പയ്യന്നൂര്‍ കോളജിലെ ജോണ്‍സി വനം: വംശനാശഭീഷണി നേരിടുന്ന അപൂര്‍വ സസ്യങ്ങള്‍ക്കായുള്ള സംരക്ഷിത വനം
വംശനാശഭീഷണി നേരിടുന്ന അപൂര്‍വ സസ്യങ്ങള്‍ക്കായി സംരക്ഷിത വനം നിര്‍മിച്ചിരിക്കയാണ് പയ്യന്നൂര്‍ കോളജ്. പശ്ചിമഘട്ടത്തില്‍ മാത്രം കാണുന്ന സംരക്ഷണ പ്രാധാന്യമുള്ള മുന്നൂറിലധികം സസ്യങ്ങളുണ്ട് പയ്യന്നൂര്‍ കോളജിലെ ജോണ്‍സി വനത്തില്‍.
പ്രകൃതിസ്‌നേഹിയായ മുന്‍ പ്രഫസര്‍ പരേതനായ ജോണ്‍സി ജേക്കബിനുള്ള ഗുരുദക്ഷിണയായാണു ജോണ്‍സി വനം ഒരുക്കിയതെന്നു കോളജ് ബോട്ടണി വിഭാഗം പ്രഫസറും സസ്യ ഗവേഷകനുമായ ഡോ.രതീഷ് നാരായണന്‍ പറഞ്ഞു. അഞ്ചു വര്‍ഷം മുന്‍പാണ് ജോണ്‍സി വനത്തിന്റെ പ്രവര്‍ത്തനം തുടങ്ങിയത്.
ഒരു ഏക്കറിലധികം സ്ഥലത്ത് കാട് ഒരുക്കിയത് കോളജ് ബോട്ടണി വിഭാഗവും എന്‍എസ്എസ് യൂണിറ്റും ചേര്‍ന്നു കേരള ബയോ ഡൈവേഴ്‌സിറ്റി ബോര്‍ഡ്, എം.എസ്.സ്വാമിനാഥന്‍ ഗവേഷണ കേന്ദ്രം, പയ്യന്നൂര്‍ റോട്ടറി ക്ലബ്, കോളജ് അലുംനി യുഎഇ ചാപ്റ്റര്‍ എന്നീ സംഘടനകളുടെ സഹകരണത്തോടെയാണ്
കേരളത്തില്‍ കാണപ്പെടുന്ന ഔഷധമായി ഉപയോഗിക്കുന്ന നൂറിലധികം മരങ്ങളെ ഉള്‍പ്പെടുത്തി ഔഷധ വനവും ക്യാംപസിലുണ്ട്. വംശനാശ ഭീഷണി നേരിടുന്ന 120 മരങ്ങള്‍ ഇവിടെ വളരുന്നുണ്ട്. പലതും കഴിഞ്ഞ വര്‍ഷം മുതല്‍ പൂക്കാനും കായ്ക്കാനും തുടങ്ങി.
https://www.facebook.com/Malayalivartha
