കൊച്ചി നഗരത്തില്‍ നടപ്പാക്കിയ സംവിധാനം വിജയകരമായ പശ്ചാത്തലത്തിൽ പുതിയ തീരുമാനം... സപ്ലൈകോ ഓണ്‍ലൈന്‍ ഭക്ഷ്യ വിതരണ സംവിധാനം സംസ്ഥാന വ്യാപകമാക്കുന്നു... കൂടുതൽ വിവരങ്ങൾ ഇങ്ങനെ...
17 JULY 2020 01:32 PM IST
മലയാളി വാര്‍ത്ത
സപ്ലൈകോയുടെ ഓണ്‍ലൈന്‍ ഭക്ഷ്യ വിതരണ സംവിധാനം സംസ്ഥാന വ്യാപകമാക്കുന്നു. ഓഗസ്റ്റ് മുതല്‍ കേരളത്തിലെ എല്ലായിടത്തും സേവനം എത്തിക്കാനാണ് സപ്ലൈകോയുടെ തീരുമാനം.
കൊച്ചി നഗരത്തില്‍ നടപ്പാക്കിയ സംവിധാനം വിജയകരമായ പശ്ചാത്തലത്തിലാണ് പുതിയ തീരുമാനം. കഴിഞ്ഞ ദിവസം വീഡിയോ കോണ്‍ഫറന്‍സ് വഴി നടന്ന സപ്ലൈകോ ബോര്‍ഡ് യോഗത്തിലാണ് ഇത് സംബന്ധിച്ച തീരുമാനം എടുത്തത്.
ആപ്പുകള്‍ വഴി ഇതിനായി ഓര്‍ഡര്‍ നല്‍കാം. സ്റ്റാര്‍ട്ടപ്പുകള്‍ നിര്‍മിച്ച ആപ്പുകളും നിലവിലുളള ഭക്ഷ്യ വിതരണ ആപ്പുകളും ഇതിനായി സപ്ലൈകോ ഉപയോഗിക്കും.
സാധനങ്ങള്‍ എത്തിക്കുന്നതിന് ചെറിയ നിരക്കില്‍ ഫീസ് ഉണ്ടാകും. ബ്രാന്‍ഡഡ് ഉല്‍പ്പന്നങ്ങള്‍ക്ക് ഓഗസ്റ്റ് മുതല്‍ ബ്രാന്‍ഡ് ലിഫ്റ്റിങ് ഫീസായി 2,000 രൂപ ഈടാക്കും.
പ്രവാസികള്‍ക്ക് സപ്ലൈകോ സ്റ്റോര്‍ ആരംഭിക്കാന്‍ അവസരം നല്‍കാനും ബോര്‍ഡ് യോഗത്തില്‍ തീരുമാനമെടുത്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
