തിരുവനന്തപുരം ജില്ലയിലെ ചില പ്രദേശങ്ങൾ അതീവ ഗുരുതര സാഹചര്യമെന്ന് മുഖ്യമന്ത്രി പിണറായി വിജയൻ. പൂന്തുറ, പുല്ലുവിള തുടങ്ങിയ തീരദേശമേഖലകളിൽ സമൂഹവ്യാപനത്തിലേക്ക് എത്തി...പുല്ലുവിള 97 സാമ്പിളുകൾ പരിശോധിച്ചതിൽ 51 പേർക്ക് പോസറ്റീവ് ആണ്. പൂന്തുറയിൽ 51 സാമ്പിളിൽ 26 എണ്ണം പോസറ്റീവ് ആണ്. ഇത് സമൂഹ വ്യാപനം സംഭവിച്ചു എന്നതിലേക്കാണ് സൂചന നൽകുന്നത്

നഗരപ്രദേശങ്ങളിൽ സമൂഹവ്യാപന സാധ്യത നിലനിൽക്കുന്നു..നിയന്ത്രണങ്ങൾ കാറ്റിൽപറത്തി തുറന്ന് പ്രവ‍‍ർത്തിക്കുന്ന വ്യാപാരസ്ഥാപനങ്ങൾക്കെതിരെ നടപടി സ്വീകരിക്കാനാണ് യോഗ തീരുമാനം. തലസ്ഥാനത്ത് രാമചന്ദ്രൻ ഹൈപ്പ‍ർ മാ‍ർക്കറ്റിലെ 78 ഓളം ജീവനക്കാ‍‍ർക്ക് കൊറോണ സ്ഥിരീകരിച്ച സാഹചര്യത്തിലാണ് നടപടി. ആശങ്ക വ‍‍ർദ്ധിപ്പിച്ച് മെഡിക്കൽ കോളേജിലും കൊറോണ രോഗികളുടെ എണ്ണം വ‍‍ർദ്ധിക്കുകയാണ്. തിരുവനന്തപുരം മെഡിക്കൽ കോളേജ് ആശുപത്രിയിൽ രോഗിക്ക് കൂട്ടിരുന്നവർക്കും കൊറോണ പോസിറ്റീവായി. ശസ്ത്രക്രിയ കഴിഞ്ഞവരെ പ്രവേശിപ്പിച്ച വാർഡിൽ നിന്നയാൾക്കാണ് രോഗബാധ ഉണ്ടായത്.

ശ്രീ​ചി​ത്ര​യി​ൽ ചി​കി​ത്സ​യ്ക്കെ​ത്തി​യ ര​ണ്ട് പേ​ർ​ക്ക് കോ​വി​ഡ് സ്ഥി​രീ​ക​രി​ച്ചു. ഇ​തോ​ടെ എ​ട്ട് ഡോ​ക്ട​ർ​മാ​ർ ഉ​ൾ​പ്പെ​ടെ 21 ജീ​വ​ന​ക്കാ​രെ നി​രീ​ക്ഷ​ത്തി​ലാ​ക്കി

കണ്ടെയിൻമെന്റ് സോണുകളിൽ ഡ്യൂട്ടിയിലുണ്ടായിരുന്ന പൊലീസുകാർക്ക് രോഗം സ്ഥിരീകരിച്ചതിനെ തുടർന്ന് തിരുവനന്തപുരത്തെ ക്രൈം ബ്രാഞ്ച് ആസ്ഥാനം അടച്ചു. ജില്ലയിൽ കൂടുതൽ ഇടങ്ങളിൽ നിയന്ത്രണം ഏർപ്പെടുത്തിയിട്ടുണ്ട്. കൂടുതൽ പോലീസുകാ‍ർ‍ക്കും രോഗം പകരുന്ന സാഹചര്യമാണ് ഉള്ളത്. കർശന നിയന്ത്രണവും സുരക്ഷയും ജനങ്ങൾ പാലിക്കണമെന്ന് മുഖ്യമന്ത്രി അഭ്യർത്ഥിച്ചു