കൃഷിമന്ത്രി വി.എസ്.സുനില്കുമാറിനു കോവിഡ്-19 സ്ഥിരീകരിച്ചു...
കൃഷിമന്ത്രി വി.എസ്.സുനില്കുമാറിനു കോവിഡ്-19 സ്ഥിരീകരിച്ചു. മന്ത്രിക്ക് കാര്യമായ ആരോഗ്യപ്രശ്നങ്ങള് ഇല്ല. മന്ത്രിയുടെ ഓഫീസിലെ ജീവനക്കാര് നിരീക്ഷണത്തില് പ്രവേശിച്ചു. കോവിഡ് പ്രതിരോധ പ്രവര്ത്തനങ്ങളില് ഏറെ സജീവമാണ് മന്ത്രി സുനില്കുമാര്.
കോവിഡ് പ്രതിരോധ പ്രവര്ത്തനങ്ങളില് എറണാകുളം ജില്ലയുടെ ചുമതലയുള്ള മന്ത്രി കൂടിയാണ്. സംസ്ഥാന മന്ത്രിസഭയിലെ മൂന്നാമത്തെ അംഗത്തിനാണ് കോവിഡ് പോസിറ്റീവ് ആകുന്നത്. നേരത്തെ മന്ത്രിമാരായ തോമസ് ഐസക്, ഇ.പി.ജയരാജന് എന്നിവര്ക്ക് കോവിഡ് സ്ഥിരീകരിച്ചിരുന്നു.
അതേസമയം സംസ്ഥാനത്ത് കോവിഡ് നിയന്ത്രണങ്ങളില് ഏര്പ്പെടുത്തിയ ഇളവുകള് ഇന്നുമുതല് പ്രാബല്യത്തില്. സംസ്ഥാനത്തെ സര്ക്കാര് ഓഫീസുകളില് നൂറ് ശതമാനം ജീവനക്കാരും ഇന്നുമുതല് ഹാജരാകണം. കോവിഡ് പ്രോട്ടോകോളില് ഇളവുകള് പ്രഖ്യാപിച്ച് ദുരന്ത നിവാരണ വകുപ്പാണ് പുതിയ ഉത്തരവ് ഇറക്കിയത്.
സര്ക്കാര് ഓഫീസുകള്ക്ക് പുറമെ പൊതുമേഖലാ സ്ഥാപനങ്ങളിലും ഹാജര് നില 100 ശതമാനമായി പുനസ്ഥാപിക്കും. കോവിഡ് മാനദണ്ഡങ്ങള് കര്ശനമായി പാലിച്ചുകൊണ്ടാണ് സര്ക്കാര് ഓഫീസുകളും, പൊതുമേഖലാ സ്ഥാപനങ്ങളും പൂര്ണതോതില് പ്രവര്ത്തിക്കേണ്ടതെന്നും ദുരന്ത നിവാരണ വകുപ്പിന്റെ ഉത്തരവില് പറയുന്നു. കോവിഡ് നിയന്ത്രണങ്ങള് സര്ക്കാര് ഓഫീസുകളുടെ പ്രവര്ത്തനത്തെ ബാധിച്ചതായി ശ്രദ്ധയില്പെട്ടിട്ടുണ്ടെന്നും ഉത്തരവില് പറയുന്നു.
"
https://www.facebook.com/Malayalivartha