രാജ്യത്ത് ദിനംപ്രതി കോവിഡ് കേസുകൾ കൂടുന്നു എന്ന വാർത്തകൾ വന്നുകൊണ്ടിരിയ്ക്കുമ്പോൾ. ചില ഭാഗങ്ങളിൽ കോവിഡ് വ്യാപനം കുറഞ്ഞുകൊണ്ടിരിക്കുകയാണ്. കഴിഞ്ഞ 24 മണിക്കൂറിനുള്ളില്‍ രാജ്യത്തെ 14 സംസ്ഥാനങ്ങളും കേന്ദ്ര ഭരണപ്രദേശങ്ങളിലും ഒരാള്‍ പോലും കൊവിഡ് മൂലം മരണം സംഭവിച്ചിട്ടില്ല.

രാജസ്ഥാന്‍, ജമ്മു കശ്മീര്‍, ജാര്‍ഖണ്ഡ്, ഒഡീഷ, പോണ്ടിച്ചേരി, ലക്ഷദ്വീപ്, സിക്കിം, ദാമന്‍ & ദിയു, നാഗര്‍ഹവേലി, ലഡാക്ക്, മണിപ്പൂര്‍, ത്രിപുര, മിസോറാം, ആന്തമാന്‍ ആന്റ് നിക്കോബാര്‍, അരുണാചല്‍ പ്രദേശ് തുടങ്ങിയവിടങ്ങളിലാണ് ഒരു മരണം പോലും റിപോര്‍ട്ട് ചെയ്യാത്ത പ്രദേശങ്ങൾ.

ഇന്ത്യ ഇതുവരെ 5.69 കൊവിഡ് വാക്‌സിന്‍ ഡോസുകള്‍ വിതരണം ചെയ്തുകഴിഞ്ഞതായി കേന്ദ്ര ആരോഗ്യ കുടുംബക്ഷേമ മന്ത്രാലയം വ്യക്തമാക്കി. ഇന്നലെ വരെയുള്ള കണക്കായിരുന്നു ഇത്. ''ആകെ 6,69,57,612 ഡോസ് വാക്‌സിനാണ് വിതരണം ചെയ്തുകഴിഞ്ഞിട്ടുള്ളത്. ഏഴ് മണിവരെയുള്ള കണക്കാണ് ഇപ്പോള്‍ പുറത്തുവിടുന്നത്'' ആരോഗ്യ വകുപ്പിന്റെ വാര്‍ത്താക്കുറിപ്പില്‍ വ്യക്തമാക്കുന്നു.

ഇതില്‍ 80,66,471 ആരോഗ്യപ്രവര്‍ത്തകര്‍ക്ക് നല്‍കിയ ആദ്യ ഡോസ് വാക്‌സിനും 51,27,234 ആരോഗ്യപ്രവര്‍ത്തകര്‍ക്ക് നല്‍കിയ രണ്ടാം ഡോസ് വാക്‌സിനും 86,79,307 മുന്‍ നിരപ്രവര്‍ത്തകര്‍ക്ക് നല്‍കിയ ആദ്യ ഡോസ് വാക്‌സിനും 34,96,356 മുന്‍നിര പ്രവര്‍ത്തകര്‍ക്കു നല്‍കിയ രണ്ടാം ഡോസ് വാക്‌സിനും ഉള്‍പ്പെടുന്നു.

2,57,01,645 പേര്‍ 60 വയസ്സിനു മുകളിലുള്ളവരും 58,86,599 പേര്‍ 45 വയസ്സിനു മുകളിലുള്ളവരുമാണ്. വെള്ളിയാഴ്ച 14,53,172 വാക്‌സിന്‍ ഡോസുകളാണ് നല്‍കിയത്. രാജ്യത്ത് കൊവിഡ് വാക്‌സിന്‍ വിതരണം തുടങ്ങിയിട്ട് ഇന്ന് എഴുപത് ദിവസമാകുകയാണ്.