കേരളം തിരക്കിലാണ്.. അടിക്കടിയുണ്ടാകുന്ന രാഷ്ട്രീയ കൊലപാതകങ്ങളുടെ പിന്നാലെയും... സർക്കാരിനെ എങ്ങനെ മറിച്ചിടണം എന്ന കാര്യത്തിന് പിന്നാലെയും.. സ്വർണക്കടത്ത് കേസിൽ സ്വപ്ന എന്തൊക്കെ ചെയ്തു എന്ന കാര്യത്തിന്റെ പിന്നാലെയുമാണ് കേരളം ഇപ്പോൾ........ എന്നാൽ കേരളം ഒരു കാര്യം മറന്നിരിക്കുന്നു....... കൊറോണ എന്ന മഹാമാരി ഇതിനിടയിലൂടെ കടന്നുപോകുന്നുണ്ട് എന്ന കാര്യം, കേന്ദ്ര ത്തിന്റെ പുതിയ പഠന വിവരം ഞെട്ടിക്കുന്നതാണ്. പ്രതിദിന കേസ് വര്‍ധന നിരക്കില്‍ കേരളം ഒന്നാമതെന്ന് കേന്ദ്ര പഠനം
കേരളത്തിലെ കോവിഡ് സ്ഥിതി ആശങ്കാജനകമെന്ന് കേന്ദ്രസർക്കാരിന്റെ പഠനം. പ്രതിദിന കേസുകളിലെ വർധന നിരക്കിൽ കേരളം രാജ്യത്തു തന്നെ ഒന്നാം സ്ഥാനത്താണെന്നും പോസിറ്റീവ് ആകുന്നവരുടെ എണ്ണത്തിൽ ഒന്നാമത് ആണെന്നും പഠനത്തിൽ വ്യക്തമാക്കുന്നുപഠനത്തിൽ ഇൽ. അൺലോക്ക്-4 നടപ്പാക്കുന്നതിന്റെ ഭാഗമായി നടത്തിയ പഠനത്തിലാണ് ഇക്കാര്യം വ്യക്തമാക്കിയിട്ടുള്ളത്.

രാജ്യത്ത് അൺലോക്ക്-4 നടപ്പാക്കുന്നതിന്റെ ഭാഗമായാണ് ഓഗസ്റ്റ് 13 മുതൽ 19 വരെ കേന്ദ്ര ആരോഗ്യ മന്ത്രാലയം ഒരു പഠനം നടത്തിയത്. ഈ പഠനത്തിലാണ് കേരളം ഉൾപ്പെടെ 15 സംസ്ഥാനങ്ങളിൽ കോവിഡ് വ്യാപനത്തിൽ ആശങ്കാജനകമായ സ്ഥിതി നിലനിൽക്കുന്നതായി കണ്ടെത്തിയത്.

പ്രതിദിന കേസുകളുടെ വർധനവിന്റെ നിരക്കിൽ കേരളം ഒന്നാംസ്ഥാനത്താണെന്ന് പഠനം പറയുന്നു. 4.30 ശതമാനമാണ് കേരളത്തിലെ രോഗവർധനയുടെ നിരക്ക്. പോസിറ്റീവ് ആകുന്നവരുടെ നിരക്കിലും കേരളം മുൻപന്തിയിലാണ്. മഹാരാഷ്ട്രയ്ക്ക് പിന്നിൽ രണ്ടാംസ്ഥാനത്താണ് കേരളമുള്ളത്. 17.80 ശതമാനം ആണ് കേരളത്തിൽ കോവിഡ് പോസിറ്റീവ് ആകുന്നവരുടെ നിരക്ക്.

ഇത് കൂടാതെ ടെസ്റ്റിങ്ങിൽ കേരളം വളരെ പിറകിലാണെന്നും പഠനം പറയുന്നു. -6.23 ശതമാനമാണ് കേരളത്തിലെ പരിശോധനാനിരക്ക്. പരിശോധനാ നിരക്കിൽ കേരളമാണ് ഏറ്റവും പിന്നിലെന്നും റിപ്പോർട്ട് പറയുന്നു.

കോവിഡ് വ്യാപനത്തിൽ ആശങ്കാജനകമായ സ്ഥിതി നിലനിൽക്കുന്ന സംസ്ഥാനങ്ങളുമായി കേന്ദ്ര ആരോഗ്യ മന്ത്രാലയം കൂടിയാലോചന നടത്താനും തുടർന്ന് നടത്തേണ്ട പ്രവർത്തനങ്ങളെ കുറിച്ച് ചർച്ച ചെയ്യാനും തീരുമാനിച്ചിട്ടുണ്ട്. ഏതായാലും കേരളം ഇക്കാര്യം മനസ്സിൽ സൂക്ഷിക്കുന്നതും ഒപ്പം ജാഗ്രതയോടെ മുന്നോട്ടുപോകുന്നതിന് ആവശ്യകത വർദ്ധിക്കുകയാണ്. വീണ്ടും ഓർക്കുക ജീവന്റെ വിലയുള്ള ജാഗ്രതയാണ് നമുക്കിനി ആവശ്യം