വ്യാജ വാര്ത്ത പ്രചരിപ്പിച്ചതിന് വി ടി ബല്റാം എംഎല്എയ്ക്കെതിരെ എസ്എഫ്ഐ പരാതി നല്കി
വ്യാജ വാര്ത്ത പ്രചരിപ്പിച്ചതിന് കോണ്ഗ്രസ് എംഎല്എ വി ടി ബല്റാമിനെതിരെ എസ്എഫ്ഐ സംസ്ഥാന സെക്രട്ടറി കെ എം സച്ചിന്ദേവ് ഡിജിപിയ്ക്ക് പരാതി നല്കി. വഴിയാത്രക്കാരന്റെ കാലിലൂടെ സ്കൂട്ടര് കയറ്റി ഇറക്കിയത് ചോദ്യം ചെയ്തതിന് എസ്എഫ്ഐ നേതാവ് യുവാവിനെ കത്തികൊണ്ട് കുത്തി എന്ന രീതിയില് കഴിഞ്ഞ ദിവസം ഒരു വീഡിയോ പ്രചരിച്ചിരുന്നു. പെരുമ്ബാവൂരില് ആയിരുന്നു സംഭവം. എസ്എഫ്ഐ എറണാകുളം ജില്ലാ പ്രസിഡന്റാണിത് എന്ന രീതിയില് ആയിരുന്നു സോഷ്യല് മീഡിയയില് പ്രചരിച്ചിരുന്നത്. ദൃശ്യങ്ങളിലുള്ള പെരുമ്ബാവൂര് സ്വദേശി എസ്എഫ്ഐ പ്രവര്ത്തകനല്ല. ഇയാള്ക്ക് എസ്എഫ്ഐയുടെ പ്രാഥമിക അംഗത്വം പോ ലുമില്ല.
ഇതൊരു വ്യാജവാര്ത്തയാണെന്ന് എസ്എഫ്ഐ എറണാകുളം ജില്ലാ കമ്മിറ്റിയും സംസ്ഥാന കമ്മിറ്റിയും കഴിഞ്ഞ ദിവസം തന്നെ വ്യക്തമാക്കിയിരുന്നു. എസ്എഫ്ഐ ജില്ലാ പ്രസിഡന്റ് ആര്ഷോ പിഎമ്മും ഇക്കാര്യം തന്റെ ഫേസ്ബുക്ക് അക്കൗണ്ടിലൂടെ വ്യക്തമാക്കിയിട്ടുണ്ട്. സാമൂഹ്യ മാധ്യമങ്ങളിലെ വ്യാജ പ്രചാരണത്തിനെതിരെ ആര്ഷൊയുടെ നേതൃത്വത്തില് എറണാകുളം സെന്ട്രല് പൊലീസ് സ്റ്റേഷനില് പരാതിയും നല്കിയിട്ടുണ്ട്.
https://www.facebook.com/Malayalivartha