ബിജു രമേഷിന്റെ 164ന് പിന്നില്‍ രമേശ് ചെന്നിത്തലാണെന്ന വ്യക്തമായ തെളിവ് നല്‍കി റിപ്പോര്‍ട്ടര്‍ ചാനലും നികേഷ് കുമാറും രംഗത്ത്. റിപ്പോര്‍ട്ടര്‍ പുറത്തുവിട്ട ശബ്ദരേഖയില്‍ രമേശ് ചെന്നിത്തലയ്ക്ക് രണ്ടു കോടി കൊടുത്തു എന്നായിരുന്നു ബിജു രമേശിന്റെ ആരോപണം. സര്‍ക്കാരിനെ അട്ടിമറിക്കാന്‍ തന്ത്രപരമായി ഒരുക്കിയ തിരക്കഥയുടെ വിജയമായിരുന്നു ബിജു രമേശ് കോടതിയില്‍ കൊടുത്ത 164 മൊഴി.
ഈ മൊഴിയിലൂടെ മുമ്പ് രമേശ് ചെന്നിത്തലയ്ക്ക് നേരെ ഉയര്‍ന്ന ആരോപണവും അന്വേഷണവും മാധ്യമ വിചാരണയും പൂര്‍ണമായി ഒഴിവാക്കുക എന്നതായിരുന്നു ഐ ഗ്രൂപ്പ് തന്ത്രം. ബിജു രമേശിന്റെ ഉറ്റ സുഹൃത്തായ മന്ത്രി അടൂര്‍ പ്രകാശിന്റെ തന്ത്രപരമായ നീക്കങ്ങളാണ് ഇതിന് പിന്നില്‍.
മന്ത്രി കെ ബാബുവിനെ ഉന്നം വയ്ക്കുക വഴി അന്വേഷണത്തിന് മുമ്പേ യുഡിഎഫിന്റെ പ്രതിഛായ തകര്‍ക്കുകയാണ് ലക്ഷ്യം. ഇതിലൂടെ നേതൃമാറ്റം ലക്ഷ്യമിട്ട് ഐ ഗ്രൂപ്പ് വിദഗ്ധമായ കരുക്കള്‍ നീക്കിത്തുടങ്ങി.
കോടതിയില്‍ ബിജു രമേശ് നല്‍കിയ 164ല്‍ മന്ത്രി വിഎസ് ശിവകുമാറിനെ സ്പര്‍ശിച്ചപ്പോഴും രമേശ് ചെന്നിത്തലയുടെ പേര് മിണ്ടിയില്ല. അവസാനം എല്ലാം ബാബുവില്‍ ഒതുക്കി. ഇതോടെ രമേശ് ചെന്നിത്തലയുടെ കളികള്‍ എ ഗ്രൂപ്പ് തന്നെ വെളിച്ചത്ത് കൊണ്ടു വന്നു.
മുന്നണിയില്‍ തന്നെ ഏതാണ്ട് ഒറ്റപ്പെട്ട അവസ്ഥയിലാണ് രമേശ് ചെന്നിത്തല. ക്വിക്ക് വെരിഫിക്കേഷനിലൂടെയും എഫ്‌ഐആറിലൂടെയും മാണിയെ കുടുക്കിയ ചെന്നിത്തല കേരള കോണ്‍ഗ്രസിന്റെ കണ്ണിലെ കരടാണ്. ഏറ്റവും ഒടുവില്‍ ബാബുവിനെക്കൂടി കുടുക്കിയതോടെ ചെന്നിത്തലയ്‌ക്കെതിരെ എ ഗ്രൂപ്പും ആഞ്ഞടിച്ചു.
കളി മൂത്താല്‍ രാജിവച്ച് ഇമേജ് വര്‍ധിപ്പിക്കുമെന്നാണ് ചെന്നിത്തല അടുത്ത സുഹൃത്തുക്കളോട് പറഞ്ഞത്. 
സോഷ്യല്‍ മീഡിയയില്‍ രമേശ് ചെന്നിത്തല ഇപ്പോള്‍ സജീവ ചര്‍ച്ചയായി മാറുന്നു. ഇതോടെ ചെന്നിത്തലയെ ഒഴിവാക്കി ബിജു രമേശ് നടത്തുന്ന കോഴ നാടകങ്ങള്‍ക്ക് എത്ര വിശ്വാസ്യതയുണ്ടെന്ന ചോദ്യം ഉയരുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha