ഡോളര് കടത്ത് കേസില് ശിവങ്കറിനെ കസ്റ്റംസ് അറസ്റ്റ് ചെയ്തു
വിദേശത്തേക്ക് അനധികൃതമായി ഡോളര് കടത്തിയ കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കറിനെ കസ്റ്റംസ് അറസ്റ്റ് ചെയ്തു. സാമ്ബത്തിക കുറ്റകൃത്യങ്ങള് പരിഗണിക്കുന്ന കോടതി അനുമതി നല്കിയതിന് പിന്നാലെയാണ് അറസ്റ്റ് രേഖപ്പെടുത്തിയത്. ഡോളര് കടത്ത് കേസില് നാലാം പ്രതിയാണ് ശിവശങ്കര്. കാക്കനാട് ജയിലിലെത്തിയായിരുന്നു അറസ്റ്റ്.
സ്വപ്ന സുരേഷ്, സരിത്ത്, യു.എ.ഇ കോണ്സുലേറ്റിലെ അക്കൗണ്ടന്റായിരുന്ന ഈജിപ്ഷ്യന് പൗരന് ഖാലിദ് മുഹമ്മദലി ഷൗക്രി എന്നിവരാണ് കേസിലെ മറ്റ് പ്രതികള്. 1.90 ലക്ഷം ഡോളര് വിദേശത്തേക്ക് കടത്തുന്നതില് സ്വപ്ന അടക്കമുള്ളവര്ക്ക് സഹായം നല്കിയവരില് പ്രധാനിയാണ് ശിവശങ്കറെന്നാണ് കസ്റ്റംസിന്റെ കണ്ടെത്തല്. കസ്റ്റംസും എന്ഫോഴ്സ്മെന്റ് ഡയറക്ടറേറ്റും രജിസ്റ്റര് ചെയ്ത കേസുകളില് ജുഡീഷ്യല് കസ്റ്റഡിയില് കഴിയുകയാണ് ശിവശങ്കര്. ഡോളര് കടത്തുമായി ബന്ധപ്പെട്ട് അന്വേഷണം വിപുലപ്പെടുത്താനാണ് നീക്കം.
https://www.facebook.com/Malayalivartha