പുക പരിശോധന സര്‍ട്ടിഫിക്കേറ്റ് ഇനി മുതല്‍ മോട്ടോര്‍ വാഹന വകുപ്പ് നല്‍കും
പുക പരിശോധന സര്‍ട്ടിഫിക്കേറ്റ് അടുത്ത മാസം മുതല്‍ മോട്ടോര്‍ വാഹന വകുപ്പ് നല്‍കും. പുക പരിശോധനയുമായി ബന്ധപ്പെട്ട തര്‍ക്കങ്ങള്‍ പരിഹരിക്കുന്നതിന്റെ ഭാഗമായിട്ടാണ് പുതിയ തീരുമാനം. വാഹനങ്ങളിലെ പുക പരിശോധന പഴയതു പോലെ പരിശോധന കേന്ദ്രങ്ങളില്‍ തന്നെ തുടരും. പിന്നീടുളള തുടര്‍ നടപടികള്‍ ഓണ്‍ലൈനായിട്ടായിരിക്കും നടക്കുക. നടപടികള്‍ ഓണ്‍ലൈനില്‍ പൂര്‍ത്തിയാക്കി മോട്ടര്‍ വാഹന വകുപ്പായിരിക്കും സര്‍ട്ടിഫിക്കേറ്റ് നല്‍കുന്നത്. 2017 ഏപ്രിലിന് ശേഷം ഇറങ്ങിയ വാഹനങ്ങളെല്ലാം ബി എസ് 4 വിഭാഗത്തില്‍പ്പെട്ടതാണ്. ഇതിന് ഒരു വര്‍ഷത്തെ സര്‍ട്ടിഫിക്കറ്റാണ് നല്‍കേണ്ടത്. എന്നാല്‍ 2017 ന് മുന്‍പും ബി എസ് 4 വാഹനങ്ങള്‍ ഇറങ്ങിയിട്ടുണ്ട്.
ഇത് ആര്‍ സി ബുക്കില്‍ രേഖപ്പെടുത്തിയിട്ടുണ്ടാവില്ല. ഇതാണ് ഇപ്പോള്‍ നിലനില്‍ക്കുന്ന തര്‍ക്കത്തിന് കാരണം. പുക പരിശോധനാ സര്‍ട്ടിഫിക്കറ്റ് നേരിട്ട് മോട്ടോര്‍ വാഹന വകുപ്പിന്റെ കൈകളിലാകുമ്‌ബോള്‍ ഇത്തരം പ്രശ്‌നങ്ങള്‍ പരിഹരിക്കപ്പെടുമെന്നാണ് പ്രതീക്ഷിക്കുന്നത്.
https://www.facebook.com/Malayalivartha
