റവും പ്രധാന യോഗ്യത പ്രഗല്‍ഭ വിധ്യാഭ്യാസ വിചക്ഷണനായിരിക്കണം എന്നതാണ്. ആ യോഗ്യതയുടെ അടിസ്ഥാനത്തിലാണ് പി.ഗോവിന്ദപ്പിള്ള ഉള്‍പ്പെടെയുള്ളവര്‍ സി-ഡിറ്റിന്റെ ഡയറക്ടര്‍മാരാകുന്നത്. ഈ സാഹചര്യം നിലനില്‍ക്കുമ്പോള്‍ തന്നെയാണ് സി.പി.എമ്മിന്റെ മുന്‍ രാജ്യസഭാംഗം ടി.എന്‍ സീമയുടെ ഭര്‍ത്താവ് ജി. ജയരാജിനെ സി-ഡിറ്റി പുതിയ റൂള്‍ ഭേദഗതിക്ക് പിണറായി വിജയന്‍ നേതൃത്വം നല്‍കുന്ന സര്‍ക്കാര്‍ ശ്രമിക്കുന്നത്. ജി.ജയരാജ് സി-ഡിറ്റിന്റെ രജിസ്ട്രാര്‍ ആയിരിക്കെയാണു ഡയറക്ടറുടെ യോഗ്യത ഭേദഗതി ചെയ്തത്. ബിരുദാനന്തര ബിരുദവും 25 വര്‍ഷത്തെ പ്രവര്‍ത്തി പരിചയവും ഉള്ളവര്‍ അെല്ലങ്കില്‍ പൊതുമേഖലാ സ്ഥാപനങ്ങളില്‍ രജിസ്ട്രാര്‍, സി.ഇ.ഒ, ഡയറക്ടര്‍ തസ്തികകളില്‍ വിരമിച്ചവര്‍ എന്നിവരെ പരിഗണിക്കാമെന്നു നിശ്ചയിച്ചു. ഡയറക്ടറുടെ ശമ്പളം രണ്ടു ലക്ഷം രൂപയായി കൂട്ടുകയും ചെയ്തു. രജിസ്ട്രാറായി വിരമിച്ച ജയരാജിനെത്തന്നെ ഡയറക്ടറാക്കുകയും ചെയ്തു.
പക്ഷേ ഹൈക്കോടതി ഇടപ്പെട്ടതോടെ ജയരാജിന്റെ നിയമനം സര്‍ക്കാര്‍ റദ്ദാക്കി. മുഖ്യമന്ത്രി പിണറായി വിജയന്റെ പൂര്‍ണ പിന്തുണ തനിക്കുണ്ടെന്നും വീണ്ടും ഇടതു ഭരണം വരുമെന്നും താന്‍ ഡയറക്ടര്‍ സ്ഥാനത്ത് ഉണ്ടാവുമെന്നും അന്നേ ജീവനക്കാരുടെ യോഗത്തില്‍ ജയരാജന്‍ പ്രഖ്യാപിച്ചിരുന്നു. ഇതിന്റെ വിഡിയോ മാധ്യമങ്ങളില്‍ വാര്‍ത്തയാകുകയും സോഷ്യല്‍ മീഡിയാകളില്‍ ചര്‍ച്ചയാകുകയും ചെയ്തിരുന്നു. ജീവനക്കാരോട് ധാര്‍ഷ്ഠ്യത്തോടെ പെരുമാറുന്ന ഇദ്ദേഹത്തെയാണ് വീണ്ടും യോഗ്യതകളും നിബന്ധനകളും കാറ്റില്‍ പറത്തി വീണ്ടും നിയമനം നടത്താന്‍ സര്‍ക്കാര്‍ തയ്യാറെടുക്കുന്നതെന്നാണ് ജീവനക്കാരുടെ ആക്ഷേപം.
ഇടതുപക്ഷ സര്‍ക്കാരിന്റെ നേതൃത്വത്തില്‍ സ്വജനപക്ഷ പരമായ നിമനങ്ങള്‍ ശക്തമായി തന്നെ മുന്നേറുകയാണ്. മന്ത്രി ഇ.പി ജയരാജന്‍ ബന്ധു നിയമനത്തിന്റെ പേരില്‍ ആദ്യം മന്ത്രിസഭയില്‍ നിന്നും പുറത്തുപോകേണ്ടി വന്നെങ്കിലും ഇപ്പോള്‍ അദ്ദേഹം മന്ത്രിസഭയിലെ രണ്ടാമാനായി പിണറായിക്കൊപ്പമുണ്ട്. കൂടാതെ അടുത്തിടെ നടന്ന ബാലവകാശ കമ്മീഷന്‍ ചെയര്‍പേഴ്‌സണ്‍ നിയമനത്തില്‍ വരെ ഈ സ്വജനപക്ഷപാതം വ്യക്തമായിരുന്നു. പി.ടി.എയില്‍ പ്രവര്‍ത്തിച്ച പരിചയമാണ് ജഡ്ജിമാരുടെ യോഗ്യതകള്‍ക്ക് മേല്‍ ഇയാള്‍ക്ക് നിയമനം നല്‍കാന്‍ കരണമായി സര്‍ക്കാര്‍ കണ്ടെത്തിയത്. ഇതിന് പുറമേ മന്ത്രി കടകംപള്ളി സുരേന്ദ്രന്റെ മകന് പൊതുമേഖല സ്ഥാപനത്തില്‍ ഉന്നത തസ്തകയില്‍ നിയമനം നല്‍കിയതും. മുഖ്യമന്ത്രി പിണറായി വിജയന്റെ മകളുടെ കമ്പനിക്ക് ഷെയറുള്ള കമ്പനികള്‍ നിയമം ലംഘിച്ച് കരാറുകള്‍ നല്‍കുന്നതുമെല്ലാം വാര്‍ത്തയാകുന്നുണ്ട്. പക്ഷേ ഇത്തരം നിലപാടുകളില്‍ നിന്നും പുറകോട്ടു പോകാന്‍ സര്‍ക്കാര്‍ തായാറാകുന്നില്ലെന്നാണ് പുതിയ നടപടിയും സൂചിപ്പിക്കുന്നത്.
https://www.facebook.com/Malayalivartha
