രണ്ടാം പിണറായി മന്ത്രി സഭയുടെ സത്യപ്രതിജ്ഞ തിരുവനന്തപുരം സെ​ന്‍ട്രല്‍ സ്​റ്റേഡിയത്തില്‍ ത​ന്നെ നടക്കുമെന്ന്​ മുഖ്യമന്ത്രി പിണറായി വിജയന്‍ വാർത്ത സമ്മേളനത്തിൽ വ്യക്തമാക്കി. 50000ത്തിലേറെ പേര്‍ക്ക്​ ഇരിപ്പിടമുള്ള സ്​റ്റേഡിയത്തില്‍ പരമാവധി 500ഓളാണ്​ പേരാണ്​ പ​ങ്കെടുക്കുകയെന്ന്​ മുഖ്യമന്ത്രി കൂട്ടിച്ചേര്‍ത്തു.

''സത്യപ്രതിജ്ഞ ജനങ്ങളുടെ മധ്യത്തില്‍ ആഘോഷത്തിമിര്‍പ്പിലാണ്​ നടക്കേണ്ടത്​. അതാണ്​ ജനാധിപത്യത്തിലെ കീഴ്​വഴക്കം. പക്ഷേ നിര്‍​ഭാഗ്യവശാല്‍ കോവിഡ്​ മഹാമാരിയുടെ സാഹചര്യത്തില്‍ ജനമധ്യത്തില്‍ നടത്താനാകില്ല. അതുകൊണ്ടാണ്​ പരിമിതമായ തോതില്‍ നടത്താന്‍ തീരുമാനിക്കുന്നത്​.

50000ത്തിലേറെ പേര്‍ക്ക്​ ഇരിപ്പിടമുള്ള സ്​റ്റേഡിയത്തില്‍ പരമാവധി 500ഓളം പേര്‍ പ​ങ്കെടുക്കും. കഴിഞ്ഞ സര്‍ക്കാര്‍ 40000ത്തിലധികം പേരുടെ സാന്നിധ്യത്തില്‍ നടത്തിയ പരിപാടിയാണ്​ പ്രത്യേക സാഹചര്യത്തില്‍ ചുരുക്കുന്നത്​. 500 എന്നത്​ ഇത്തരം സാഹചര്യത്തില്‍ വലിയ സംഖ്യയല്ല. 140 നിയമസഭ സാമാജികരും 20 എം.പിമാരുമുണ്ട്​. ലെജിസ്​​േലറ്റര്‍, എക്​സിക്യൂട്ടീവ്​, ജുഡീഷ്യറി എന്നിവയില്‍ നിന്നുള്ളവരും പ​ങ്കെടുക്കും. ജനാധിപത്യത്തെ മാനിക്കുന്ന ഒരാള്‍ക്കും ഇവ മൂന്നിനെയും അവഗണിക്കാനാവില്ല.

അനിവാര്യമായ ഉദ്യോഗസ്ഥരെയാണ്​ പരിഗണിക്കുന്നത്​. സത്യപ്രതിജ്ഞ ചെയ്യുന്നത്​ കാണാനും അറിയാനും ജനങ്ങള്‍ക്ക്​ സഫലമാകുന്നത്​ മാധ്യമങ്ങളിലൂടെയാണ്​​. എങ്കിലും മാധ്യമപ്രവര്‍ത്തകരുടെ പങ്കാളിത്തം ക്രമീകരിക്കും. മൂന്നുകോടിയോളം ജനങ്ങളെ ​പ്രതിനിധീകരിക്കുന്ന ചടങ്ങില്‍ ഇത്​ അധികമല്ല. മറ്റൊരു തരത്തില്‍ വ്യാഖാനിക്കാതെ യഥാര്‍ഥ വസ്​തുത മനസ്സിലാക്കണം.

സ്​റ്റേഡിയം ആയതുകൊണ്ട്​ ജനസമുദ്രം എന്ന്​ കരുതേണ്ട. തുറസായ സ്ഥലമാണ്​ നല്ലതെന്ന്​ കരുതിയാണ്​ സ്​റ്റേഡിയം തെരഞ്ഞെടുത്തത്​​. വായുസഞ്ചാരവും ലഭിക്കും'' -മുഖ്യമന്ത്രി പറഞ്ഞു.