കാലാവസ്ഥാ വ്യതിയാനം ഇത്തരത്തില്‍ മുന്നോട്ടുപോയാല്‍ കേരളം കടലെടുക്കും? വരാനിരിക്കുന്ന മുരശ് ചുഴലിക്കാറ്റില്‍ കേരളത്തില്‍ വന്‍നാശം സംഭവിക്കുമെന്ന് സൂചന
കേരളത്തെ അപ്പാടെ കടല്‍ വിഴുങ്ങുമോ. കാലാവസ്ഥാ വ്യതിയാനം ഇത്തരത്തില്‍ മുന്നോട്ടുപോയാല്‍ കേരളം കടലെടുത്തുപോകാം. അടുത്ത ദിവസം വരാനിരിക്കുന്ന മുരശ് ചുഴലിക്കാറ്റില്‍ കേരളത്തില്‍ വന്‍നാശം സംഭവിക്കുമെന്നാണ് സൂചനകള്‍. എല്‍നിനോ പ്രതിഭാസം വന്‍നാശം വിതയ്ക്കുന്നതിന്റെ മുന്നോടിയാണ് തുടര്‍ച്ചയായ ചുഴലിക്കാറ്റുകളും പേമാരിയും വെള്ളപ്പൊക്കവും.
അന്‍പതു വര്‍ഷത്തിനുള്ള കൊച്ചി നഗരം കടലെടുത്തുപോകുമെന്ന കാലാവസ്ഥാ പ്രവചനം അപ്പാടെ ശരിവയ്ക്കുന്ന രീതിയിലേക്കാണ് നിലവിലെ കാര്യങ്ങളുടെ പോക്ക്. അടുത്ത പത്തു വര്‍ഷത്തിനുള്ളില്‍ കേരളത്തിന്റെ കടല്‍ത്തീരം വന്‍തോതില്‍ കടലെടുത്തുപോകുമെന്ന നിലയിലേക്കാണ് കാര്യങ്ങളുടെ പോക്ക്. വരുംദിവസങ്ങളില്‍ മുരശ് ചുഴലിക്കാറ്റ് കേരളത്തില്‍ വന്‍നാശം വിതയ്ക്കുമെന്നാണ് പ്രവചനം.
ബംഗാള്‍ ഉള്‍ക്കടലില്‍ ചുഴലിക്കാറ്റ് രൂപപ്പെട്ട മുരശ് ചുഴലിക്കാറ്റ് ഇന്ന് മധ്യ-പടിഞ്ഞാറന്‍ ബംഗാള്‍ ഉള്‍ക്കടലില്‍ അതിശക്ത ചുഴലിക്കാറ്റായി മാറി നാളെ രാവിലെ തെക്കന്‍ ആന്ധ്രപ്രദേശ് തീരത്തു നെല്ലൂരിനും നരസാപുരത്തിനും ഇടയില്‍ ശക്തമായ ചുഴലിക്കാറ്റാകും. മണിക്കൂറില്‍ 100-110 കിലോമീറ്റര്‍ വേഗത്തില്‍, പരമാവധി മണിക്കൂറില്‍ 120 കിലോമീറ്റര്‍ വരെ വേഗത്തില്‍ കരതൊടാന്‍ സാധ്യതയുണ്ടെന്നാണ് അറിയിപ്പുകള്‍.
ചുഴലിക്കാറ്റിന്റെ പശ്ചാത്തലത്തില്‍ ആന്ധ്രാപ്രദേശിലെ തീരപ്രദേശങ്ങളിലും റായലസീമയിലും അതിശക്തമായ മഴയുണ്ടാകുമെന്ന് മുന്നറിയിപ്പ് നല്‍കിയിട്ടുണ്ട്. ഏലൂരു, വെസ്റ്റ് ഗോദാവരി, കൃഷ്ണ, ഗുണ്ടൂര്‍, നെല്ലൂര്‍, തിരുപ്പതി തുടങ്ങിയ ജില്ലകളില്‍ കനത്ത മഴയ്ക്ക് സാധ്യതയുണ്ട്. ബംഗാള്‍ ഉള്‍ക്കടലിലെ ചുഴലിക്കാറ്റിന്റെ സ്വാധീനം മൂലം ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാല്‍ വ്യാഴാഴ്ച വരെ ബംഗാള്‍ ഉള്‍ക്കടലില്‍ മത്സ്യബന്ധനത്തിനായി പോകരുതെന്ന് അധികൃതരുടെ നിര്‍ദേശം. രാജ്യത്ത് ചുഴലിക്കാറ്റിന്റെ ഏറ്റവും വലിയ ആഘാതമുണ്ടാകുന്ന സംസ്ഥാനങ്ങളാണ് ആന്ധ്രയും ഒഡിഷയും ബംഗാളും. ബംഗാള്‍ ഉള്‍ക്കടലിനോടു ചേര്‍ന്നുള്ള ഈ പ്രദേശങ്ങളില്‍ ഓരോ വര്‍ഷവും ആയിരക്കണക്കിന് പേരാണ് ചുഴലിക്കാറ്റിലും പേമാരിയിലും വെള്ളപ്പൊക്കത്തിലും മരിച്ചുകൊണ്ടിരിക്കുന്നത്.
