ആനന്ദ് മഹീന്ദ്രയെപ്പോലും കയ്യിടുത്ത് മലയാളി; ‘ലൂസിഫർ’ സിനിമയിൽ മോഹൻലാൽ ഉപയോഗിച്ച KLQ 666 നമ്പർ വില്ലീസ് ജീപ്പ്, ജീപ്പിെൻറ മിനിയേച്ചർ നിർമിച്ച ഇടുക്കിക്കാരൻ അരുൺ കുമാറിനെ തേടിയെത്തിയത് സാക്ഷാൽ ആനന്ദ് മഹീന്ദ്ര
‘ലൂസിഫർ’ സിനിമയിൽ മോഹൻലാൽ അവതരിപ്പിച്ച സ്റ്റീഫൻ നെടുമ്പള്ളി എന്ന അവിസ്മരണീയ കഥാപാത്രത്തിനൊപ്പം തന്നെ പ്രേക്ഷക ശ്രദ്ധ പിടിച്ചുപറ്റിയ ഒന്നായിരുന്നു, ചിത്രത്തിൽ അദ്ദേഹം ഉപയോഗിച്ച KLQ 666 നമ്പർ വില്ലീസ് ജീപ്പ്. എന്നാലിപ്പോൾ താരമായിരിക്കുന്നത് നമ്മുടെ മലയാളിയുടെ കലക്കൻ വിദ്യ തന്നെയാണ്. അങ്ങനെ ഈ ജീപ്പിെൻറ മിനിയേച്ചർ നിർമിച്ച ഇടുക്കിക്കാരൻ അരുൺ കുമാറിനെ തേടിയെത്തിയത് സാക്ഷാൽ ആനന്ദ് മഹീന്ദ്രയുടെ അഭിനന്ദനം തന്നെ. അഭിനന്ദനം മാത്രമല്ല മഹീന്ദ്രയ്ക്കായി ഇത്തരം വാഹനങ്ങൾ നിർമിക്കാനുള്ള ക്ഷണവും അരുണിനെ പരിചയപ്പെടണമെന്ന ആഗ്രഹവും ആനന്ദ് മഹീന്ദ്ര ട്വിറ്ററിൽ പങ്കുവെച്ചിരിക്കുകയാണ്. കൊല്ലം അഞ്ചൽ സ്വദേശിയായ അമൃതേഷ് എന്ന10 വയസുകാരന് വേണ്ടിയാണ് അരുൺ ഇത്തരത്തിൽ വില്ലീസ് ജീപ്പിെൻറ മിനിയേച്ചർ ഒരുക്കിയത്.
വില്ലീസ് ജീപ്പ് പോലെ തന്നെ രൂപ ഭംഗിയും ഒരു കുട്ടിക്ക് ബാറ്ററിയുടെ കരുത്തിൽ ഓടിക്കാൻ കഴിയുമെന്നതുമാണ് ഇതിെൻറ ഏറ്റവും വലിയ പ്രത്യേകത എന്നത്. ഫെയ്സ്ബുക്ക് സുഹൃത്തുക്കളാണ് അമൃതേഷ് എന്ന ഒരു കുട്ടി ഇത്തമൊരു വാഹനത്തിന് അതിയായി ആഗ്രഹിക്കുന്നു എന്ന കാര്യം അരുൺ കുമാറിനെ അറിയിക്കുന്നത് പോലും. മുമ്പ് അരുൺകുമാർ തൻെറ മക്കൾക്കായി നിർമിച്ച ‘സുന്ദരി’ എന്ന ഓട്ടോയുടെ മിനിയേച്ചർ പതിപ്പ് തരംഗമായി തീർന്നിരുന്നു. അങ്ങനെ ഈ വീഡിയോ കണ്ടതിനുശേഷമാണ് അമൃതേഷ് ‘നെടുമ്പള്ളി’ ജീപ്പ് വേണമെന്ന ആഗ്രഹം അരുണിനെ അറിയിച്ചത്.
എന്നാൽ പത്തു വയസുകാരൻെറ ആഗ്രഹം സാക്ഷാത്കരിക്കുന്നതിന് വേണ്ടിയാണ് അരുൺ കുഞ്ഞു ജീപ്പൊരുക്കിയത്. തനിക്ക് ലഭിക്കുന്ന ഒഴിവ് സമയങ്ങൾ ഉപയോഗപ്പെടുത്തിയായിരുന്നു നിർമാണം തുടറങ്ങിയത്. അങ്ങനെ ഏഴ് മാസം കൊണ്ടാണ് ജീപ്പിൻെറ പണി പൂർത്തിയായത്. തകിടാണ് ഈ കുഞ്ഞൻ വില്ലീസ് ജീപ്പ് നിർമിക്കാൻ ഉപയോഗിച്ചത് എന്നാണ് പറയുന്നത്. അതോടൊപ്പം തന്നെ മുന്നിൽ ഡ്രൈവർക്കുള്ള സീറ്റും പിന്നിൽ നീളത്തിലുള്ള സീറ്റുകളും സജ്ജമാക്കിയിട്ടുണ്ട്. മൊബൈൽ ചാർജിങ്ങ് സംവിധാനവും മ്യൂസിക് സിസ്റ്റവും കൊച്ചു വില്ലീസിെൻറ വലിയ പ്രത്യേകതയായി മാറി. ഒപ്പം സാധാരണ വാഹനങ്ങളിലേത് പോലെ തന്നെ ലൈറ്റുകളും ഇൻഡിക്കേറ്ററുമെല്ലാം ഈ വാഹനത്തിലുമുണ്ട്. യഥാർഥ വാഹനങ്ങളിലേത് പോലെ ഗിയർ ലിവർ, ആക്സിലറേറ്റർ, ബ്രേക്ക് എന്നിവയും ഇതിൽ ഉണ്ട്.
അങ്ങനെ കുട്ടി വില്ലീസ് ജീപ്പ് സമൂഹ മാധ്യമങ്ങളിൽ വൈറലായതോടെ എത്തിയ ആനന്ദ് മഹീന്ദ്രയുടെ അഭിനന്ദനത്തിെൻറ ത്രില്ലിലാണ് അരുൺ ഇപ്പോൾ. ഔദ്യോഗിക ട്വിറ്റർ ഹാൻഡിലിലൂടെയാണ് ആനന്ദ് മഹീന്ദ്ര അഭിനന്ദനമറിയിച്ചുകൊണ്ട് രംഗത്ത് എത്തിയത്. ഇതിനു പിന്നാലെ മഹീന്ദ്രയുടെ പ്രതിനിധി സുരേഷ് കുമാർ അരുണുമായി ബന്ധപ്പെട്ട് അദ്ദേഹം മുമ്പ് ചെയ്ത മിനിയേച്ചർ വാഹനങ്ങളുടെ ചിത്രങ്ങൾ വാങ്ങിയിരുന്നു. ഒരു എൻജിനീയറാകാനായിരുന്നു തൻെറ ആഗ്രഹമെങ്കിലും നഴ്സിങ്ങ് ജോലിയാണ് ഇപ്പോൾ ചെയ്യുന്നതെന്നും അത് തനിക്ക് ഏറെ ആനന്ദം നൽകുന്നുണ്ടെന്നുമാണ് അരുൺ വ്യക്തമാക്കി.
https://www.facebook.com/Malayalivartha