കേരളത്തില് ഭരണ തുടര്ച്ച പ്രവചിച്ച് അഭിപ്രായ സര്വ; 140ല് 82 സീറ്റുകളുമായി എല്.ഡി.എഫ് ഭരണം പിടിച്ചെടുക്കുമെന്ന് ടൈംസ് നൗ-സി വോട്ടര് അഭിപ്രായ സര്വെ ഫലം; യു.ഡി.എഫ് 56 സീറ്റുകളിലൊതുങ്ങും
കേരളത്തില് ഭരണ തുടര്ച്ച പ്രവചിച്ച് അഭിപ്രായ സര്വെ. 140ല് 82 സീറ്റുകളുമായി എല്.ഡി.എഫ് ഭരണം പിടിച്ചെടുക്കുമെന്നാണ് ടൈംസ് നൗ-സി വോട്ടര് അഭിപ്രായ സര്വെ ഫലം. യു.ഡി.എഫ് 56 സീറ്റുകളിലൊതുങ്ങുമെന്നും ബി.ജെ.പി ഒരു സീറ്റ് നേടുമെന്നും പ്രവചിക്കുന്നു.
തമിഴ്നാട്ടില് നിയമസഭ തെരഞ്ഞെടുപ്പില് ഡി.എം.കെയും കോണ്ഗ്രസുമടങ്ങുന്ന സഖ്യം വന് വിജയം നേടുമെന്നും ടൈംസ് നൗ-സി വോട്ടര് പ്രവചിക്കുന്നു. ഡി.എം.കെ സഖ്യം 158 സീറ്റുകള് നേടുമെന്നാണ് പ്രവചനം. 2016നെ അപേക്ഷിച്ച്, 60 സീറ്റുകളുടെ വര്ധനവാണിത്.
അതേസമയം, എന്.ഡി.എ 016ല് നേടിയ 136 സീറ്റുകളില് നിന്ന് ഇത്തവണ 65 സീറ്റുകളിലേക്ക് കൂപ്പു കുത്തുമെന്നാണ് അഭിപ്രായ സര്വെ പ്രവചിക്കുന്നത്.
യു.പി.എക്ക് 43.2 ശതമാനം വോട്ട് ഷെയര് ലഭിക്കുമെന്നാണ് പ്രവചനം. 2016ല് ലഭിച്ച 39.4 % വോട്ട് ഷെയറിനെ അപേക്ഷിച്ച് 1.8 ശതമാനം വര്ധന. എന്.ഡി.എയുടെ വോട്ട് ഷെയറില് 11.6ശതമാനത്തിന്റെ ഇടിവാണ് സര്വെ ഫലം സൂചിപ്പിക്കുന്നത്. 2016ല് 43.7 % വോട്ട് ഷെയര് ലഭിച്ചിരുന്ന സ്ഥാനത്ത് ഇത്തവണ 32.1 ലേക്ക് ചുരുങ്ങുമെന്നാണ് സര്വെ ഫലം.
അഭിപ്രായ വോട്ടെടുപ്പില് പങ്കെടുത്തവരില് 38.4 ശതമാനമാളുകളും എം.കെ. സ്റ്റാലിന് മുഖ്യമന്ത്രിയാവണമെന്നാണ് അഭിപ്രായപ്പെട്ടത്. 31% പേര് ഇ.കെ. പളനിസ്വാമിയും 7.4% പേര് കമല്ഹാസനും മുഖ്യമന്ത്രിയാവണമെന്ന താലപര്യം പ്രകടിപ്പിച്ചു. രജനികാന്ത് 4.3 %, വി.െക. ശശികല 3.9%, ഡോ. എസ്. രാമദോസ് 2.5%, കെ.എസ്. അളഗിരി 1.7%, ഒ. പനീര് സെല്വം 2.6%, മറ്റുള്ളവര് 8.2% എന്നിങ്ങനെയാണ് മുഖ്യമന്ത്രി പദത്തിലേക്ക് സര്വെയില് ലഭിച്ച പിന്തുണ.
ബി.ജെ.പി നേതൃത്വത്തിലുള്ള കേന്ദ്ര സര്ക്കാറില് 12.07 ശതമാനം പേര് അതീവ തൃപ്തിയും 22.28 % പേര് ഒരു പരിധിവരെ തൃപ്തിയും രേഖപ്പെടുത്തിയപ്പോള് 53.26% പേര് കേന്ദ്ര സര്ക്കാറില് അതൃപ്തി രേഖപ്പെടുത്തി.
പ്രധാനമന്ത്രി നരേന്ദ്രമോദിയോട് സര്വെയില് പങ്കെടുത്ത പകുതിയിലേറെ പേര്ക്കും താല്പര്യമില്ല. 51.09% പേരാണ് അതൃപ്തി രേഖപ്പെടുത്തിയത്. 17.29% പേര് അതീവ തൃപ്തിയും 24.35 % പേര് ഒരു പരിധി വരെ തൃപ്തിയും രേഖപ്പെടുത്തി.
https://www.facebook.com/Malayalivartha