പച്ചക്കറി വണ്ടിയില്‍ ലഹരിക്കടത്ത്; അന്താരാഷ്ട്ര വിപണിയില്‍15 ലക്ഷത്തോളം വില വരുന്ന ലഹരി മരുന്നുമായി മലപ്പുറത്ത് രണ്ട് പേര്‍ പിടിയില്‍
അന്താരാഷ്ട്ര വിപണിയില്‍15 ലക്ഷത്തോളം വില വരുന്ന മയക്കു മരുന്നുമായി കൊണ്ടോട്ടിയില്‍ രണ്ട് പേര്‍ പിടിയില്‍. മാരക ലഹരിയായ മെറ്റാ ആംഫീറ്റമിനുമായാണ് രണ്ട് യുവാക്കള്‍ പിടിയിലായത്
എടവണ്ണ വാളപറമ്പന്‍ അബ്ദുള്‍ ജസീല്‍, മഞ്ചേരി പുല്‍പ്പറ്റ അരിമ്പ്രത്തൊടിയില്‍ മുഹമ്മദ് ജുനൈദ് എന്നിവരെയാണ് ജില്ലാ ആന്റി നര്‍ക്കോട്ടിക്ക് സ്‌ക്വാഡ് പിടികൂടിയത്.
മലപ്പുറം ,കോഴിക്കോട് ജില്ലകളിലെ സ്‌കൂള്‍ കോളേജ് വിദ്യാര്‍ത്ഥികള്‍ക്കാണ് ഇവര്‍ പ്രധാനമായും ലഹരി വില്‍പ്പന നടത്തിയിരുന്നത്. 4 ദിവസം മുന്‍പാണ് പ്രതികള്‍ പച്ചക്കറി വണ്ടിയില്‍ ബംഗളൂരുവില്‍ നിന്നും മയക്കുമരുന്ന് കടത്തി കൊണ്ടു വന്നത്. ഇവരില്‍ നിന്നും 34 പാക്കറ്റ് ലഹരിമരുന്ന് പോലീസ് പിടികൂടി.
കോഴിക്കോട് ,മലപ്പുറം ജില്ലകള്‍ കേന്ദ്രീകരിച്ച് മയക്കു മരുന്ന് വില്‍പ്പന നടത്തുന്ന സംഘത്തിലെ പ്രധാനികളാണ് ഇവര്‍ എന്നാണ് സൂചന. ഇവരില്‍ നിന്നും ഈ സംഘത്തില്‍ ഉള്‍പ്പെട്ട മറ്റ് ആളുകളെ കുറിച്ച് വ്യക്തമായ സൂചന ലഭിച്ചിട്ടുണ്ട്.
രഹസ്യ വിവരത്തിന്റെ അടിസ്ഥാനത്തില്‍ മലപ്പുറം ഡിവൈഎസ് പി. ഹരിദാസന്‍, നര്‍ക്കോട്ടിക്ക് സെല്‍ വൈ എസ്പി പി.പി ഷംസ് എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതികളെ പിടികൂടിയത്.
https://www.facebook.com/Malayalivartha
