എറണാകുളം ജില്ലയില്‍ ജനങ്ങള്‍ ജാഗ്രത പുലര്‍ത്തുക; ഇല്ലെങ്കിൽ അപകടം; മുന്നറിയിപ്പുമായി മന്ത്രി വിഎസ് സുനില്‍കുമാര്‍.
എറണാകുളം ജില്ലയില്‍ ജനങ്ങള്‍ ജാഗ്രത പുലര്‍ത്തണമെന്ന മുന്നറിയിപ്പുമായി മന്ത്രി വിഎസ് സുനില്‍കുമാര്‍. ഇല്ലെങ്കിൽ സ്ഥിതി വഷളാകുമെന്നും അദ്ദേഹമറിയിച്ചു. ജില്ലയില്‍ നിലവില്‍ സമൂഹ വ്യാപന ഭീഷണിയില്ലെങ്കിലും ആശങ്ക ഒഴിഞ്ഞിട്ടില്ലെന്നും മന്ത്രി പറഞ്ഞു . ചെല്ലാനത്ത് സ്ഥിതി സങ്കീര്‍ണ്ണമായി തുടരുന്നു . ഇവിടെ കൂടുതല്‍ കോവിഡ് പരിശോധന നടത്തുമെന്നും അദ്ദേഹം അറിയിച്ചു . ചെല്ലാനം മേഖലയില്‍ നിന്നും കൂടുതല്‍ മേഖലയിലേക്ക് രോഗം വ്യാപിക്കാതിരിക്കാനുള്ള ശ്രമം സര്‍ക്കാര്‍ നടത്തുന്നുണ്ട് ..
ജില്ലയിലെ തീരദേശത്ത് ലോക്ക്ഡൗണ്‍ ഏര്‍പ്പെടുത്താന്‍ തീരുമാനിച്ചിട്ടില്ല. തീരദേശ ലോക്ക്ഡൗണില്‍ സര്‍ക്കാര്‍ തീരുമാനം വന്നശേഷം പരിഗണിക്കുകയും ചെയ്യും. തീരദേശത്ത് ആളുകള്‍ തിങ്ങിപ്പാര്‍ക്കുന്നതിനാല്‍ വൈറസ് ബാധ കത്തിപ്പടരാന്‍ സാധ്യതയുണ്ടെന്നും അദ്ദേഹം വ്യക്തമാക്കി . അതിനാല്‍ കടുത്ത നിയന്ത്രണം പുലര്‍ത്താന്‍ ജനങ്ങള്‍ ശ്രദ്ധിക്കണമെന്നും മഅന്നറിയിപ്പ് . എറണാകുളം മാര്‍ക്കറ്റ് നിയന്ത്രണങ്ങളോടെ ഞായറാഴ്ച തുറക്കുമെന്നും മന്ത്രി അറിയിക്കുകയുണ്ടായി .
https://www.facebook.com/Malayalivartha
