വീട്ടമ്മ പുറത്തുപോയ സമയത്ത് വീടിനകത്തുകയറി അതിക്രമം നടത്തി . ചമ്പാട് അരയാക്കൂൽ ജന്മീന്റവിട പുഷ്പലതയുടെ വീട്ടിലാണ് അതിക്രമംഫാനും ടിവിയും മേശയും തകർത്തു മലമൂത്ര വിസർജനവും നടത്തി. . ഇന്നലെ ഉച്ചയ്ക്ക് വീടുപൂട്ടി പുറത്തു പോയതായിരുന്നു.

വൈകിട്ട് 6 മണിയോടെ വീട്ടിൽ തിരിച്ചെത്തിയപ്പോൾ വാതിൽ തുറന്നനിലയിലായിരുന്നു .അകത്തുകയറി പരിശോധിച്ചപ്പോൾ മുറിയിലെ സീലിങ് ഫാനിന്റെ ലീഫുകൾ ഒടിച്ച നിലയിലും ടിവിയും മേശയും അടുക്കളയിലെ മിക്സിയും മറിച്ചിട്ട നിലയിലും കണ്ടെത്തി.

വരാന്തയിൽ മലമൂത്രവിസർജനവും നടത്തി. ഫ്രിജിൽ സൂക്ഷിച്ചിരുന്ന മിഠായികൾ മാത്രമാണ് നഷ്ടപ്പെട്ടത്. പാനൂർ എസ്ഐ മരിയ പ്രിൻസിന്റെ നേതൃത്വത്തിലുള്ള പൊലീസ് സംഘം സ്ഥലത്തെത്തി പരിശോധന നടത്തി.സമീപവാസികളിൽനിന്ന് വിവരങ്ങൾ ശേഖരിച്ചു.