കോട്ടയം മാഞ്ഞൂര്‍ പഞ്ചായത്ത് ഓഫീസ് ജീവനക്കാരിയ്ക്ക് കൊറോണ സ്ഥിരീകരിച്ചതോടെ പഞ്ചായത്ത് ഓഫീസ് അടച്ചു.. കുറുപ്പുന്തുറയിലെ കുടുംബാരോഗ്യ കേന്ദ്രവും അടച്ചിരിക്കുകയാണ്. ഓഫീസിലെ ജീവനക്കാരെയും പഞ്ചായത്ത് അംഗങ്ങളെയും നിരീക്ഷണത്തില്‍ പ്രവേശിപ്പിച്ചിരിക്കുകയാണ്.ഏറ്റുമാനൂര്‍ മത്സ്യ മാര്‍ക്കറ്റിലെ രണ്ടു പേര്‍ക്കും രോഗബാധ ..സമ്പർക്കപ്പട്ടിക വിപുലം

കോട്ടയത്ത് ഏറ്റുമാനൂര്‍ മത്സ്യ മാര്‍ക്കറ്റിലെ രണ്ടു പേര്‍ക്കും രോഗബാധ സ്ഥിരീകരിച്ചിട്ടുണ്ട്. ഏറ്റുമാനൂരിലെ മങ്കര കലുങ്ക് സ്വദേശിയായ 35 കാരനും ഓണംതുരുത്ത് സ്വദേശിയായ 56 കാരനുമാണ് ഇന്ന് കൊറോണ വൈറസ് സ്ഥിരീകരിച്ചത്. രോഗം സ്ഥിരീകരിച്ച ഇരുവരെയും പള്ളിക്കത്തോട്ടിലെ കൊവിഡ് കേന്ദ്രത്തിലേക്ക് മാറ്റിയിട്ടുണ്ട്

മാര്‍ക്കറ്റില്‍ വാഹനങ്ങളില്‍ എത്തിക്കുന്ന മത്സ്യപ്പെട്ടികള്‍ ഇറക്കുന്നവരാണ് ഇവർ . ഇരുവരെയും അകലക്കുന്നത്തെ കൊറോണ സെന്ററിലേക്ക് മാറ്റി. രോഗബാധ റിപ്പോര്‍ട്ട് ചെയ്യപ്പെട്ടതിന്റെ പശ്ചാത്തലത്തില്‍ മാര്‍ക്കറ്റ് അടച്ചു.

മത്സ്യ മാര്‍ക്കറ്റിലെ രണ്ട് പേർക്കും രോഗം ബാധിച്ചത് എവിടെ നിന്നാണെന്ന് കണ്ടെത്താൻ കഴിഞ്ഞിട്ടില്ല. മങ്കര കലുങ്ക് സ്വദേശിയായ 35കാരൻ ജൂലൈ 13ന് പനിയെത്തുടർന്ന് ഏറ്റുമാനൂരിലെ സാമൂഹിക ആരോഗ്യ കേന്ദ്രത്തിൽ ചികിത്സ തേടിയിരുന്നു. അതേ സമയം രോഗം സ്ഥിരീകരിച്ച രണ്ടുപേരും മാർക്കറ്റിൽ നിന്ന് മീൻ എടുത്ത് വിൽപ്പന നടത്തുന്നവരുമായി സമ്പർക്കമുണ്ടായിട്ടുണ്ടോ എന്ന് ആരോഗ്യവകുപ്പ് പരിശോധിക്കും.

മത്സ്യ മാര്‍ക്കറ്റില്‍ രോഗബാധ സ്ഥിരീകരിച്ചവരുടെ രോഗ ഉറവിടം വ്യക്തമല്ലാത്തത് ആരോഗ്യ പ്രവര്‍ത്തകരെ ആശങ്കയിലാക്കുകയാണ്. 48 പേരെയാണ് മാര്‍ക്കറ്റില്‍ ഇന്ന് ആന്റിജന്‍ പരിശോധനയ്ക്ക് വിധേയമാക്കിയത്. രോഗബാധിതരുടെ എണ്ണം വര്‍ധിക്കുന്ന സാഹചര്യത്തില്‍ ജില്ലയില്‍ കര്‍ശന നിയന്ത്രണങ്ങളാണ് ഏര്‍പ്പെടുത്തിയിരിക്കുന്നത്.