സ്വപ്‌നേപി വിചാരിച്ചില്ല... അറ്റാഷെ കടന്നുകളഞ്ഞതോടെ എല്ലാം അടഞ്ഞെന്ന് കരുതിയവര്‍ക്ക് തെറ്റി; സ്വര്‍ണക്കടത്തിലെ സുപ്രധാന കണ്ണിയായ ഫൈസല്‍ ഫരീദിനെ ദുബായില്‍ നിന്നും പൊക്കാന്‍ കഴിഞ്ഞത് മോദിയുടെ കടുത്ത നിലപാട്; അസാധ്യമെന്ന് കരുതിയിരുന്നത് സാധ്യമാക്കിയത് മോദിയുടെ ഇച്ഛാശക്തി ഒന്നുകൊണ്ട് മാത്രം
സ്വര്‍ണക്കടത്ത് കേസില്‍ ഇന്ത്യയിലെ ചോദ്യം ചെയ്യല്‍ ഒഴിവാക്കാന്‍ തിരുവനന്തപുരത്തെ യു.എ.ഇ കോണ്‍സുലേറ്റിലെ അഡ്മിനിസ്‌ട്രേറ്റീവ് അറ്റാഷെയെ രാജ്യം വിടതോടെ കേസ് സ്വാഹ എന്നാണ് എല്ലാവരും കരുതിയത്. ഇതോടെ കേന്ദ്ര സര്‍ക്കാരിനെതിരെ എതിര്‍പ്പും ഉയര്‍ന്നിരുന്നു. എന്നാല്‍ രണ്ട് ദിവസം കൊണ്ട് കേസിലെ മുഖ്യ പ്രതിയും കണ്ണിയുമായ ഫൈസല്‍ ഫരീദിനെ ദുബായിലെ അധോലോക മാളത്തില്‍ നിന്നും പൊക്കാന്‍ കഴിഞ്ഞത് മോദിയുടെ ഇച്ഛാശക്തി ഒന്നുകൊണ്ട് മാത്രമാണ്. യുഎഇ സര്‍ക്കാരുമായി മോദിക്കുണ്ടായിരുന്ന അടുത്ത ബന്ധമാണ് ഇത് എളുപ്പമാക്കിയത്. അറബി ലോകത്ത് നിന്നും ഒരു കുറ്റവാളിയെ എളുപ്പത്തില്‍ ഇങ്ങോട്ട് കൊണ്ട് വരിക അസാധ്യമാണ്. എന്നാല്‍ ഫൈസലിനായി എന്‍.ഐ.എ കോടതി ജാമ്യമില്ലാ വാറണ്ട് പുറപ്പെടുവിച്ച് രണ്ടു ദിവസത്തിനകം ദുബായ് പൊലീസ് ഇയാളെ പിടികൂടി. യു.എ.ഇയുടെ സഹകരണം ഉറപ്പില്ലാതിരുന്നതിനാല്‍, ഇന്റര്‍പോള്‍ വഴി ലുക്കൗട്ട് നോട്ടീസും പുറപ്പെടുവിച്ചിരുന്നു. ഫൈസല്‍ ഫരീദ്, പി.ഒ ബോക്‌സ് 31456, വില്ല നമ്പര്‍ 5, അല്‍ റാഷിദ, ദുബായ് എന്ന മേല്‍വിലാസത്തില്‍ നിന്നാണ് യു.ഇ.എ കോണ്‍സുലേറ്റിലെ അറ്റാഷെയുടെ പേരില്‍ തിരുവനന്തപുരം വിമാനത്താവളത്തിലേക്ക് കാര്‍ഗോ അയച്ചിരുന്നത്. മാളത്തില്‍ നിന്നു തന്നെ ഫൈസലിനെ പൊക്കാന്‍ കഴിഞ്ഞതോടെ അധോലോകം തന്നെ ഞെട്ടിയിരിക്കുകയാണ്. വേണമെന്ന് വച്ചാല്‍ ആരായാലും ഇന്ത്യ പൊക്കിയിരിക്കും എന്നാണ് ഇതിലൂടെ വെളിവാകുന്നത്.
ഫൈസല്‍ ഫരീദ് ദുബായില്‍ പിടിയിലായതോടെ അന്വേഷണം നിര്‍ണായക വഴിത്തിരിവിലേക്ക് കടന്നിരിക്കുകയാണ്. രണ്ടു ദിവസം മുമ്പുതന്നെ ദുബായ് റാഷിദിയ പൊലീസ് ഇയാളെ കസ്റ്റഡിയിലെടുത്തെന്നാണ് സൂചന. ദുബായ് പൊലീസിന്റെ ചോദ്യം ചെയ്യലിനു ശേഷം, ഇയാള്‍ കസ്റ്റഡിയിലുള്ള വിവരം യു.എ.ഇ അധികൃതര്‍ ഇന്നലെയാണ് ഇന്ത്യന്‍ വിദേശ മന്ത്രാലയത്തെ ഔദ്യോഗികമായി അറിയിച്ചത്. ദുബായിലെത്തുന്ന എന്‍.ഐ.എ സംഘം നയതന്ത്ര നിയമങ്ങളനുസരിച്ച് ഫൈസലിനെ ഏറ്റുവാങ്ങി കൊച്ചിയിലേക്ക് കൊണ്ടുവരും.
