എറണാകുളത്ത് കോവിഡ് സമൂഹ വ്യാപനമില്ല; സാമൂഹ്യ അകലം കര്ശനമായി പാലിക്കണമെന്ന് കളക്ടര്
എറണാകുളത്ത് കോവിഡ് സമൂഹ വ്യാപനമില്ലെന്ന് വ്യക്തമാക്കി കളക്ടര് എസ് സുഹാസ്. സാമൂഹ്യ അകലം കര്ശനമായി പാലിക്കണമെന്നും കളക്ടര് ആവശ്യപ്പെട്ടു. ആശങ്കയുടെ കാര്യമില്ലെന്നും സ്ഥിതി നിയന്ത്രണ വിധേയമാണെന്നും കളക്ടര് മാധ്യമ പ്രവര്ത്തകരോട് പറഞ്ഞു.
രോഗ ലക്ഷണങ്ങളുള്ളവര്ക്ക് ആന്റിജന് ടെസ്റ്റ് നടത്തും. ലക്ഷണങ്ങളുള്ളവര് സമീപത്തെ സര്ക്കാര് ആശുപത്രികളേയോ ജില്ല ടെലി മെഡിസിന് വിഭാഗത്തേയോ സമീപിക്കണം.കഴിഞ്ഞ രണ്ട് മാസത്തിനുള്ളില് 3.5 ലക്ഷം ആളുകളാണ് വിവിധ സംസ്ഥാനങ്ങളില് നിന്ന് എറണാകുളത്തേക്ക് വന്നിട്ടുള്ളത്.
സാമൂഹിക അകലം പാലിക്കാത്ത വ്യാപാര സ്ഥാപനങ്ങള്ക്കെതിരെ കര്ശന നടപടിയെടുക്കും. കോവിഡ് രോഗ പശ്ചാത്തലത്തില് വ്യാജ വാര്ത്തകള്ക്കെതിരെ നടപടിയെടുക്കാന് പൊലീസിനോട് നിര്ദേശിച്ചു. കണ്ടെയ്ന്മെന്റ് സോണിലുള്ള ഹോട്ടലില് താരസംഘടനയായ എഎംഎംഎ യോഗം ചേര്ന്നത് നിയമ വിരുദ്ധമാണെങ്കില് നടപടിയെടുക്കുമെന്നും അദ്ദേഹം പറഞ്ഞു. കണ്ടെയ്ന്മെന്റ് സോണുകളിലെ സുരക്ഷാ ക്രമീകരണങ്ങള് കളക്ടറുടെ നേതൃത്വത്തില് വിലയിരുത്തി.
https://www.facebook.com/Malayalivartha
