തലസ്ഥാനത്ത് സ്ഥിതി അതിസങ്കീര്ണം... ഒരു അഗ്നിപര്വതത്തിന് മുകളിലാണ് നമ്മളെന്ന് എല്ലാവരും ഓര്ക്കണം, എപ്പോള് വേണമെങ്കിലും പൊട്ടിത്തെറിക്കാമെന്ന് മന്ത്രി കടകംപള്ളി സുരേന്ദ്രന്
സംസ്ഥാനത്ത് കോവിഡ് സമൂഹവ്യാപനം ഉണ്ടായിട്ടില്ലെന്ന് മന്ത്രി കടകംപള്ളി സുരേന്ദ്രന്. ഉണ്ടായാല് മറച്ചുവെക്കില്ല. സര്ക്കാര് തന്നെ പറയും. തലസ്ഥാനത്ത് സ്ഥിതി അതിസങ്കീര്ണമാണ്. ഒരു അഗ്നിപര്വതത്തിന് മുകളിലാണ് നമ്മളെന്ന് എല്ലാവരും ഓര്ക്കണം. എപ്പോള് വേണമെങ്കിലും പൊട്ടിത്തെറിക്കാം. സാമൂഹിക വ്യാപനം ഉണ്ടാകില്ലെന്ന് കരുതാനാകില്ല. എങ്കിലും ഇപ്പോള് ട്രിപ്പിള് ലോക് ഡൗണിലേക്ക് പോയി ജനങ്ങളെ ഭയപ്പെടുത്തേണ്ട കാര്യമില്ലെന്നും മന്ത്രി പറഞ്ഞു. ഓണ്ലൈനുകളില് ഓര്ഡര് ചെയ്യുന്ന ഭക്ഷണം വീടുകളിലെത്തിക്കുന്ന ഡെലിവറി ബോയ്സ് കര്ശന നിയന്ത്രണങ്ങള് പാലിക്കണമെന്നും മന്ത്രി പറഞ്ഞു.
ഇവര് കോവിഡ് ചട്ടങ്ങള് പാലിക്കാതെ എല്ലായിടത്തും കൂട്ടം കൂടി നില്ക്കുന്നുണ്ട്. ഇത് ഒഴിവാക്കേണ്ടതാണ്. തലസ്ഥാനത്തെ എല്ലാ ഡെലിവറി ബോയ്സിനും ആന്റിജന് ടെസ്റ്റുകള് നടത്തുമെന്നും മന്ത്രി പറഞ്ഞു. സര്ക്കാര് നിര്ദേശങ്ങളെ മാനിക്കണമെന്ന് മന്ത്രി ജനങ്ങളോട് അഭ്യര്ഥിച്ചു. തിരുവനന്തപുരം നഗരവാസികള് ആവശ്യത്തിന് മാത്രമേ പുറത്തിറങ്ങാവൂ. നഗരവാസികള് സഹകരിക്കണമെന്നും അദ്ദേഹം പറഞ്ഞു.
"
https://www.facebook.com/Malayalivartha