അടുത്ത 24 മണിക്കൂറില് വിവിധ ജില്ലകളില് ശക്തമായ മഴയ്ക്ക് സാധ്യത ; വിവിധ ജില്ലകളില് ജാഗ്രതാ നിര്ദ്ദേശം; മുന്നറിയിപ്പുമായി കാലാവസ്ഥാ നിരീക്ഷണ കേന്ദ്രം
കേരളത്തിൽ കാലവര്ഷം വീണ്ടും . അടുത്ത 24 മണിക്കൂറില് വിവിധ ജില്ലകളില് ശക്തമായ മഴയ്ക്ക് സാധ്യത. കാലാവസ്ഥാ നിരീക്ഷണ കേന്ദ്രം അറിയിച്ചുമുന്നറിയിപ്പ് നൽകിയിരിക്കുന്നു . ഇതിന്റെ അടിസ്ഥാനത്തില് വിവിധ ജില്ലകളില് യെല്ലോ അലര്ട്ട് പ്രഖ്യാപിക്കുകയും ചെയ്തു . ജൂലൈ മൂന്നിന് കാസര്ഗോഡ്, കണ്ണൂര്, കോഴിക്കോട്, മലപ്പുറം, ഇടുക്കി ജില്ലകളിലും ജൂലൈ നാലിന് കാസര്ഗോഡ്, കണ്ണൂര്, കോഴിക്കോട് ജില്ലകളിലുമാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്.
സംസ്ഥാനത്ത് ഒറ്റപ്പെട്ടയിടങ്ങളില് 24 മണിക്കൂറില് 64.5 മില്ലീമീറ്റര് മുതല് 115.5 മില്ലീമീറ്റര് വരെ ശക്തമായ മഴയുണ്ടാകുമെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഈ സാഹചര്യത്തില് പൊതുജനങ്ങളും ബന്ധപ്പെട്ട ഉദ്യോഗസ്ഥരും ജാഗ്രതയോടെയിരിക്കണമെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കുന്നു. കടലാക്രമണ സാദ്ധ്യതയുള്ള മേഖലകളില് താമസിക്കുന്നവര് പ്രത്യേകം ജാഗ്രത പുലര്ത്തണമെന്നും മുന്നറിയിപ്പില് പറയുന്നു.
https://www.facebook.com/Malayalivartha