കൊവിഡ് രോഗവുമായി ബന്ധപ്പെട്ട അശാസ്ത്രീയ കുപ്രചാരണങ്ങള്‍ക്കെതിരെ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ രംഗത്ത്. രോഗം സംബന്ധിച്ച്‌ അ​ശാ​സ്ത്രീ​യ​ത പ്ര​ച​രി​പ്പി​ക്ക​പ്പെടാന്‍ പാടില്ലെന്നും ജീ​വ​ന്റെ വി​ല​യു​ള്ള ജാ​ഗ്ര​ത​യാ​ണ് ഈ ​അവസരത്തില്‍ ആവശ്യമായിട്ടുള്ളതെന്നും മുഖ്യമന്ത്രി മുന്നറിയിപ്പ് നൽകി. രോഗത്തിന് സ്പെ​ഷ​ലൈ​സ്ഡ് മ​രു​ന്ന് ഇനിയും കണ്ടെത്തിയിട്ടില്ലെന്നും വാ​ക്സി​ന്‍ വി​ക​സി​പ്പി​ച്ചി​ട്ടില്ലെന്നും മുഖ്യമന്ത്രി വ്യക്തമാക്കി.

ജ​ല​ദോ​ഷം പോ​ല​ത്തെ ഗൗ​ര​വ​മി​ല്ലാ​ത്ത ഒ​രു രോ​ഗം, ശ​രീ​ര​ത്തി​ല്‍ പ്ര​വേ​ശി​ച്ചാ​ല്‍ രോ​ഗ​പ്ര​തി​രോ​ധ ശേ​ഷി കൂ​ടും, കു​ട്ടി​ക​ള്‍​ക്കു കോ​വി​ഡ് ദോ​ഷ​ക​ര​മ​ല്ല, എന്നിങ്ങനെയുള്ള പ്രചാരണങ്ങള്‍ അടിസ്ഥാനമില്ലാത്തവയാണെന്നും അദ്ദേഹംചൂണ്ടിക്കാട്ടി. 'മി​ക​ച്ച രോ​ഗ​പ്ര​തി​രോ​ധ ശേ​ഷി​യു​ള്ള​വ​രെ ഇ​തു ബാ​ധി​ക്കു​ക​യേ​യി​ല്ല, ജ​ന​സം​ഖ്യ​യു​ടെ ഒ​രു നി​ശ്ചി​ത സം​ഖ്യ​യ്ക്ക​പ്പു​റം രോ​ഗ​ബാ​ധ​യു​ണ്ടാ​കി​ല്ല, ഒ​രി​ക്ക​ല്‍ രോ​ഗം വ​ന്നാ​ല്‍ പി​ന്നെ വ​രി​ല്ല, ഇ​ത​ര രോ​ഗ​മു​ള്ള​വ​ര്‍ മാ​ത്ര​മേ കോ​വി​ഡ് മൂ​ലം മ​രി​ക്കൂ എ​ന്നി​ങ്ങ​നെ​യാ​ണ് പ്ര​ചാ​ര​ണ​ങ്ങ​ള്‍. ഈ ​പ്ര​ചാ​ര​ണ​ങ്ങ​ള്‍​ക്കൊ​ന്നും ശാ​സ്ത്രീ​യ പി​ന്തു​ണ​യി​ല്ലെ​ന്ന​താ​ണ് ഇ​വ​രോ​ടെ​ല്ലാം പ​റ​യാ​നു​ള്ള​ത്' എന്നും മു​ഖ്യ​മ​ന്ത്രി വ്യ​ക്ത​മാ​ക്കി.

വാ​ക്സി​ന്‍ രോഗതിനെതിരെ ഫ​ല​പ്ര​ദ​മാ​ണെ​ന്ന് ഉ​റ​പ്പു​വ​രു​ത്താ​ന്‍ 12 മു​ത​ല്‍ 18 വ​രെ മാ​സ​ങ്ങളാണ് എടുക്കുക. അതേസമയം, കൊ​വി​ഡ് വാ​ക്സി​ന്‍ സം​ബ​ന്ധി​ച്ച ഗ​വേ​ഷ​ണ​ങ്ങ​ള്‍ ആ​രം​ഭി​ച്ചി​ട്ട് ആ​റ് മാ​സ​മേ ആ​കു​ന്നു​ള്ളൂ. വാക്സിന്‍ പുറത്തിറങ്ങാന്‍ ഇനിയും സമയമെടുക്കുമെന്നും ശാ​സ്ത്ര​ലോ​ക​ത്തി​ന് നേ​ര​ത്തെ ത​ന്നെ മ​രു​ന്നു ല​ഭ്യ​മാ​ക്കാ​ന്‍ ക​ഴി​യ​ട്ടെ​യെ​ന്നാ​ണ് ആ​ഗ്ര​ഹി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു.