കേരള ചരിത്രത്തില്‍ ജയിപ്പിക്കാന്‍ വേണ്ടി എസ്എസ്എല്‍സി പരീക്ഷ നടത്തിയ വിദ്യാഭ്യാസ മന്ത്രി അബ്ദു റബ്ബിന്റെ 99 ശതമാന വിജയകഥകള്‍ ഇപ്പോഴും നാട്ടില്‍ പാട്ടാണ്. തോറ്റ ഒരു ശതമാനത്തെ സേ പരീക്ഷ എഴുതിപ്പിച്ച് ജയിപ്പിക്കും. ചുരുക്കിപ്പറഞ്ഞാല്‍ 100 ശതമാനം വിജയം.
ഈ എസ്എസ്എല്‍സി പരീക്ഷാ വിജയം ആഘോഷിക്കുന്ന വേളയിലാണ് നമ്മുടെ യുവ ഐപിഎസ് ഓഫീസര്‍ നടത്തിയ പരീക്ഷ ശ്രദ്ധ നേടുന്നത്. ഹര്‍ത്താല്‍ നടത്തിയ സിപിഐ(എം) പ്രവര്‍ത്തകരെ ഓടിച്ചിട്ടടിച്ച അങ്കമാലി എസ്പിയായ യതീഷ്ചന്ദ്ര മലയാളികള്‍ക്ക് ഏറെ സുപരിചിതനാണ്. ഇത്തവണ അദ്ദേഹം പണികൊടുത്തത് മാവോയിസ്റ്റുകളെ കിടുകിടാ വിറപ്പിക്കുന്ന കേരളാ പൊലീസിന്റെ തണ്ടര്‍ബോള്‍ട്ട് സേനയ്ക്കാണ്. 
പരീക്ഷ നടന്നത് 2014 അവസാന ഘട്ടത്തിലാണ്. മാവോയിസ്റ്റ് വേട്ടയ്ക്ക് വിനിയോഗിച്ചിരിക്കുന്ന തണ്ടര്‍ബോള്‍ട്ട് കമാന്‍ഡോകളുടെ ആദ്യ ബാച്ചിന്റെ ഹവീല്‍ദാര്‍ തസ്തികയിലേക്കുള്ള സ്ഥാനക്കയറ്റത്തിനുള്ള പരീക്ഷാ നടത്തിപ്പിനുള്ള ബോര്‍ഡിന്റെ ചുമതലക്കാരനായിരുന്നു യതീഷ് ചന്ദ്ര. കഴിവുള്ളവരെ മാത്രമേ താന്‍ ജയിപ്പിക്കൂ എന്ന തന്റെ നിലപാട് അദ്ദേഹം ആദ്യമേ വ്യക്തമാക്കിയിട്ടാണ് പരീക്ഷാ നടത്തിപ്പിന്റെ ചുമതല ഏറ്റെടുത്തത്. എഴുത്തുപരീക്ഷ, ശാരീരികക്ഷമതാ പരീക്ഷ എന്നിങ്ങനെ രണ്ടുപരീക്ഷകള്‍ ജയിച്ചാലേ കമാന്‍ഡോകള്‍ക്ക് ഹവീല്‍ദാര്‍മാരായി സ്ഥാനക്കയറ്റം ലഭിക്കുകയുള്ളു. ഏതിലെങ്കിലും തോറ്റാല്‍ തോറ്റ പരീക്ഷ മാത്രം വീണ്ടും ജയിക്കണം. ഇതെല്ലാം യതീഷ് ചന്ദ്ര നേരിട്ട് വിലയിരുത്തിയിരുന്നു.
പക്ഷേ 2015 മാര്‍ച്ച് രണ്ടിനു പരീക്ഷാഫലം പ്രസിദ്ധീകരിച്ചപ്പോള്‍ തണ്ടര്‍ബോള്‍ട്ട് സേനാംഗങ്ങളും ഉന്നത ഉദ്യോഗസ്ഥരും ശരിക്കും തളര്‍ന്നുപോയി. പ്രമോഷന്‍ പരീക്ഷയില്‍ പങ്കെടുത്ത 177 പേരില്‍ രണ്ടുപരീക്ഷയും വിജയിച്ചത് ആകെ 51 പേര്‍ മാത്രം. ഫലം പുറത്തറിഞ്ഞാല്‍ കേരള പൊലീസിനുതന്നെ നാണക്കേടാകുമെന്നു പറഞ്ഞ് ഫലം റദ്ദാക്കി. വീണ്ടും മറ്റൊരു ഐപിഎസ് ഓഫീസറിന്റെ നേതൃത്വത്തില്‍ അബ്ദു റബ്ബ് മാതൃകയില്‍ പരീക്ഷ നടത്താാരുങ്ങുകയാണ് തണ്ടര്‍ബോള്‍ട്ട് അധികൃതര്‍.
സേനയുടെ തലപ്പത്തുള്ള ചില ഉദ്യോഗസ്ഥരുടെ അനുയായികള്‍ തോറ്റതുകൊണ്ടാണ് ഫലം റദ്ദാക്കുന്നതെന്നാണ് ജയിച്ചവരുടെ പക്ഷം. ഇത് തങ്ങളുടെ മനോവീര്യം തകര്‍ക്കുമെന്നും അബ്ദു റബ്ബ് മാതൃകയില്‍ പരീക്ഷ പാടില്ലെന്നും അവര്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha