വോട്ടര്പട്ടികയില് പേര് ചേര്ക്കുന്നതിന് ഓണ്ലൈനായി അപേക്ഷ സമര്പ്പിക്കാനുള്ള സമയം ചൊവ്വാഴ്ച രാത്രി 12-ന് അവസാനിക്കും.... മാര്ച്ച് 9-ന് ശേഷം വോട്ടര്പട്ടികയില് പേര് ചേര്ക്കാന് ലഭിക്കുന്ന അപേക്ഷകള് തിരഞ്ഞെടുപ്പിനുശേഷം മാത്രമേ പരിഗണിക്കുകയുള്ളൂ
വോട്ടര്പട്ടികയില് പേര് ചേര്ക്കുന്നതിന് ഓണ്ലൈനായി അപേക്ഷ സമര്പ്പിക്കാനുള്ള സമയം ചൊവ്വാഴ്ച രാത്രി 12-ന് അവസാനിക്കും.
തൃശൂര് ജില്ലയില് 18 വയസ്സ് തികഞ്ഞവരില് നല്ലൊരു ശതമാനം ഇനിയും വോട്ടര്പട്ടികയില് പേരുചേര്ത്തിട്ടില്ല. അവസരം പാഴാക്കരുതെന്ന് ജില്ലാ തിരഞ്ഞെടുപ്പ് ഉദ്യോഗസ്ഥന് കൂടിയായ കളക്ടര് എസ്. ഷാനവാസ് അറിയിച്ചു.
2021 ജനുവരി 20-ന് പ്രസിദ്ധീകരിച്ച വോട്ടര്പട്ടിക പ്രകാരം ജില്ലയിലെ ജനസംഖ്യയിലെ 18-19 പ്രായപരിധിയിലുള്ള 30 ശതമാനം പേര് മാത്രമാണ് വോട്ടര്പട്ടികയില് പേര് രജിസ്റ്റര് ചെയ്തത്.
പുതിയതായി വോട്ടര്പട്ടികയില് പേര് ചേര്ക്കേണ്ടിവരും വിദേശത്തുനിന്ന് എത്തിയവരില് വോട്ട് ചെയ്യാന് അര്ഹതയുള്ളവരും nvsp.in വഴി ചൊവ്വാഴ്ച തന്നെ അപേക്ഷ സമര്പ്പിക്കണം. 2021 ജനുവരി ഒന്നിന് 18 വയസ്സ് പൂര്ത്തിയായവര് nvsp.in പോര്ട്ടല് തുറന്നാല് കാണുന്ന രജിസ്ട്രേഷന് ഫോര് ന്യൂ ഇലക്ടര് സെലക്ട് ചെയ്ത് പേര് രജിസ്റ്റര് ചെയ്യണം.
തദ്ദേശ തിരഞ്ഞെടുപ്പിന്റെയും നിയമസഭാ തിരഞ്ഞെടുപ്പിന്റെയും വോട്ടര്പട്ടിക വ്യത്യസ്തമായതിനാല് വോട്ടര്പട്ടികയില് പേരുകള് ഉണ്ടെന്ന് വോട്ടര്മാര് ഉറപ്പുവരുത്തണം.
നാഷണല് വോട്ടേഴ്സ് സര്വീസ് പോര്ട്ടലായ nvsp.in ല് തന്നെ വോട്ടര്പട്ടികയില് പേരു നോക്കാനുള്ള സൗകര്യവും ഉണ്ട്. മാര്ച്ച് 9-ന് ശേഷം വോട്ടര്പട്ടികയില് പേര് ചേര്ക്കാന് ലഭിക്കുന്ന അപേക്ഷകള് തിരഞ്ഞെടുപ്പിനുശേഷം മാത്രമേ പരിഗണിക്കുകയുള്ളൂ. അന്തിമ വോട്ടര്പട്ടിക പ്രസിദ്ധീകരിക്കുന്ന തീയതി പിന്നീട് അറിയിക്കും.
വോട്ടര്പട്ടികയില് പേരുചേര്ക്കുന്നതെങ്ങനെ
1950-ലെ ജനപ്രാതിനിധ്യ നിയമം 16,17,18 സെക്ഷനുകള് പ്രകാരം കമ്മീഷന് നിശ്ചയിക്കുന്ന തീയതിയില് 18 വയസ്സ് തികയുന്ന ഏതൊരു ഇന്ത്യന് പൌരനും അയാള് സാധാരണ താമസിക്കുന്ന സ്ഥലത്തെ വോട്ടര് പട്ടികയില് ചേരാന് അര്ഹനാണ്
ഓണ്ലൈന് മുഖേന വോട്ടര്പട്ടികയില് പേരു ചേര്ക്കല്
ഇപ്പോള് കേരളത്തില് വോട്ടര്പട്ടികയില് പേരു ചേര്ക്കുന്നതും തിരുത്തലുകള് വരുത്തുന്നതും മേല്വിലാസം മാറ്റുന്നതും ഓണ്ലൈന് വഴിയുള്ള അപേക്ഷ മുഖേനയാണ്. രാജ്യത്തിനു പുറത്ത് താമസിക്കുന്ന ഇന്ത്യന് പൌരന്മാര്ക്കും ഓണ്ലൈന് മുഖേന പ്രവാസി വോട്ടറായി പേര് രജിസ്റ്റര് ചെയ്യാവുന്നതാണ്. ഓണ്ലൈന് വഴി ലഭിക്കുന്ന അപേക്ഷകള് ഏതു ബൂത്തിലേയ്ക്കാണോ അപേക്ഷിച്ചിട്ടുള്ളത് ആ ബൂത്തിലെ ബൂത്ത് ലെവല് ഓഫീസര്ക്ക് പരിശോധനയ്ക്ക് വേണ്ടി കൈമാറുന്നു.
ബൂത്ത് ലെവല് ഓഫീസറുടെ പരിശോധനാ റിപ്പോര്ട്ടിന്റെ അടിസ്ഥാനത്തില് പ്രസ്തുത അപേക്ഷയിന്മേല് ഇലക്ടറല് രജിസ്ട്രേഷന് ഓഫീസര് (തഹസീല്ദാര്) തീരുമാനമെടുക്കുന്നു.
അപേക്ഷിക്കുന്ന സമയത്തും അപേക്ഷയിന്മേല് തീരുമാനമെടുത്ത ശേഷവും അപേക്ഷകന് ഇതു സംബന്ധിച്ച എസ്.എം.എസ് ലഭിക്കുന്നു.അപേക്ഷകനെ വോട്ടര്പട്ടികയില് ചേര്ത്തശേഷം അപേക്ഷകന് ആവശ്യപ്പെട്ടതനുസരിച്ച് ബി.എല്.ഒ മുഖാന്തിരമോ പോസ്റ്റ് വഴിയോ താലൂക്ക് ഓഫീസില്നിന്ന് നേരിട്ടോ അപേക്ഷകന് ഇലക്ടര് ഫോട്ടോ ഐഡന്റിറ്റി കാര്ഡ് (എപിക്) നല്കുന്നു.
അപേക്ഷ സമര്പ്പിക്കുന്നതിനോ കാര്ഡ് ലഭിക്കുന്നതിനോ അപേക്ഷകന് ഒരു ഓഫീസും സന്ദര്ശിക്കേണ്ടതില്ല. പ്രസ്തുത സേവനം പൗരന്റെ വീട്ടുപടിക്കല് ലഭ്യമാണ്.
https://www.facebook.com/Malayalivartha