കേരളത്തില്‍ ഒറ്റപ്പെട്ടയിടങ്ങളില്‍ ഇന്ന് മുതല്‍ നവംബര്‍ അഞ്ചുവരെ ഇടിമിന്നലോട് കൂടിയ മഴയ്ക്കും മണിക്കൂറില്‍ 40 കിലോമീറ്റര്‍ വരെ വേഗത്തില്‍ ശക്തമായ കാറ്റിനും സാധ്യതയുണ്ട്. പലയിടങ്ങളിലും ചുഴലിക്കാറ്റ് വന്‍നാശം വിതയ്ക്കുമെന്നാണ് അറിയിപ്പുകള്‍ ലഭ്യമാകുന്നത്.ആലപ്പുഴ, കോട്ടയം, ഇടുക്കി ജില്ലകളില്‍ ഇന്ന് യെലോ അലര്‍ട്ട് പ്രഖ്യാപിച്ചിരിക്കുന്നു. പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ നാളെയാണ് യെലോ അലര്‍ട്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.
അര്‍ണബിനു പിന്നാലെ ആന്ധ്രപ്രദേശിലേക്ക് മറ്റൊരു ചുഴലിക്കാറ്റുകൂടി കടന്നു വരുന്നത്. മുന്‍കരുതലിന്റെ ഭാഗമായി അയല്‍ സംസ്ഥാനമായ ഒഡിഷയും താഴ്ന്ന പ്രദേശങ്ങളില്‍നിന്ന് ആളുകളെ ഒഴിപ്പിക്കാന്‍ ഉത്തരവിട്ടു. ഒക്ടോബര്‍ 28ന് ആന്ധ്രാ തീരത്ത് വീശിയടിച്ച 'അര്‍ണബ്' ചുഴലിക്കാറ്റ് ഉണ്ടാക്കിയ നാശനഷ്ടങ്ങളില്‍നിന്ന് സംസ്ഥാനം മുക്തമാകുന്നതിന് മുന്‍പാണ് പുതിയ ഭീഷണി എത്തിയിരിക്കുന്നത്. ു. നിലവിലെ സാഹചര്യത്തില്‍ തീരദേശവാസികളോട് അതീവ ജാഗ്രത പാലിക്കാനും ഔദ്യോഗിക നിര്‍ദേശങ്ങള്‍ പിന്തുടരാനും അധികൃതര്‍ ആവശ്യപ്പെട്ടിട്ടുണ്ട്.
കേരളത്തില്‍ മാത്രമല്ല മറ്റ് സംസ്ഥാനങ്ങളിലും കാലാവസ്ഥാ വ്യതിയാനം വലിയ ആശങ്കളാണ് വരുത്തിവച്ചിരിക്കുന്നത്. വരുംദിവസങ്ങളില്‍ കേരളത്തില്‍ പെരുമഴയ്ക്കും മിന്നല്‍പ്രളയത്തിനുമുള്ള സാധ്യതകളും തള്ളിക്കളയാനാനാവില്ല.
കാലാവസ്ഥാ വ്യതിയാനം ശക്തമാണെന്നതിനുള്ള തെളിവുകളാണ് ലോകമെങ്ങുനിന്നും അനുദിനം പുറത്ത് വരുന്നത്. യുഎഇ, സൌദി തുടങ്ങിയ ഗള്‍ഫ് രാജ്യങ്ങളിലെ മരുഭൂമികളില്‍ വലിയ തടാകങ്ങള്‍ രൂപപ്പെടുന്ന രീതിയിലാണ് കഴിഞ്ഞ മാസം മഴ പെയ്‌തൊഴിഞ്ഞത്. ബ്രസീലിലും റഷ്യയിലും ചൈനയിലും ഇന്തോനേഷ്യയിലും അതിശക്തമായ പേമാരികളാണ് റിപ്പോര്‍ട്ട് ചെയ്യപ്പെട്ടത്. അമേരിക്കയിലെ ചില സംസ്ഥാനങ്ങള്‍ ചുഴലിക്കാറ്റിന്റെ പിടിയില്‍ അമരുമ്പോള്‍ മറ്റ് ചില സംസ്ഥാനങ്ങളില്‍ കാട്ടുതീ ശക്തമാവുകയാണ്.
മേഘവിസ്‌ഫോടനങ്ങള്‍ ചെറിയ സംസ്ഥാനമായ കേരളത്തിലും ആവര്‍ത്തിക്കുകയാണ്. കഴിഞ്ഞ ദിവസം കൊച്ചിയില്‍ വെറും ഒന്നര മണിക്കൂറിനുള്ളില്‍ പെയ്തത് 100 മില്ലി മീറ്ററില്‍ കൂടുതല്‍ മഴ. സാധാരണയായി ആഴ്ചകള്‍ കൊണ്ട് പെയ്യേണ്ടിയിരുന്ന ജലം മണിക്കൂറുകള്‍ക്കുള്ളില്‍ ഭൂമിയുടെ ഉപരിതലത്തിലെത്തുന്ന പ്രതിഭാസമാണ് മേഘവിസ്‌ഫോടനം. ഇത് നിമിഷ നേരം കൊണ്ട് വലിയൊരു പ്രദേശത്ത് വെള്ളപ്പൊക്കവും ഉരുള്‍പൊട്ടലിനുമുള്ള സാധ്യത പലമടങ്ങ് വര്‍ദ്ധിപ്പിക്കുന്നു. ഇടിയ്ക്കും മിന്നലിനും ഒപ്പം ശക്തമായ മണ്ണിടിച്ചിലും ഇത്തരം മേഘവിസ്‌ഫോടനങ്ങളുടെ അനുബന്ധമായി ഉണ്ടാകാം.
https://www.facebook.com/Malayalivartha