യു. എ. ഇയില്‍ മറ്റൊരു രാജ്യത്തെ പൗരന്‍ കുറ്റകൃത്യത്തിന് പിടിയിലായാല്‍ നാടുകടത്തുകയാണ് പതിവ്. സ്വര്‍ണക്കടത്തു കേസ് ഇന്ത്യയില്‍ രജിസ്റ്റര്‍ ചെയ്തതിനാല്‍ ഫൈസലിനെ നാടുകടത്താനാവില്ല. ഇന്റര്‍പോളിന്റെ സഹായത്തോടെ ഇവിടെ നിന്നുള്ള അന്വേഷണസംഘത്തിന് കൈമാറാനേ കഴിയൂ. എന്‍.ഐ.എ സംഘമെത്തി ഏറ്റുവാങ്ങുന്നതുവരെ ഫൈസലിനെ അവിടെ തടവില്‍ സൂക്ഷിക്കും. അതേസമയം, രണ്ട് എന്‍.ഐ.എ ഉദ്യോഗസ്ഥര്‍ ദുബായില്‍ എത്തിയതായും സൂചനയുണ്ട്. കൈമാറ്റ നടപടികള്‍ ഇന്നു തന്നെ പൂര്‍ത്തിയായേക്കും.
ഒന്നും രണ്ടും പ്രതികളായ സരിത്ത്, സ്വപ്ന സുരേഷ്, നാലാം പ്രതി സന്ദീപ് നായര്‍ എന്നിവര്‍ നേരത്തെ അറസ്റ്റിലായിരുന്നു. ഇനി കേസിന്റെ ഗതി നിര്‍ണയിക്കുന്നത് ഫൈസലിനെ ചോദ്യം ചെയ്യുമ്പോള്‍ ലഭിക്കുന്ന വിവരങ്ങളാകും. സ്വര്‍ണക്കടത്ത് യു.എ.ഇയും അന്വേഷിക്കുന്നതിനാല്‍ ഫൈസലിനെ ദുബായ് പൊലീസ് വിശദമായി ചോദ്യം ചെയ്തതായാണ് വിവരം. സംഭവത്തില്‍ തിരുവനന്തപുരത്തെ യു.എ.ഇ കോണ്‍സുലേറ്റിന്റെ പങ്കും വ്യക്തമാകേണ്ടതുണ്ട്. തൃശൂര്‍ കൈപ്പമംഗലം സ്വദേശിയാണ് മുപ്പത്തിയഞ്ചുകാരനായ ഫൈസല്‍. സ്വര്‍ണം അയച്ചത് ഫൈസല്‍ യു.എ.ഇ കോണ്‍സുലേറ്റിന്റെ നയതന്ത്ര ചാനല്‍ വഴി ദുബായില്‍ നിന്ന് സ്വര്‍ണം അയച്ചത് ഫൈസലാണ്. അതിന് അനുമതി നല്‍കുന്ന അറ്റാഷെ റാഷിദ് ഖാമിസിന്റെ കത്തും പുറത്തുവന്നിരുന്നു. കത്ത് വ്യാജമായി നിര്‍മ്മിച്ചെന്നാണ് സംശയം. വ്യാജരേഖ നിര്‍മ്മാണം, ഭീകരപ്രവര്‍ത്തനങ്ങള്‍ക്കുള്ള സഹായം, സ്വര്‍ണക്കടത്തിലെ പങ്കാളിത്തം എന്നിവയാണ് എന്‍.ഐ.എ പ്രധാനമായും ചോദിച്ചറിയുക.
ഫൈസല്‍ ചെയ്തത് അതീവഗുരുതരമായ കുറ്റമാണെന്ന് ദുബായ് പൊലീസ് ഇന്റര്‍പോള്‍ വഴി എന്‍.ഐ.എയെ അറിയിച്ചു. ഫൈസലുമായി ദുബായില്‍ നിരവധി തവണ കൂടിക്കാഴ്ച നടത്തിയതായി സ്വപ്ന, സരിത്ത്, സന്ദീപ് നായര്‍ എന്നിവര്‍ അന്വേഷണ ഏജന്‍സികളോട് സമ്മതിച്ചിരുന്നു. എന്നാല്‍, ദുബായില്‍ ആര്‍ക്കു വേണ്ടിയാണ് ഫൈസല്‍ സ്വര്‍ണം കടത്തിയതെന്ന് എന്‍.ഐ.എയുടെ ചോദ്യം ചെയ്യലിലേ വ്യക്തമാകൂ. അതിനാണ് എന്‌ഐഎയുടെ അടുത്ത ശ്രമം.
https://www.facebook.com/Malayalivartha
