സ്വർണക്കടത്ത് കേസ് പ്രതി സ്വപ്നയുടെ കാർ കോടതിയിൽ ഹാജരാക്കി. ഇതേ കാറിലാണ് സ്വപ്ന സുരേഷും സന്ദീപ് നായരും തിരുവനന്തപുരത്തുനിന്നു ബെംഗളൂരുവിലേക്കു വർക്കല, കൊച്ചി, വാളയാർ, സേലം വഴി കടന്നത് .കെഎൽ 01 സിജെ 1981 കാർ 9ന് ഉച്ചയ്ക്കു 12.22നു തൃശൂർ പാലിയേക്കര ടോൾ പ്ലാസയും 1.39നു വാളയാർ ടോൾ പ്ലാസയും കടക്കുന്നതിന്റെ ദൃശ്യങ്ങൾ ലഭിച്ചിരുന്നു

സംഘത്തെ അറസ്റ്റ് ചെയ്തതിന് പിന്നാലെ എൻഐഎ കാർ പിടികൂടിയിരുന്നു. സ്വപ്നയ്ക്കും സന്ദീപിനുമായി അന്വേഷണം ഊർജിതമാക്കിയ സമയത്താണു തിരുവനന്തപുരത്തു നിന്ന് 350 കിലോമീറ്റർ ഇവർ കാറിൽ കേരളത്തിലൂടെ സഞ്ചരിച്ചത്. സ്വപ്നയുടെ വാഹനത്തിന്റെ വിശദാംശങ്ങൾ കേരള പൊലീസിനു നന്നായറിയാമായിരുന്നിട്ടും വാഹനം തടയാൻ ഒരിടത്തും ശ്രമമുണ്ടായില്ല എന്നത് സ്വപ്നയ്ക്കും കൂട്ടർക്കും രക്ഷപ്പെടാൻ ഉന്നതതലത്തിൽ നിന്ന് ഇടപെടലുണ്ടായതിന്റെ സൂചനയാണ്

സ്വര്‍ണക്കടത്ത് സംഘത്തിന് തിരുവനന്തപുരം കരകുളത്തും ഫ്ലാറ്റുള്ളതായി കണ്ടെത്തിയിട്ടുണ്ട് . കേസിലെ പ്രതി സന്ദീപ് നായര്‍ ആണ് ഫ്ളാറ്റ് വാടകയ്ക്കെടുത്തിരുന്നത് . ആന്റി പൈറസി സെല്‍ ഉദ്യോഗസ്ഥനെന്ന് പരിചയപ്പെടുത്തിയാണ് ഫ്ളാറ്റ് വാടകയ്ക്കെടുത്തത് .