അരിയും ഒന്പതിന പലവ്യഞ്ജനങ്ങളുമടങ്ങിയ ഭക്ഷ്യ കിറ്റുകള് ; വിദ്യാര്ത്ഥികള്ക്കുള്ള ഭക്ഷ്യധാന്യകിറ്റുകളുടെ വിതരണം അടുത്ത ആഴ്ച മുതല്
ഉച്ചഭക്ഷണ പദ്ധതി പ്രകാരം വിദ്യാര്ത്ഥികള്ക്കുള്ള അരിയും ഒന്പതിന പലവ്യഞ്ജനങ്ങളുമടങ്ങിയ ഭക്ഷ്യ കിറ്റുകള് അടുത്ത ആഴ്ച മുതല് വിതരണം ചെയ്യും. പൊതു വിദ്യാഭ്യാസ വകുപ്പിന്റെ നേതൃത്വത്തിലാണ് ഭക്ഷ്യകിറ്റുകള് വിതരണം ചെയ്യുന്നത്. പ്രീപ്രൈമറി മുതല് എട്ടാം ക്ലാസ് വരെയുള്ള കുട്ടികള്ക്ക് മാര്ച്ച്, ഏപ്രില്, മേയ് മാസങ്ങളിലെ ഭക്ഷ്യ ഭദ്രതാ അലവന്സായാണ് ഭക്ഷ്യ കിറ്റുകള് നല്കുന്നതെന്ന് മുഖ്യമന്ത്രി പിണറായി വിജയന് വാര്ത്താസമ്മേളനത്തില് അറിിയിച്ചു.
സര്ക്കാര്, എയ്ഡഡ് വിദ്യാലയങ്ങളിലെ 26,26,763 കുട്ടികള്ക്ക് ഈ പദ്ധതിയുടെ പ്രയോജനം ലഭിക്കും. സപ്ലൈകോ മുഖാന്തിരം സ്കൂളുകളില് ലഭ്യമാക്കുന്ന ഭക്ഷ്യക്കിറ്റുകള് ഉച്ചഭക്ഷണ കമ്മിറ്റി, പി.ടി.എ, എസ്.എം.സി, മദര് പി.ടി.എ എന്നിവയുടെ സഹകരണത്തോടെ കൃത്യമായ സാമൂഹിക അകലം പാലിച്ചുകൊണ്ട് രക്ഷിതാക്കള്ക്ക് വിതരണം ചെയ്യും. പ്രഥമാദ്ധ്യാപകര്ക്കാണ് സ്കൂളുകളിലെ കിറ്റ് വിതരണത്തിന്റെ മേല്നോട്ടചുമതല. പൊതുവിദ്യാഭ്യാസ വകുപ്പിന്റെ നേതൃത്വത്തില് നടപ്പാക്കുന്ന ഭക്ഷ്യക്കിറ്റ് വിതരണ പദ്ധതിയുടെ ആകെ ചെലവ് 81.37 കോടി രൂപയാണ്.
https://www.facebook.com/Malayalivartha