രാജ്യത്തെ പൊതുപരിക്ഷ സംവിധാനത്തിൽ സുതാര്യതയും സുരക്ഷയും ഉറപ്പാക്കാൻ ലക്ഷ്യമിടുന്ന പൊതുപരിക്ഷാ ഭേദഗതി ബിൽ രാജ്യസഭയും പാസാക്കി. ശബ്ദവോട്ടോടെയാണ് ബിൽ അംഗീകരിച്ചത്. ഇതോടെ ബിൽ പാർലമെന്റിന്റെ ഇരുസഭകളുടെയും അംഗീകാരം നേടുകയും ചെയ്തു.

ബില്ലിന്മേൽ ലോക്സഭയിലും രാജ്യസഭയിലും വിശദമായ ചർച്ച നടന്നു. പരീക്ഷ ചോദ്യപേപ്പർ ചോർച്ച, ക്രമക്കേടുകൾ, ആൾമാറാട്ടം, ഡിജിറ്റൽ തട്ടിപ്പുകൾ എന്നിവ തടയാനായി നിലവിലെ നിയമവ്യവസ്ഥകൾ കൂടുതൽ ശക്തമാക്കുന്നതാണ് ഭേദഗതിയെന്ന് വ്യക്തമാക്കി കേന്ദ്ര സർക്കാർ .

പരീക്ഷ ക്രമക്കേടുകൾക്കെതിരെ കർശന നടപടികൾ സ്വീകരിക്കുന്നതിനും പരിക്ഷ നടത്തിപ്പ് കൂടുതൽ വിശ്വാസ്യതയുള്ളതാക്കുന്നതിനുമാണ് ബിൽ ലക്ഷ്യമിടുന്നതെന്ന് കേന്ദ്ര വിദ്യാഭ്യാസ മന്ത്രി സഭയെ അറിയിക്കുകയും ചെയ്തു.

പരീക്ഷാ സംവിധാനത്തെ കൂടുതൽ കരുത്തുറ്റതും സുതാര്യവുമാക്കി വിദ്യാർത്ഥികളുടെ വിശ്വാസം വർധിപ്പിക്കാനായി ഈ നിയമം സഹായിക്കുമെന്ന് വ്യക്തമാക്കി സർക്കാർ.