ജനം ടിവിക്ക് ഭീകരവാദ സംഘടനായ ഐഎസ് ഭീഷണി. ജനം ടിവി ഓഫീസുകൾ തകർക്കുമെന്ന രീതിയിൽ ഐഎസ് ഭീഷണി ലഭിച്ചതായി റിപ്പോർട്ട്. ജീവനക്കാരെ വകവരുത്തുമെന്നും ഭീഷണി സന്ദേശത്തിൽ പറയുന്നു എന്ന് ചാനൽ വ്യക്തമാക്കുന്നു. ഭീഷണിയുടെ പശ്ചാത്തലത്തിൽ ജനം ടിവി ഓഫീസുകളിൽ സുരക്ഷ വർദ്ധിപ്പിക്കണമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ നിർദ്ദേശം നൽകി. സംഭവത്തെ വളരെ ഗൗരവമായാണ് നോക്കികാണുന്നത്.

ഇസ്ലാമിക് സ്റ്റേറ്റ് കേരള ഘടകത്തിന്റെ നിയന്ത്രണത്തിലുള്ള ഇൻസ്റ്റഗ്രാം ചാനലിലാണ് ജനം ടിവിയ്ക്കെതിരെ ഭീഷണി വന്നിരിക്കുന്നത്. ജനം ടിവിയ്ക്ക് മുജാഹിദുകളുടെ സന്ദേശം എന്ന തലക്കെട്ടോടെയാണ് സന്ദേശം ആരംഭിക്കുന്നത്. ഈ ലോകത്തുനിന്ന് വിടപറയാൻ തയ്യാറായിക്കൊള്ളാനും സന്ദേശത്തിൽ പറയുന്നതായാണ് റിപ്പോർട്ട് .

ജനം ടിവിക്ക് നേരെയുള്ള ഭീകരാക്രമണ ഭീഷണി സർക്കാർ ഗൗരവത്തോടെ എടുക്കണമെന്ന് ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ ആവശ്യപ്പെട്ടു. ജനത്തിന് ആവശ്യമായ സുരക്ഷ സജ്ജമാക്കണം. ഐഎസ് റിക്രൂട്മെന്റ് അടക്കമുള്ള വാർത്തകൾ സധൈര്യം പുറത്ത് കൊണ്ടുവന്നതിലുള്ള വൈരാഗ്യമാണ് ഭീഷണിയ്ക്ക് കാരണമെന്നും സുരേന്ദ്രൻ പറഞ്ഞു. തൃശൂരിൽ മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.

ഇസ്ലാമിക് സ്റ്റേറ്റ് കേരള ഘടകത്തിന്റെ നിയന്ത്രണത്തിലുള്ള ഇൻസ്റ്റഗ്രാം ചാനലിലാണ് ജനം ടിവിയ്ക്കെതിരെ ഭീഷണി വന്നിരിക്കുന്നത്. കേരളത്തിലെ ഇത്തരമൊരു മാധ്യമ സ്ഥാപനത്തിന് ഭീകരാക്രമണ ഭീക്ഷണി നേരിടേണ്ടി വന്ന സംഭവത്തെ വളരെ ഗൗരവമായാണ് കാണുന്നത്.