കോവിഡ് കാലത്ത് വോട്ടിംഗ് രീതികളില്‍ മാറ്റം വരുമോ? തിരഞ്ഞെടുപ്പ് കമ്മിഷന്‍ ആരോഗ്യ വിദഗ്ധരുമായി ചര്‍ച്ചക്കൊരങ്ങുന്നു, തപാല്‍, പ്രോക്‌സി വോട്ടുകള്‍ പരിഗണനയില്‍
കോവിഡ് രോഗ വ്യാപനത്തിന്റെ ശക്തി വര്‍ധിക്കുന്നെങ്കിലും തദ്ദേശ തിരഞ്ഞെടുപ്പുകളുമായി സംസ്ഥാന തിരഞ്ഞെടുപ്പ് കമ്മീഷന്‍ മുന്നോട്ട് പോകുകയാണ്. ഈ സാഹചര്യത്തില്‍ എല്ലാ വിഭാഗം ജനങ്ങളുടെയും വോട്ടവകാശം സംരക്ഷിക്കുന്നത് വേണ്ട നടപടികളാണ് തിരഞ്ഞെടുപ്പ് കമ്മിഷന്‍ സ്വീകരിക്കുന്നത്. അതിന്റെ ഭാഗമായി നിലവിലെ സാഹചര്യത്തില്‍ ക്വാറന്റീനില്‍ കഴിയുന്നവര്‍ക്കും 65 വയസിന് മുകളിലുള്ളവര്‍ക്കും വോട്ടു ചെയ്യാന്‍ സാധിക്കില്ല. ഇത് കോവിഡ് നിബന്ധനകള്‍ക്ക് എതിരാകുമെന്നതാണ് കാരണം. ഇത്തരക്കാര്‍ക്കായി തപാല്‍, പ്രോക്‌സി വോട്ടുകളാണ് തിരഞ്ഞെടുപ്പ് കമ്മീഷന്‍ പരിഗണിക്കുന്നത്. ഇതിനായി തിരഞ്ഞെടുപ്പ് ചട്ടം ഭേദഗതി ചെയ്‌തേക്കും.
നേരത്തെ കോവിഡ് ബാധിച്ചവരെയും നിരീക്ഷണത്തിലുള്ളവരുടെയും തപാല്‍വോട്ടിന്റെയും പരാധിയില്‍പ്പെടുത്തി കേന്ദ്ര സര്‍ക്കാര്‍ തിരഞ്ഞെടുപ്പു ചട്ടം ഭേദഗതി ചെയ്തിരുന്നു. ബിഹാറിലും മധ്യപ്രദേശിലും നടക്കാനിരിക്കുന്ന പൊതുതെരഞ്ഞെടുപ്പുകളുടെ ഭാഗമായിയാണ് ഇത്തരമൊരു ഭേദഗതി കേന്ദ്രം കൊണ്ടുവന്നത്. ഇതെ വഴിക്കാണ് സംസ്ഥാന തെരഞ്ഞെടുപ്പ് കമ്മിഷനും നീങ്ങുന്നത്. എന്നാല്‍ പ്രോക്‌സി വോട്ട് ദേശീയ തിരഞ്ഞെടുപ്പ് കമ്മീഷന്‍ പരിഗണിച്ചിരുന്നില്ല. മുതിര്‍ന്നവര്‍ക്കും കോവിഡ് ബാധിതര്‍ക്കും ക്വാറന്റീനില്‍ കഴിയുന്നവര്‍ക്കും പകരം അവരുടെ അടുത്ത ബന്ധുകള്‍ക്കോ അതോ അവര്‍ ചുമതലപ്പെടുത്തവര്‍ക്കോ വോട്ട് ചെയ്യാന്‍ സാധിക്കുന്ന പ്രാക്‌സി വോട്ടു സംബന്ധിച്ച് സംസ്ഥാന തിരഞ്ഞെടുപ്പ് കമ്മീഷന്‍ വളരെ ഗൗരവത്തോടെയാണ് കാണുന്നത്.പ്രോക്‌സി വോട്ടറിന് വേണ്ടി വോട്ടറുടെ ഭാര്യ, ഭര്‍ത്താവ്, മക്കള്‍ സഹോദരങ്ങള്‍ തുടങ്ങിയ അടുത്ത ബന്ധുക്കളെയാണ് പരിഗണിക്കുക. വോട്ടര്‍ ചുമതപ്പെടുത്തുന്നയാള്‍ ഫോട്ടോ പതിച്ച് സാക്ഷ്യപ്പെടുത്തിയ അധികാരപത്രം നല്‍കണം. ഇതിന്റെ മാതൃക കമ്മിഷന്‍ തയ്യാറാക്കി നല്‍കും. പോളിങ് ഉദ്യോഗസ്ഥര്‍ക്കും തപാല്‍വോട്ടിനൊപ്പം പ്രോക്‌സി വോട്ടും പരിഗണിക്കുന്നുണ്ട്. എന്നാല്‍ പ്രോക്‌സി വോട്ടിന്റെ വിശ്വാസിയത സംബന്ധിച്ച് നിരവധി പരാതികളും ഉയരുന്നുണ്ട്. ഈ സാഹചര്യത്തില്‍ തപാല്‍, പ്രോക്‌സി വോട്ട് സംബന്ധിച്ച് വിശദമായ ചര്‍ക്കള്‍ നടത്താന്‍ തിരുമാനിച്ചതായി തിരഞ്ഞെടുപ്പ് കമ്മിഷ്ണര്‍ വി. ഭസ്‌കരന്‍ പറഞ്ഞു.
വോട്ടെടുപ്പിന് കോവിഡ് പ്രോട്ടോക്കോള്‍ നിശ്ചയിക്കാന്‍ ആരോഗ്യ വിദഗ്ധരുമായി ഓഗസ്റ്റില്‍ തിരഞ്ഞെടുപ്പ് കമ്മിഷന്‍ ചര്‍ച്ച നടത്തും. പോളിങ് ബൂത്തുകളില്‍ സാമൂഹിക അകലം പാലിക്കേണ്ടതിനാല്‍ വോട്ടെടുപ്പിന് കൂടുതല്‍ സമയം ആവശ്യമാണ്. അതിനാല്‍ പോളിങ് സമയത്തിലും മാറ്റം വരുത്തുന്നത് കമ്മിഷന്റെ പരിഗണനയിലാണ്. അങ്ങനെയെങ്കില്‍ ഒരു മണിക്കൂര്‍ എങ്കിലും കൂടുതലായി അനുവദിക്കാനാണ് സാധ്യത. കേരളത്തിലെ തദ്ദേശ സ്വയം ഭരണ സ്ഥാപനങ്ങളുടെ കാലാവധി നവംബര്‍ 12 ന് അവസാനിക്കും. ഈ സാഹചര്യത്തില്‍ ഒക്ടോബര്‍ അവസാനത്തോടെ വോട്ടെടുപ്പു നടത്തനാണ് തിരഞ്ഞെടുപ്പ് കമ്മിഷന്റെ തയ്യാറെടുപ്പ്. എന്നാല്‍ കോവിഡ് കാലത്തെ തെരഞ്ഞെടുപ്പ് വെല്ലുവിളി നിറഞ്ഞതാണ്. എല്ലാവിഭാഗം ജനങ്ങളുടെ വോട്ടവകാശം സംരക്ഷിക്കുന്നതിലും സമൂഹവ്യാപനം തടയുന്നതുമെല്ലാം വെല്ലുവിളി തന്നെയാണ്.
https://www.facebook.com/Malayalivartha
