'ഞങ്ങള്ക്കും കുടുംബമുണ്ട്... ഉറപ്പ് തരുന്നു കോവിഡ് പോസിറ്റീവ് ആണങ്കിലും അല്ലെങ്കിലും കറന്റ് ഞങ്ങള് ശരിയാക്കിത്തരും..' കെ എസ് ഇ ബി ജീവനക്കാര്ക്കാരുടെ അഭ്യര്ത്ഥനയുമായി ഷെയ്ന് നിഗം രംഗത്ത്
കെ എസ് ഇ ബി ജീവനക്കാര്ക്കായി അഭ്യര്ത്ഥനയുമായി രംഗത്ത് എത്തിയിരിക്കുകയാണ് നടന് ഷെയ്ന് നിഗം. ഈ ലോക്ക്ഡൗണ് ആരംഭിച്ചതിന് ശേഷം നിരന്തരമായ മഴയും കാറ്റുമാണ്, അതിനാല് തന്നെ പല സെക്ഷനിലേയും ഉദ്യോഗസ്ഥര് തങ്ങളുടെ വീടുകളില് പോലും പോകാതെ ജോലി ചെയ്യുന്ന അവസ്ഥയാണ് ഉള്ളത്.
അതിനാല് തന്നെ ജനങ്ങള് വീടുകളില് കൊവിഡ് ഉണ്ടെങ്കില് കറന്റ് പോയാല് ശരിയാക്കാന് വിളിക്കുമ്പോള് അത് കൂടെ അറിയിക്കണമെന്ന് നടന് കുറിപ്പിൽ പറയുന്നു. പലരും ഈ വിവരം ജീവനക്കാരില് നിന്ന് മറച്ചുവെക്കുന്നുണ്ട്. അത്തരം പ്രവര്ത്തികള് ജനങ്ങളില് നിന്നുണ്ടാകരുത് എന്നും നടന് പങ്കുവെച്ച കുറിപ്പില് വ്യക്തമാക്കുന്നു.
ഷെയ്ന് നിഗം പങ്കുവെച്ച കുറിപ്പിന്റെ പൂര്ണ്ണരൂപം:
കെ എസ് ഇ ബി ജീവനക്കാരുടെ ഒരു പ്രത്യേക അപേക്ഷ.ലോക്ക് ഡൗണ് തുടങ്ങിയതിനു ശേഷം എല്ലാ ദിവസവും ശക്തമായ മഴയും കാറ്റുമാണ്. പല സെക്ഷനിലും ജീവനക്കാര് വീട്ടില് പോലും പോകാതെ ജോലി ചെയ്യുന്നു.
നിങ്ങളുടെ ആരുടെയെങ്കിലും വീട്ടില് കോവിഡ് പോസിറ്റീവ് ആളുകളുണ്ടെങ്കില് അവിടെ കറന്റ് പോയാല് ശരിയാക്കുന്നതിന് ഓഫീസില് വിളിച്ചറിയിക്കുമ്ബോള് അക്കാര്യം കൂടി അറിയിക്കുക, ഓഫീസില് നിന്ന് പി.പി.ഇ കിറ്റും മറ്റു സംവീധാനങ്ങളുമായി വന്ന് കൃത്യമായി നിങ്ങളുടെ കറന്്റ് ശരിയാക്കിത്തരും.
ദുഃഖകരമായ ഒരു കാര്യം , ചില കോവിഡ് പോസിറ്റീവ് വീടുകളില് നിന്ന് കോവിഡ് പോസിറ്റീവ് എന്നു പറഞ്ഞാല് ഓഫീസില് നിന്ന് ജീവനക്കാര് വരില്ല എന്ന് കരുതി വിവരം മറച്ചുവെക്കുകയുണ്ടായി.
ദയവായി ഇത്തരം പ്രവര്ത്തനങ്ങള് പൊതുജനങ്ങളില് നിന്ന് ഉണ്ടാവരുത് എന്നഭ്യര്ത്ഥിക്കുന്നു. 'ഞങ്ങള്ക്കും കുടുംബമുണ്ട് ' ഉറപ്പ് തരുന്നു കോവിഡ് പോസിറ്റീവ് ആണങ്കിലും അല്ലെങ്കിലും കറന്്റ് ഞങ്ങള് ശരിയാക്കിത്തരും.
https://www.facebook.com/Malayalivartha
